ਰਾਸ਼ਟਰਪਤੀ ਮੁਰਮੂ ਵੱਲੋਂ ਈਵੀ ਯਾਤਰਾ ਪੋਰਟਲ ਲਾਂਚ

ਨਵੀਂ ਦਿੱਲੀ-ਇਲੈਕਟ੍ਰਿਕ ਵਾਹਨ ਚਲਕਾਂ ਦੀ ਸੁਵਿਧਾ ਦੇ ਲਈ ਹੋਰ ਸੁਵਿਧਾ ਮਿਲੇਗੀ ਦਰਅਸਲ ਬੁਧਵਾਰ ਨੂੰ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਬਿਊਰੋ ਆਫ ਐਨਰਜੀ ਐਫੀਸ਼ੈਂਸੀ ਦੁਆਰਾ ਵਿਕਸਤ ‘ਈਵੀ-ਯਾਤਰਾ ਪੋਰਟਲ’ ਲਾਂਚ ਕੀਤਾ। ਇਹ ਪੋਰਟਲ ਜਨਤਕ ਇਲੈਕਟ੍ਰਿਕ ਵਾਹਨ ਚਾਰਜਰਾਂ ਲਈ ਵਾਹਨ ਵਿੱਚ ਨੇਵੀਗੇਸ਼ਨ ਦੀ ਸਹੂਲਤ ਦੇਵੇਗਾ। ਯਾਨੀ ਇਸ ਪੋਰਟਲ ਦੀ ਮਦਦ ਨਾਲ ਲੋਕ ਆਪਣੇ ਮੋਬਾਈਲ ਰਾਹੀਂ ਚਾਰਜਿੰਗ ਸਟੇਸ਼ਨਾਂ ਦਾ ਪਤਾ ਲਗਾ ਸਕਣਗੇ। ਇਹ ਰਾਸ਼ਟਰੀ ਊਰਜਾ ਸੰਭਾਲ ਦਿਵਸ ਦੇ ਜਸ਼ਨਾਂ ਦੌਰਾਨ ਲਾਂਚ ਕੀਤਾ ਗਿਆ ਸੀ, ਜੋ ਹਰ ਸਾਲ 14 ਦਸੰਬਰ ਨੂੰ ਊਰਜਾ ਕੁਸ਼ਲਤਾ ਉੱਤੇ ਸੰਭਾਲ ਵਿੱਚ ਦੇਸ਼ ਦੀਆਂ ਪ੍ਰਾਪਤੀਆਂ ਨੂੰ ਉਜਾਗਰ ਕਰਨ ਲਈ ਮਨਾਇਆ ਜਾਂਦਾ ਹੈ।
ਇਸ ਪੋਰਟਲ ਨੂੰ ਸ਼ੁਰੂ ਕਰਨ ਮੌਕੇ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਨੇ ਕਿਹਾ ਕਿ “ਸਾਡੇ ਸਾਰਿਆਂ ਲਈ ਇਹ ਸਭ ਤੋਂ ਵੱਡੀ ਤਰਜੀਹ ਹੈ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਪ੍ਰਦੂਸ਼ਣ ਮੁਕਤ ਵਾਤਾਵਰਣ ਵਿੱਚ ਸਾਹ ਲੈਣ, ਚੰਗੀ ਤਰ੍ਹਾਂ ਤਰੱਕੀ ਕਰਨ ਅਤੇ ਸਿਹਤਮੰਦ ਜੀਵਨ ਜਿਉਣ। ਸ਼ੁੱਧ ਹਵਾ ਵਿੱਚ ਸਾਹ ਲੈਣਾ ਇੱਕ ਬੁਨਿਆਦੀ ਮਨੁੱਖੀ ਅਧਿਕਾਰ ਹੈ। ਵਾਤਾਵਰਣ ਦੀ ਰੱਖਿਆ ਕਰਕੇ ਅਸੀਂ ਬਹੁਤ ਸਾਰੇ ਲੋਕਾਂ ਦੀ ਰੱਖਿਆ ਕਰ ਸਕਦੇ ਹਾਂ।
ਇਲੈਕਟ੍ਰਿਕ ਵਾਹਨ ਚਾਲਕਾਂ ਨੂੰ ਮਿਲੇਗੀ ਰਾਹਤ
ਇਸ ਸੁਵਿਧਾ ਦੇ ਨਾਲ ਇਲੈਕਟ੍ਰਿਕ ਵਾਹਨ ਚਾਲਕਾਂ ਨੂੰ ਈਵੀ ਯਾਟਰਾ ਮੋਬਾਈਲ ਐਪਲੀਕੇਸ਼ਨ ਤੋਂ ਵੱਡੀ ਰਾਹਤ ਮਿਲਣ ਜਾ ਰਹੀ ਹੈ। ਇਹ ਤੁਹਾਨੂੰ ਨਜ਼ਦੀਕੀ ਜਨਤਕ ਇਲੈਕਟ੍ਰਿਕ ਵਾਹਨ ਚਾਰਜਰਾਂ ਵੱਲ ਇਸ਼ਾਰਾ ਕਰ ਸਕਦਾ ਹੈ। ਇਸ ਦੇ ਲਈ ਇਨ-ਵਹੀਕਲ ਨੈਵੀਗੇਸ਼ਨ ਦੀ ਸਹੂਲਤ ਤਿਆਰ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਬੀਈਈ ਨੇ ਚਾਰਜਿੰਗ ਪੁਆਇੰਟ ਆਪਰੇਟਰਾਂ ਦਾ ਇੱਕ ਰਾਸ਼ਟਰੀ ਆਨਲਾਈਨ ਡੇਟਾਬੇਸ ਬਣਾਇਆ ਹੈ, ਜਿਸ ਨੂੰ ਇੱਕ ਵੈੱਬ-ਪੋਰਟਲ ਰਾਹੀਂ ਪੇਸ਼ ਕੀਤਾ ਗਿਆ ਹੈ।
ਕਿਵੇਂ ਕੀਤੀ ਜਾ ਸਕੇਗੀ ਇਸ ਦੀ ਵਰਤੋਂ?
ਤੁਹਾਨੂੰ ਦੱਸ ਦਈਏ ਕਿ ਈਵੀ ਯਾਤਰਾ ਐਪ ਕਿਸੇ ਹੋਰ ਐਪ ਦੀ ਤਰ੍ਹਾਂ ਹੀ ਕੰਮ ਕਰਦੀ ਹੈ। ਇਹ ਆਈਫੋਨ ਅਤੇ ਐਂਡਰਾਇਡ ਦੋਵਾਂ ਸਮਾਰਟਫ਼ੋਨਾਂ ‘ਤੇ ਕੰਮ ਕਰੇਗਾ ਅਤੇ ਮੋਬਾਈਲ ਐਪ ਨੂੰ ਗੂਗਲ ਪਲੇਅ ਸਟੋਰ ਜਾਂ ਐਪਲ ਸਟੋਰ ਤੋਂ ਆਸਾਨੀ ਨਾਲ ਡਾਊਨਲੋਡ ਕਰ ਕੇ ਆਸਾਨੀ ਨਾਲ ਇੰਸਟਾਲ ਕੀਤਾ ਜਾ ਸਕਦਾ ਹੈ।