ਸਾਨੂੰ ਮਰਨਾ ਕਬੂਲ, ਪਰ ਭਾਜਪਾ ਨਾਲ ਜਾਣਾ ਮਨਜ਼ੂਰ ਨਹੀਂ : ਨਿਤੀਸ਼ ਕੁਮਾਰ

ਪਟਨਾ-ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਪਟਨਾ ‘ਚ ਵੱਡਾ ਬਿਆਨ ਦਿੰਦੇ ਹੋਏ ਕਿਹਾ ਹੈ ਕਿ ਸਾਨੂੰ ਮਰਨਾ ਮਨਜ਼ੂਰ ਹੈ, ਪਰ ਉਨ੍ਹਾਂ ਨਾਲ (ਭਾਜਪਾ) ਜਾਣਾ ਮਨਜ਼ੂਰ ਨਹੀਂ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਘੱਟ ਗਿਣਤੀ ਦੀਆਂ ਵੋਟਾਂ ਵੀ ਮਿਲੀਆਂ, ਹੁਣ ਭਾਜਪਾ ਭੁੱਲ ਗਈ ਹੈ ਕਿ ਇਹ ਵੋਟਾਂ ਕਿਵੇਂ ਮਿਲੀਆਂ। ਇਸ ਵਾਰ ਉਹ ਸਾਨੂੰ ਹੀ ਹਰਾ ਕੇ ਸਾਡੀਆਂ ਵੋਟਾਂ ਲੈ ਕੇ ਜਿੱਤ ਗਏ ਤੇ ਹੁਣ ਬੋਲ ਰਹੇ ਹਨ। ਅਸੀਂ ਤਾਂ ਅਟਲ-ਅਡਵਾਨੀ ਦੇ ਹੱਕ ਵਿੱਚ ਸੀ, ਹੁਣ ਜੋ ਇਹ ਲੋਕ ਆ ਗਏ ਹਨ, ਸਭ ਕੁਝ ਬਦਲ ਰਹੇ ਹਨ। ਨਾਮ ਬਦਲ ਰਹੇ ਹਨ। ਨਿਤੀਸ਼ ਕੁਮਾਰ ਨੇ ਕਿਹਾ ਕਿ ਬਾਪੂ ਤਾਂ ਸਭ ਨੂੰ ਬਚਾ ਰਹੇ ਸੀ, ਸਭ ਨੂੰ ਨਾਲ ਲੈ ਕੇ ਚੱਲਦੇ ਸੀ, ਇਸੇ ਲਈ ਉਨ੍ਹਾਂ ਦੀ ਹੱਤਿਆ ਹੋਈ। ਇਹ ਕਿਸੇ ਨੂੰ ਨਹੀਂ ਭੁੱਲਣਾ ਹੈ, ਇਹ ਲੋਕ ਭਾਵੇਂ ਜਿੰਨਾ ਮਰਜ਼ੀ ਭੁਲਵਾਉਣਾ ਚਾਹੁਣ, ਝਗੜਾ ਕਰਵਾਉਣਾ ਚਾਹੁਣ, ਇਹ ਭੁੱਲਣਾ ਨਹੀਂ ਚਾਹੀਦਾ। ਸਾਨੂੰ ਤਾਂ ਮਰ ਜਾਣਾ ਕਾਬੂਲ ਹੈ, ਪਰ ਉਹਨਾਂ ਦੇ ਨਾਲ ਜਾਣਾ ਮਨਜ਼ੂਰ ਨਹੀਂ ਹੈ।