ਟਵਿੱਟਰ ਦੀ ਕਮਾਨ ਸੰਭਾਲਦੇ ਹੀ ਮਸਕ ਕਰੇਗਾ 75 ਫੀਸਦੀ ਕਰਮਚਾਰੀਆਂ ਦੀ ਛੁੱਟੀ!!

ਲੰਡਨ-ਵਾਸ਼ਿੰਗਟਨ ਪੋਸਟ ਵਿੱਚ ਪ੍ਰਕਾਸ਼ਿਤ ਇੱਕ ਖ਼ਬਰ ਮੁਤਾਬਕ ਸੋਸ਼ਲ ਮੀਡੀਆ ਕੰਪਨੀ ਟਵਿੱਟਰ ਦੀ ਕਮਾਨ ਜੇਕਰ ਉਦਯੋਗਪਤੀ ਐਲੋਨ ਮਸਕ ਦੇ ਹੱਥਾਂ ‘ਚ ਆਉਂਦੀ ਹੈ ਤਾਂ ਉਹ ਕੰਪਨੀ ਦੇ ਜ਼ਿਆਦਾਤਰ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਣ ਦੀ ਯੋਜਨਾ ਬਣਾ ਰਹੇ ਹਨ। ਇਹ ਰਿਪੋਰਟ ਵੀਰਵਾਰ ਨੂੰ ਅਖਬਾਰ ‘ਚ ਪ੍ਰਕਾਸ਼ਿਤ ਹੋਈ ਹੈ। ਇਸ ਨੇ ਦਸਤਾਵੇਜ਼ਾਂ ਅਤੇ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਮਸਕ ਨੇ ਸੰਭਾਵੀ ਨਿਵੇਸ਼ਕਾਂ ਨੂੰ ਟਵਿੱਟਰ ਖਰੀਦਣ ਲਈ ਕਿਹਾ ਹੈ ਕਿ ਉਹ 7,500 ਕਰਮਚਾਰੀਆਂ ਵਿੱਚੋਂ ਲਗਭਗ 75 ਫ਼ੀਸਦੀ ਨੂੰ ਕੱਢ ਦੇਵੇਗਾ ਅਤੇ ਕੰਪਨੀ ਵਿੱਚ ਘੱਟੋ-ਘੱਟ ਸਟਾਫ ਰੱਖੇਗਾ। ਇਸ ਸੰਬੰਧੀ ਮਾਹਰਾਂ ਸਮੇਤ ਟਵਿੱਟਰ ਦੇ ਕਰਮਚਾਰੀਆਂ ਨੇ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਸਮੱਗਰੀ ਅਤੇ ਡਾਟਾ ਸੁਰੱਖਿਆ ‘ਚ ਨਿਵੇਸ਼ ਰੋਕਣਾ ਟਵਿੱਟਰ ਸਮੇਤ ਇਸ ਦੇ ਉਪਭੋਗਤਾਵਾਂ ਲਈ ਨੁਕਸਾਨਦੇਹ ਹੋਵੇਗਾ।
ਕਰਮਚਾਰੀਆਂ ਨੂੰ ਪਹਿਲਾਂ ਹੀ ਆਪਣਾ ਨੌਕਰੀ ਤੋਂ ਕੱਢੇ ਜਾਣ ਦਾ ਸ਼ੱਕ ਸੀ ਪਰ ਹੁਣ ਅਜਿਹਾ ਲੱਗ ਰਿਹਾ ਹੈ ਕਿ ਮਸਕ ਦੀਆਂ ਯੋਜਨਾ ਬਹੁਤ ਹੀ ਵਿਆਪਕ ਬੰਦਿਆਂ ਨੂੰ ਰੱਖਣ ਦੀ ਹੈ। ਇਕ ਵਿਸ਼ਲੇਸ਼ਕ ਡੈਨ ਈਵਜ਼ ਦਾ ਕਹਿਣਾ ਹੈ ਕਿ 75 ਫ਼ੀਸਦੀ ਕਰਮਚਾਰੀਆਂ ਨੂੰ ਕੱਢਣ ਦਾ ਮਤਲਬ ਮਜ਼ਬੂਤ ਪੂੰਜੀ ਨੂੰ ਪ੍ਰਵਾਹ ਅਤੇ ਨਿਵੇਸ਼ਕਾਂ ਨੂੰ ਇਕ ਸੌਦੇ ਵੱਲ ਆਕਰਸ਼ਿਤ ਕਰਨਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਟਵਿੱਟਰ ‘ਚ ਇੰਨੀ ਵੱਡੀ ਕਟੌਤੀ ਕਰਨ ਦਾ ਮਤਲਬ ਹੈ ਕਿ ਕੰਪਨੀ ਨੂੰ ਕਈ ਸਾਲ ਪਿੱਛੇ ਲੈ ਜਾਣਾ।