ਸਨਾਤਨ ਧਰਮ ਪਥ ਪ੍ਰੀਸ਼ਦ ਵੱਲੋਂ ਇੰਝ ਮਨਾਇਆ ਗਿਆ ਨਵਾਂ ਸਾਲ

ਪਠਾਨਕੋਟ-ਹਿੰਦੂ ਕੈਲੰਡਰ ਦਾ ਅਨੁਸਾਰ ਪਹਿਲਾ ਮਹੀਨਾ ਚੈਤਰ ਹੈ ਅਤੇ ਆਖਰੀ ਮਹੀਨਾ ਫੱਗਣ ਹੁੰਦਾ ਹੈ। ਅੱਜ ਤੋਂ ਹਿੰਦੂ ਕੈਲੰਡਰ ਵਿਕਰਮ ਸੰਵਤ 2080 ਦਾ ਨਵਾਂ ਸਾਲ ਸ਼ੁਰੂ ਹੋ ਗਿਆ ਹੈ। ਹਿੰਦੂ ਵਿਕਰਮ ਸੰਵਤ 2080 ਅੰਗਰੇਜ਼ੀ ਕੈਲੰਡਰ ਦੇ ਸਾਲ 2023 ਤੋਂ 57 ਸਾਲ ਪਹਿਲਾਂ ਹੋਵੇਗਾ। ਇਸ ਦਿਨ ਤੋਂ ਦੇਵੀ ਦੁਰਗਾ ਦੀ ਪੂਜਾ ਦਾ ਮਹਾਨ ਤਿਉਹਾਰ ਚੈਤਰ ਨਵਰਾਤਰੀ ਸ਼ੁਰੂ ਹੋ ਗਏ ਹਨ। ਹਿੰਦੂ ਕੈਲੰਡਰ ਦਾ ਅਨੁਸਾਰ ਨਵੇਂ ਸਾਲ ਨੂੰ ਵਧੀਆ ਢੰਗ ਨਾਲ ਮਨਾਉਣ ਦੇ ਲਈ ਸਨਾਤਨ ਧਰਮ ਪਥ ਪ੍ਰੀਸ਼ਦ ਦੇ ਵਲੋਂ ਪਠਾਨਕੋਟ ਦੇ ਵਿਸ਼ਵਕਰਮਾ ਮੰਦਿਰ ਵਿਖੇ ਸੁੰਦਰ ਕਾਂਡ ਦਾ ਪਾਠ ਰੱਖਿਆ ਗਿਆ।
ਨਵੇਂ ਸਾਲ ਬਾਰੇ ਜਾਣਕਾਰੀ ਦੇਂਦੇ ਹੋਈ ਪੰਡਿਤ ਰਾਕੇਸ਼ ਸ਼ਾਸਰੀ ਨੇ ਦਸਿਆ ਕਿ ਸਨਾਤਨ ਧਰਮ ਪੰਥ ਪ੍ਰੀਸ਼ਦ ਵਲੋਂ ਆਏ ਦਿਨ ਕੋਈ ਨਾ ਕੋਈ ਧਰਮ ਕਰਮ ਦੇ ਕੱਮ ਕੀਤੇ ਜਾਂਦੇ ਹਨ। ਇਸ ਸਭ ਦੇ ਚਲਦੇ ਹੀ ਪੰਥ ਪ੍ਰੀਸ਼ਦ ਵਲੋਂ ਇਸ ਨਵੇਂ ਸਾਲ ਦੇ ਮੌਕੇ ਧਾਰਮਿਕ ਪ੍ਰੋਗਰਾਮ ਕਰਵਾਇਆ ਗਿਆ ਜਿਸ ਵਿੱਚ ਸਤੀਸ਼ ਸ਼ਾਸਤਰੀ ਵਲੋਂ ਸੁੰਦਰ ਕਾਂਡ ਪਾਠ ਕੀਤਾ ਗਿਆ। ਇਸ ਧਾਰਮਿਕ ਸਮਾਗਮ ਵਿੱਚ ਸ਼ਹਿਰ ਦੇ ਵਿਦਵਾਂਨ ਲੋਕਾਂ ਨੇ ਸ਼ਿਰਕਤ ਕੀਤੀ। ਉਨ੍ਹਾਂ ਦਸਿਆ ਕਿ ਇਹ ਪਾਠ ਵਿਸ਼ਵ ਸ਼ਾਂਤੀ ਦੇ ਲਈ ਕੀਤਾ ਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਹਿੰਦੂ ਸਮਾਜ ਅਨੁਸਾਰ ਅਜੇ ਤੋਂ ਹੀ ਨਵਾਂ ਸਾਲ ਮਨਾਉਣ ਦੀ ਪ੍ਰਥਾ ਹੈ। ਧਾਰਮਿਕ ਕਥਾਵਾਂ ਅਨੁਸਾਰ , ਇਸ ਦਿਨ ਬ੍ਰਹਮਾ ਨੇ ਬ੍ਰਹਿਮੰਡ ਦੀ ਰਚਨਾ ਕੀਤੀ ਸੀ। ਇਸ ਕਰਕੇ ਵੀ ਚੈਤਰ ਪ੍ਰਤੀਪਦਾ ਦੀ ਤਰੀਕ ਦਾ ਬਹੁਤ ਮਹੱਤਵ ਹੈ।