ਜੀ-20 : ਨਰਿੰਦਰ ਮੋਦੀ ਸਾਨੂੰ ਸ਼ਾਂਤੀ ਦੀ ਦੁਨੀਆ ਵਲ ਲਿਜਾਣਗੇ-ਮੈਕਰੋਨ

ਪੈਰਿਸ-ਭਾਰਤ ਨੇ ਅਧਿਕਾਰਤ ਤੌਰ ’ਤੇ 1 ਦਸੰਬਰ, 2022 ਨੂੰ ਜੀ-20 ਦੇਸ਼ਾਂ ਦੀ ਪ੍ਰਧਾਨਗੀ ਸ਼ੁਰੂ ਕੀਤੀ। ਇਸ ਦੀ ਸ਼ੁਰੂਆਤ ਜੀ-20 ਯੂਨੀਵਰਸਿਟੀ ਕਨੈਕਟ ਈਵੈਂਟ ਤੋਂ ਹੋਈ ਅਤੇ 9-10 ਸਤੰਬਰ, 2023 ਨੂੰ ਨਵੀਂ ਦਿੱਲੀ ਵਿੱਚ ਆਰਥਿਕ ਦ੍ਰਿਸ਼ਟੀਕੋਣ ਤੋਂ ਵਿਸ਼ਵ ਦੇ ਚੋਟੀ ਦੇ 20 ਰਾਜ ਮੁਖੀਆਂ ਦੀ ਮੀਟਿੰਗ ਨਾਲ ਸਮਾਪਤ ਹੋਵੇਗਾ। ਇਸ ਮੌਕੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਟਵੀਟ ਕੀਤਾ। ਆਪਣੇ ਟਵੀਟ ਵਿਚ ਉਨ੍ਹਾਂ ਕਿਹਾ- ਇੱਕ ਧਰਤੀ। ਇੱਕ ਪਰਿਵਾਰ। ਇੱਕ ਭਵਿੱਖ। ਭਾਰਤ ਨੇ ਜੀ-20 ਦੀ ਪ੍ਰਧਾਨਗੀ ਸੰਭਾਲ ਲਈ ਹੈ। ਮੈਨੂੰ ਭਰੋਸਾ ਹੈ ਕਿ ਮੇਰੇ ਦੋਸਤ ਨਰਿੰਦਰ ਮੋਦੀ ਸਾਨੂੰ ਇੱਕ ਸ਼ਾਂਤੀ ਦੀ ਦੁਨੀਆ ਅਤੇ ਇੱਕ ਵਧੇਰੇ ਟਿਕਾਊ ਸੰਸਾਰ ਬਣਾਉਣ ਲਈ ਇਕੱਠੇ ਕਰਨਗੇ।