ਜ਼ੇਲੇਂਸਕੀ ਨੇ ਪੀਐਮ ਮੋਦੀ ਨੂੰ ਚਿੱਠੀ ਲਿਖ ਕੇ ਮੰਗੀ ਮਦਦ

ਨਵੀਂ ਦਿੱਲੀ-ਪਿਛਲੇ ਸਾਲ 24 ਫਰਵਰੀ ਨੂੰ ਯੂਕ੍ਰੇਨ ‘ਤੇ ਰੂਸ ਦੇ ਹਮਲੇ ਤੋਂ ਬਾਅਦ ਯੂਕ੍ਰੇਨ ਤੋਂ ਕਿਸੇ ਨੇਤਾ ਦੀ ਪਹਿਲੀ ਭਾਰਤ ਯਾਤਰਾ ਹੈ। ਯੂਕ੍ਰੇਨ ਦੀ ਪਹਿਲੀ ਉੱਪ ਵਿਦੇਸ਼ ਮੰਤਰੀ ਏਮਨ ਜਾਪਾਰੋਵਾ ਨੇ ਆਪਣੇ ਭਾਰਤੀ ਵਾਰਤਾਕਾਰਾਂ ਨੂੰ ਕੀਵ ਦੀ ਨਵੀਂ ਦਿੱਲੀ ਨਾਲ ਮਜ਼ਬੂਤ ਅਤੇ ਕਰੀਬੀ ਸੰਬੰਧ ਬਣਾਉਣ ਦੀ ਇੱਛਾ ਤੋਂ ਜਾਣੂੰ ਕਰਵਾਇਆ। ਵਿਦੇਸ਼ ਮੰਤਰਾਲਾ ਨੇ ਬੁੱਧਵਾਰ ਨੂੰ ਕਿਹਾ ਕਿ ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦਿਮੀਰ ਜ਼ੇਲੇਂਸਕੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਕ ਚਿੱਠੀ ਲਿਖੀ ਹੈ। ਜਾਪਾਰੋਵਾ ਨੇ ਮੰਗਲਵਾਰ ਨੂੰ ਇਕ ਬੈਠਕ ਦੌਰਾਨ ਵਿਦੇਸ਼ ਰਾਜ ਮੰਤਰੀ ਮੀਨਾਕਸ਼ੀ ਲੇਖੀ ਨੂੰ ਇਹ ਚਿੱਠੀ ਸੌਂਪੀ।
ਮੰਤਰਾਲਾ ਨੇ ਕਿਹਾ ਕਿ ਅਗਲੇ ਦੌਰ ਦੀ ਵਿਦੇਸ਼ ਦਫ਼ਤਰ ਪੱਧਰ ਦੀ ਵਿਚਾਰ ਵਟਾਂਦਰਾ ਬੈਠਕ ਆਪਸੀ ਸਹੂਲਤੀਅਨ ਅਨੁਸਾਰ ਕਿਸੇ ਤਾਰੀਖ਼ ਨੂੰ ਕੀਵ ‘ਚ ਆਯੋਜਿਤ ਕੀਤੀ ਜਾਵੇਗੀ। ਵਿਦੇਸ਼ ਮੰਤਰਾਲਾ ਨੇ ਕਿਹਾ ਕਿ ਯੂਕ੍ਰੇਨ ਨੇ ਦਵਾਈਆਂ, ਮੈਡੀਕਲ ਉਪਕਰਣਾਂ ਸਮੇਤ ਐਡੀਸ਼ਨਲ ਮਨੁੱਖੀ ਸਪਲਾਈ ਦੀ ਅਪੀਲ ਕੀਤੀ ਹੈ। ਯੂਕ੍ਰੇਨ ਦੀ ਪਹਿਲੀ ਉੱਪ ਵਿਦੇਸ਼ ਮੰਤਰੀ ਜਾਪਾਰੋਵਾ ਦੀ ਤਿੰਨ ਦਿਨਾ ਯਾਤਰਾ ਬੁੱਧਵਾਰ ਨੂੰ ਖ਼ਤਮ ਹੋ ਗਈ।