ਭਾਰਤ-ਅਮਰੀਕਾ ਗੰਭੀਰ ਚੁਣੌਤੀਆਂ ਨਾਲ ਨਜਿੱਠਣ ਲਈ ਖੜ੍ਹੇ : ਸੰਧੂ

ਵਾਸ਼ਿੰਗਟਨ-ਇੱਥੇ ਨਿਊ ਹੈਂਪਸ਼ਾਇਰ ਸਟੇਟ ਅਸੈਂਬਲੀ ਨੂੰ ਸੰਬੋਧਿਤ ਕਰਦੇ ਹੋਏ ਭਾਰਤ ਦੇ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਨੇ ਕਿਹਾ ਕਿ ਭਰੋਸੇਮੰਦ ਆਲਮੀ ਭਾਈਵਾਲਾਂ ਵਜੋਂ ਭਾਰਤ ਅਤੇ ਅਮਰੀਕਾ ਮੌਜੂਦਾ ਸਮੇਂ ਦੀਆਂ ਗੰਭੀਰ ਚੁਣੌਤੀਆਂ ਨਾਲ ਨਜਿੱਠਣ ਲਈ ਕੰਮ ਕਰ ਰਹੇ ਹਨ। ਸੰਧੂ ਨੇ ਕਿਹਾ ਕਿ ਭਾਰਤ ਅੱਜ ਭੂ-ਰਾਜਨੀਤਿਕ ਅਨਿਸ਼ਚਿਤਤਾਵਾਂ ਦੇ ਵਿਚਕਾਰ “ਸਥਿਰਤਾ ਦੀ ਰੋਸ਼ਨੀ, ਗਲੋਬਲ ਆਰਥਿਕ ਵਿਕਾਸ, ਗੁੰਝਲਦਾਰ ਚੁਣੌਤੀਆਂ ਦੇ ਹੱਲ ਪ੍ਰਦਾਨ ਕਰਨ ਵਾਲੇ” ਵਜੋਂ ਖੜ੍ਹਾ ਹੈ। ਉਨ੍ਹਾਂ ਨੇ ਕਿਹਾ, ”ਸੰਘਰਸ਼ ਅਤੇ ਵਧਦੇ ਤਣਾਅ ਦੇ ਸਮੇਂ ਵਿਚ ਭਾਰਤ ਦਿਲਚਸਪ, ਮਹੱਤਵਪੂਰਨ ਅਤੇ ਅਵਿਸ਼ਵਾਸ਼ਯੋਗ ਬਣਿਆ ਹੋਇਆ ਹੈ।’
ਉਨ੍ਹਾਂ ਨੇ ਉੱਥੇ ਮੌਜੂਦ ਸੰਸਦ ਮੈਂਬਰਾਂ ਨੂੰ ਕਿਹਾ ਕਿ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ-ਅਮਰੀਕਾ ਸਬੰਧਾਂ ਨੂੰ “ਗਲੋਬਲ ਭਲਾਈ ਲਈ ਸਾਂਝੇਦਾਰੀ” ਵਜੋਂ ਪੇਸ਼ ਕੀਤਾ ਅਤੇ ਲੋਕ ਇਸ ਨੂੰ “21ਵੀਂ ਸਦੀ ਦਾ ਸਭ ਤੋਂ ਵਧੀਆ ਰਿਸ਼ਤਾ” ਕਹਿੰਦੇ ਹਨ। ਸੰਧੂ ਨੇ ਕਿਹਾ ਕਿ ਭਰੋਸੇਮੰਦ ਗਲੋਬਲ ਭਾਈਵਾਲਾਂ ਵਜੋਂ, ਭਾਰਤ ਅਤੇ ਅਮਰੀਕਾ ਸਮੇਂ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਕੰਮ ਕਰ ਰਹੇ ਹਨ, ਜਿਸ ਵਿੱਚ ਅਮਰੀਕੀ ਤਕਨਾਲੋਜੀ ਅਤੇ ਭਾਰਤੀ ਪ੍ਰਤਿਭਾ,ਵਾਸ਼ਿੰਗਟਨ ਦੀ ਨਵੀਨਤਾ ਕਰਨ ਦੀ ਸ਼ਕਤੀ ਅਤੇ ਨਵੀਂ ਦਿੱਲੀ ਦੀ ਸਮਰੱਥਾ ਸ਼ਾਮਲ ਹੋਵੇਗੀ। ਸੰਧੂ ਨੇ ਕਿਹਾ, “ਨਵੀਂ ਦਿੱਲੀ ਤੋਂ ਨਿਊ ਹੈਂਪਸ਼ਾਇਰ ਤੱਕ ਕਈ ਸੂਤਰ ਹਨ, ਜੋ ਸਾਨੂੰ ਆਪਸ ਵਿੱਚ ਬੰਨ੍ਹਦੇ ਹਨ।”