ਜਾਪਾਨੀ ਫੌਜ ਦੇ 10 ਮੈਂਬਰਾਂ ਨੂੰ ਲੈ ਕੇ ਜਾ ਰਿਹਾ ਹੈਲੀਕਾਪਟਰ ਲਾਪਤਾ

ਟੋਕੀਓ-ਜਾਪਾਨੀ ਫੌਜ ਦਾ ਹੈਲੀਕਾਪਟਰ ਲਾਪਤਾ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਹ ਫੌਜੀ ਹੈਲੀਕਾਪਟਰ ਜਾਪਾਨ ਤੋਂ ਚਾਲਕ ਦਲ ਦੇ 10 ਮੈਂਬਰਾਂ ਨੂੰ ਲੈ ਕੇ ਜਾ ਰਿਹਾ ਸੀ। ਜਾਪਾਨ ਦੇ ਤੱਟ ਰੱਖਿਅਕਾਂ ਦਾ ਕਹਿਣਾ ਹੈ ਕਿ ਉਹ ਇਸ ਫੌਜੀ ਹੈਲੀਕਾਪਟਰ ਦੀ ਭਾਲ ਕਰ ਰਹੇ ਹਨ, ਜੋ ਦੱਖਣੀ ਜਾਪਾਨੀ ਟਾਪੂ ਤੋਂ ਲਾਪਤਾ ਹੋ ਗਿਆ ਸੀ। ਤੱਟ ਰੱਖਿਅਕ ਨੇ ਕਿਹਾ ਕਿ ਉਸ ਨੂੰ ਸੂਚਨਾ ਮਿਲੀ ਹੈ ਕਿ ਗਰਾਊਂਡ ਸੈਲਫ-ਡਿਫੈਂਸ ਫੋਰਸ ਯੂਐਚ-60 ਬਲੈਕ ਹਾਕ ਹੈਲੀਕਾਪਟਰ ਮਿਆਕੋ ਟਾਪੂ ਨੇੜੇ ਵੀਰਵਾਰ ਸ਼ਾਮ ਨੂੰ ਇਕ ਮਿਸ਼ਨ ‘ਤੇ ਰਡਾਰ ਤੋਂ ਗਾਇਬ ਹੋ ਗਿਆ। ਇਸ ਵਿਚ ਕਿਹਾ ਗਿਆ ਕਿ ਚਾਰ ਗਸ਼ਤੀ ਜਹਾਜ਼ ਖੋਜ ਵਿਚ ਸ਼ਾਮਲ ਹਨ ਪਰ ਹਾਲੇ ਤੱਕ ਲਾਪਤਾ ਜਹਾਜ਼ ਦਾ ਕੋਈ ਸੁਰਾਗ ਨਹੀਂ ਮਿਲਿਆ ਹੈ।