ਪੋਪ ਫ੍ਰਾਂਸਿਸ ਨੂੰ ਸਾਹ ਦੀ ਤਕਲੀਫ, ਹਸਪਤਾਲ ਦਾਖਲ

ਵਾਸ਼ਿੰਗਟਨ-ਵੇਟੀਕਨ ਦੇ ਬੁਲਾਰੇ ਮੈਟਿਓ ਬਰੂਨੀ ਨੇ ਦੱਸਿਆ ਕਿ ਪੋਪ ਫ੍ਰਾਂਸਿਸ (86) ਨੂੰ ਹਾਲ ਹੀ ਦੇ ਦਿਨਾਂ ‘ਚ ਸਾਹ ਲੈਣ ‘ਚ ਤਕਲੀਫ ਦੀ ਸ਼ਿਕਾਇਤ ਹੋਈ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਡਾਕਟਰੀ ਜਾਂਚ ਲਈ ਪੋਲਿਕਲੀਨਿਕੋ ਈ ਜੇਮੇਲੀ ਲਿਜਾਇਆ ਗਿਆ ਮੈਡੀਕਲ ਟੈਸਟ ‘ਚ ਪਾਇਆ ਗਿਆ ਕਿ ਉਹ ਸਾਹ ਦੀ ਇਨਫੈਕਸ਼ਨ ਯਾਨੀ ਸਾਹ ਲੈਣ ‘ਚ ਤਕਲੀਫ ਤੋਂ ਪੀੜਤ ਹਨ। ਉਨ੍ਹਾਂ ਕਿਹਾ ਕਿ ਹਾਲਾਂਕਿ ਪੋਪ ਨੂੰ ਕੋਵਿਡ-19 ਨਹੀਂ ਹੋਇਆ ਹੈ। ਇਸ ਤੋਂ ਪਹਿਲਾਂ ਪੋਪ ਨੂੰ ਜੁਲਾਈ 2021 ‘ਚ ਵੀ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਸੀ। ਏਪੀ ਦੀ ਰਿਪੋਰਟ ਅਨੁਸਾਰ ਫ੍ਰਾਂਸਿਸ ਨੂੰ ਪਹਿਲਾਂ ਜੁਲਾਈ 2021 ਵਿੱਚ ਜੇਮੇਲੀ ਹਸਪਤਾਲ ਵਿੱਚ 10 ਦਿਨਾਂ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਜਿਸ ਵਿੱਚ ਡਾਕਟਰਾਂ ਨੇ ਉਸਦੇ ਸਰੀਰ ਦਾ 33 ਸੈਂਟੀਮੀਟਰ (13 ਇੰਚ) ਹਿੱਸਾ ਹਟਾ ਦਿੱਤਾ ਸੀ।
ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਪੋਪ ਫ੍ਰਾਂਸਿਸ ਲਈ ਇਹ ਸਾਲ ਦਾ ਸਭ ਤੋਂ ਵਿਅਸਤ ਸਮਾਂ ਹੈ, ਅਸਲ ਵਿੱਚ ਉਨ੍ਹਾਂ ਨੂੰ ਕਈ ਤਰ੍ਹਾਂ ਦੇ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲੈਣਾ ਪਿਆ ਹੈ। ਪੋਪ ਨੇ ਬੁੱਧਵਾਰ ਨੂੰ ਸੇਂਟ ਪੀਟਰਸ ਸਕੁਆਇਰ ‘ਤੇ ਆਏ ਲੋਕਾਂ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਉਹ ਠੀਕ-ਠਾਕ ਦਿਖਾਈ ਦੇ ਰਹੇ ਸਨ ਪਰ ਕਾਰ ‘ਚ ਸਵਾਰ ਹੋਣ ਸਮੇਂ ਉਨ੍ਹਾਂ ਦੀ ਸਿਹਤ ਕੁਝ ਖਰਾਬ ਹੋ ਗਈ ਸੀ। ਵੈਟੀਕਨ ਨਿਊਜ਼ ਨੇ ਸੀਐਨਐਨ ਦੀ ਇਕ ਰਿਪੋਰਟ ਦੇ ਹਵਾਲੇ ਨਾਲ ਕਿਹਾ ਕਿ ਪੋਪ ਵੀਰਵਾਰ ਨੂੰ ਵੀ ਇਕ ਸਮਾਗਮ ਵਿਚ ਵੀ ਸ਼ਾਮਲ ਹੋਣ ਵਾਲੇ ਸਨ।
ਰਾਇਟਰਜ਼ ਦੀ ਰਿਪੋਰਟ ਦੇ ਅਨੁਸਾਰ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਪੋਪ ਫ੍ਰਾਂਸਿਸ ਦੀ ਬਿਹਤਰ ਸਿਹਤ ਲਈ ਵਾਧੂ ਪ੍ਰਾਰਥਨਾ ਕਰਨ ਲਈ ਕਿਹਾ।