ਚੀਨ ਨੇ ਜਾਸੂਸੀ ਦੇ ਦੋਸ਼ ਹੇਠ ਅਮਰੀਕੀ ਬਜ਼ੁਰਗ ਨੂੰ ਸੁਣਾਈ ਉਮਰ ਕੈਦ ਦੀ ਸਜ਼ਾ

ਬੀਜਿੰਗ-ਹਾਂਗਕਾਂਗ ਵਿਚ ਸਥਾਈ ਨਾਗਰਿਕ ਦਾ ਦਰਜਾ ਰੱਖਣ ਵਾਲੇ 78 ਸਾਲਾ ਅਮਰੀਕੀ ਬਜ਼ੁਰਗ ਜੌਨ ਸ਼ਿੰਗ-ਵਾਨ ਲੇਉਂਗ ਨੂੰ ਚੀਨ ਨੇ ਜਾਸੂਸੀ ਦੇ ਦੋਸ਼ਾਂ ਵਿਚ ਉਮਰ ਕੈਦ ਦੀ ਸਜ਼ਾ ਸੁਣਾਈ। ਜੌਨ ਸ਼ਿੰਗ-ਵਾਨ ਲੇਉਂਗ ਨੂੰ 15 ਅਪ੍ਰੈਲ 2021 ਨੂੰ ਦੱਖਣ-ਪੂਰਬੀ ਸ਼ਹਿਰ ਸੁਜ਼ੌ ਵਿੱਚ ਨਜ਼ਰਬੰਦ ਕੀਤਾ ਗਿਆ ਸੀ। ਸ਼ਹਿਰ ਦੀ ਇੱਕ ਅਦਾਲਤ ਨੇ ਆਪਣੀ ਸੋਸ਼ਲ ਮੀਡੀਆ ਵੈੱਬਸਾਈਟ ‘ਤੇ ਇੱਕ ਸੰਖੇਪ ਬਿਆਨ ਵਿੱਚ ਲੇਂਗ ਦੀ ਸਜ਼ਾ ਦਾ ਐਲਾਨ ਕੀਤਾ ਪਰ ਦੋਸ਼ਾਂ ਦਾ ਕੋਈ ਵੇਰਵਾ ਨਹੀਂ ਦਿੱਤਾ। ਅਜਿਹੀਆਂ ਜਾਂਚਾਂ ਅਤੇ ਮੁਕੱਦਮੇ ਬੰਦ ਦਰਵਾਜ਼ਿਆਂ ਦੇ ਪਿੱਛੇ ਚਲਾਏ ਜਾਂਦੇ ਹਨ ਅਤੇ ਜਨਤਕ ਤੌਰ ‘ਤੇ ਇਹਨਾਂ ਬਾਰੇ ਬਹੁਤ ਘੱਟ ਖੁਲਾਸਾ ਕੀਤਾ ਜਾਂਦਾ ਹੈ। ਵਪਾਰ, ਟੈਕਨਾਲੋਜੀ, ਮਨੁੱਖੀ ਅਧਿਕਾਰਾਂ ਅਤੇ ਖੇਤਰੀ ਦਾਅਵਿਆਂ ਨੂੰ ਲੈ ਕੇ ਬੀਜਿੰਗ ਦੇ ਵਧਦੇ ਹਮਲੇ ਕਾਰਨ ਅਮਰੀਕਾ ਅਤੇ ਚੀਨ ਵਿਚਾਲੇ ਸਬੰਧ ਇਤਿਹਾਸਕ ਨੀਵੇਂ ਪੱਧਰ ‘ਤੇ ਹਨ।