ਅਪਰਾਧਸਿਆਸਤਖਬਰਾਂਚਲੰਤ ਮਾਮਲੇਦੁਨੀਆ

ਮਾਰੀਉਪੋਲ ‘ਚ ਰੂਸੀ ਫੌਜ ਵੱਲੋਂ ਯੂਕ੍ਰੇਨੀ ਫੌਜ ਦੇ ਗੜ੍ਹ ‘ਤੇ ਹਮਲਾ

ਕੀਵ-ਰੂਸ ਵੱਲੋਂ ਲਗਾਤਾਰ ਯੂਕਰੇਨ ਉ੪ਤੇ ਹਮਲੇ ਕੀਤੇ ਜਾ ਰਹੇ ਹਨ। ਯੂਕ੍ਰੇਨ ਦੇ ਰਾਸ਼ਟਰਪਤੀ ਦਫ਼ਤਰ ਦੇ ਇਕ ਸਲਾਹਕਾਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਰੂਸੀ ਫੌਜੀ ਬੰਦਰਗਾਹ ਸ਼ਹਿਰ ਮਾਰੀਉਪੋਲ ‘ਚ ਇਕ ਸਟੀਲ ਪਲਾਂਟ ‘ਤੇ ਹਮਲਾ ਕਰ ਰਹੇ ਹਨ ਜੋ ਯੂਕ੍ਰੇਨੀ ਫੌਜ ਦਾ ਆਖ਼ਰੀ ਗੜ੍ਹ ਹੈ। ਯੂਕ੍ਰੇਨ ‘ਚ ਰਾਸ਼ਟਰਪਤੀ ਦਫ਼ਤਰ ਦੇ ਮੁਖੀ ਦੇ ਇਕ ਸਲਾਹਕਾਰ ਓਲੈਕਸੀਵ ਏਅਸਤੋਵਿਚ ਨੇ ਸ਼ਨੀਵਾਰ ਨੂੰ ਪ੍ਰੈੱਸ ਬ੍ਰੀਫਿੰਗ ‘ਚ ਕਿਹਾ ਕਿ ਰੂਸੀ ਫੌਜੀਆਂ ਨੇ ਐਜੋਵਸਤਲ ‘ਤੇ ਹਵਾਈ ਹਮਲੇ ਮੁੜ ਸ਼ੁਰੂ ਕਰ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਦੁਸ਼ਮਣ ਐਜੋਵਸਤਲ ਇਲਾਕੇ ‘ਚ ਮਾਰੀਉਪੋਲ ਦੇ ਰੱਖਿਅਕਾਂ ਦੇ ਵਿਰੋਧ ਨੂੰ ਪੂਰੀ ਤਰ੍ਹਾਂ ਨਾਲ ਦਬਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਦੋ ਦਿਨ ਪਹਿਲਾਂ ਰੂਸ ਦੇ ਰੱਖਿਆ ਮੰਤਰੀ ਸਰਗੇਈ ਸ਼ੋਇਗੁ ਨੇ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੂੰ ਦੱਸਿਆ ਸੀ ਕਿ ਐਜੋਵਸਤਲ ਨੂੰ ਛੱਡ ਕੇ ਪੂਰੇ ਮਾਰੀਉਪੋਲ ਨੂੰ ਰੂਸੀਆਂ ਨੇ ਮੁਕਤ ਕਰ ਲਿਆ ਹੈ।ਹਾਲਾਂਕਿ, ਪੁਤਿਨ ਨੇ ਰੂਸੀ ਫੌਜ ਨੂੰ ਪਲਾਂਟ ‘ਤੇ ਹਮਲਾ ਨਾ ਕਰਨ ਦਾ ਹੁਕਮ ਦਿੱਤਾ ਸੀ ਅਤੇ ਇਸ ਦੀ ਥਾਂ ਉਸ ਦਾ ਬਾਹਰੀ ਸੰਪਰਕ ਕੱਟਣ ਦਾ ਹੁਕਮ ਦਿੱਤਾ ਸੀ। ਯੂਕ੍ਰੇਨੀ ਅਧਿਕਾਰੀਆਂ ਦਾ ਅਨੁਮਾਨ ਹੈ ਕਿ ਉਨ੍ਹਾਂ ਦੇ ਕਰੀਬ 2,000 ਫੌਜੀ ਪਲਾਂਟ ਦੇ ਅੰਦਰ ਹਨ ਅਤੇ ਕਰੀਬ 1,000 ਲੋਕ ਪਲਾਂਟ ਦੀਆਂ ਭੂਮੀਗਤ ਸੁਰੰਗਾਂ ‘ਚ ਸ਼ਰਨ ਲੈ ਰਹੇ ਹਨ। ਐਅਸਤੋਵਿਚ ਨੇ ਕਿਹਾ ਕਿ ਯੂਕ੍ਰੇਨੀ ਫੌਜੀ ਰੂਸੀਆਂ ਦਾ ਡੱਟ ਕੇ ਮੁਕਾਬਲਾ ਕਰ ਰਹੇ ਹਨ।

Comment here