ਬੰਦੂਕ ਹਿੰਸਾ ਦਾ ਵਿਰੋਧ ਕਰਨ ਵਾਲੀ ਲੈਫਟੀਨੈਂਟ ਓਲੀਵਰ ਚਲ ਵਸੀ

ਨਿਊਜਰਸੀ-ਇਥੋਂ ਦੀ ਲੈਫਟੀਨੈਂਟ ਗਵਰਨਰ ਸ਼ੀਲਾ ਓਲੀਵਰ (71) ਨੇ ਰਾਜ ਵਿਧਾਨ ਸਭਾ ਦੀ ਸਪੀਕਰ ਵਜੋਂ ਸੇਵਾ ਕਰਨ ਵਾਲੀ ਪਹਿਲੀ ਗੈਰ ਗੋਰੀ ਮੂਲ ਦੀ ਔਰਤ ਬਣ ਕੇ ਇਤਿਹਾਸ ਰਚਿਆ ਸੀ। ਬੀਤੇ ਦਿਨ ਲੈਫਟੀਨੈਂਟ ਗਵਰਨਰ ਸ਼ੀਲਾ ਓਲੀਵਰ ਦੀ ਸਥਾਨਕ ਹਸਪਤਾਲ ਵਿੱਚ ਮੌਤ ਹੋ ਗਈ। ਲੈਫਟੀਨੈਂਟ ਗਵਰਨਰ ਸ਼ੀਲਾ ਓਲੀਵਰ, ਜੋ ਨਿਊ ਜਰਸੀ ਦੇ ਸਭ ਤੋਂ ਪ੍ਰਮੁੱਖ ਗੈਰ ਗੋਰੇ ਨੇਤਾਵਾਂ ਵਿੱਚੋਂ ਇੱਕ ਬਣ ਗਈ ਸੀ ਅਤੇ ਸ਼ਹਿਰਾਂ ਨੂੰ ਮੁੜ ਸੁਰਜੀਤ ਕਰਨ ਤੇ ਬੰਦੂਕ ਹਿੰਸਾ ਵਿਰੁੱਧ ਉਸ ਨੇ ਜੋਸ਼ ਨਾਲ ਵਕਾਲਤ ਕੀਤੀ। ਮਰਫੀ ਦਹਾਕਿਆਂ ਤੋਂ ਸਾਡੇ ਮਹਾਨ ਰਾਜ ਦੇ ਪ੍ਰਮੁੱਖ ਨੇਤਾਵਾਂ ਵਿੱਚੋਂ ਉਹ ਇੱਕ ਰਹੀ ਹੈ।
ਨਿਊਜਰਸੀ ਦੇ ਗਵਰਨਰ ਫਿਲ ਮਰਫੀ ਦੇ ਦਫਤਰ ਦੁਆਰਾ ਜਾਰੀ ਉਸਦੇ ਪਰਿਵਾਰ ਦੇ ਇੱਕ ਬਿਆਨ ਅਨੁਸਾਰ ਮੌਤ ਦਾ ਕੋਈ ਕਾਰਨ ਨਹੀਂ ਦੱਸਿਆ ਗਿਆ ਹੈ। ਓਲੀਵਰ ਕਾਰਜਕਾਰੀ ਗਵਰਨਰ ਵਜੋਂ ਸੇਵਾ ਨਿਭਾ ਰਹੀ ਸੀ ਜਦੋਂ ਕਿ ਮਰਫੀ ਅਤੇ ਉਸਦਾ ਪਰਿਵਾਰ ਇਸ ਸਮੇਂ ਇਟਲੀ ਵਿੱਚ ਛੁੱਟੀਆਂ ‘ਤੇ ਹਨ। ਉਸਦੇ ਦਫਤਰ ਨੇ ਕਿਹਾ ਕਿ ਉਸਨੂੰ ਸੋਮਵਾਰ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ ਅਤੇ ਮੰਗਲਵਾਰ ਨੂੰ ਉਸ ਦੀ ਮੌਤ ਹੋ ਗਈ। ਗਵਰਨਰ ਨੇ ਟਵੀਟ ਕਰਕੇ ਕਿਹਾ ਕਿ ਉਹ ਅਤੇ ਉਸਦਾ ਪਰਿਵਾਰ ਇਸ ਦੁੱਖਦਾਈ ਖ਼ਬਰ ਤੋਂ ਬਹੁਤ ਦੁਖੀ ਹਨ। ਉਹਨਾਂ ਕਿਹਾ ਕਿ ਓਲੀਵਰ ਨੂੰ ਲੈਫਟੀਨੈਂਟ ਗਵਰਨਰ ਵਜੋਂ ਨਾਮਜ਼ਦ ਕਰਦਿਆਂ “ਮੈਂ ਹੁਣ ਤੱਕ ਦਾ ਸਭ ਤੋਂ ਵਧੀਆ ਫ਼ੈਸਲਾ ਲਿਆ ਸੀ।
ਉਹ ਨਿਊ ਜਰਸੀ ਵਿੱਚ ਰਾਜ ਵਿਆਪੀ ਚੁਣੇ ਹੋਏ ਦਫ਼ਤਰ ਨੂੰ ਸੰਭਾਲਣ ਵਾਲੀ ਪਹਿਲੀ ਗੈਰ ਗੋਰੇ ਮੂਲ ਦੀ ਔਰਤ ਸੀ, ਜਿਸ ਨੇ 2017 ਵਿੱਚ ਮਰਫੀ ਦੇ ਨਾਲ ਸੀਟ ਜਿੱਤੀ ਸੀ। ਅਤੇ ਫਿਰ 2021 ਵਿੱਚ ਉਹ ਰਾਜ ਸਰਕਾਰ ਵਿੱਚ ਇੱਕ ਜਾਣੀ-ਪਛਾਣੀ ਸ਼ਖਸੀਅਤ ਬਣ ਗਈ ਸੀ। 2010 ਵਿੱਚ ਪਹਿਲੀ ਗੈਰ ਗੋਰੀ ਔਰਤ ਬਣ ਕੇ ਉਸ ਨੇ ਇਤਿਹਾਸ ਰਚ ਦਿੱਤਾ ਸੀ, ਜਿਸ ਨੇ ਰਾਜ ਵਿਧਾਨ ਸਭਾ ਦੀ ਅਗਵਾਈ ਕੀਤੀ ਅਤੇ ਉਹ ਮੌਜੂਦਾ ਗਵਰਨਰ ਮਰਫੀ ਦੇ ਪੱਖ ਵਿੱਚ ਖੜ੍ਹੀ ਸੀ। ਉਸ ਨੇ ਕਾਰਜਕਾਰੀ ਗਵਰਨਰ ਵਜੋਂ ਸੇਵਾ ਕਰਦੇ ਹੋਏ ਕਾਨੂੰਨ ਵਿੱਚ ਕਈ ਬਿੱਲਾਂ ‘ਤੇ ਦਸਤਖ਼ਤ ਕੀਤੇ ਸਨ। ਉਹ ਇੱਕ ਮਜ਼ਬੂਤ ਜਨਤਕ ਸਪੀਕਰ ਸੀ ਅਤੇ ਮਰਫੀ ਦੇ ਬਿੱਲ ਦਸਤਖਤਾਂ ਅਤੇ ਹੋਰ ਸਮਾਗਮਾਂ ਵਿੱਚ ਅਕਸਰ ਹਾਜ਼ਰ ਰਹਿੰਦੀ ਸੀ, ਜਿੱਥੇ ਉਸਨੇ ਆਮ ਤੌਰ ‘ਤੇ ਉਸਨੂੰ ਆਪਣੇ “ਰੋਕਿੰਗ” ਲੈਫਟੀਨੈਂਟ ਗਵਰਨਰ ਵਜੋਂ ਪੇਸ਼ ਕੀਤਾ ਸੀ।
ਉਸ ਨੇ 2021 ਵਿੱਚ ਮਰਫੀ ਨਾਲ ਸਖ਼ਤ ਬੰਦੂਕ ਕਾਨੂੰਨ ਦਾ ਪਰਦਾਫਾਸ਼ ਕਰਦੇ ਹੋਏ ਆਵਾਜ਼ ਚੁੱਕੀ ਸੀ। ਉਸਨੇ ਬੰਦੂਕ ਹਿੰਸਾ ‘ਤੇ ਬਹੁਤ ਅਫਸੋਸ ਜਤਾਇਆ ਸੀ ਜਿਸ ਨੇ ਰਾਜ ਦੇ ਕਈ ਸ਼ਹਿਰਾਂ ਨੂੰ ਅਸਪਸ਼ਟ ਤੌਰ ‘ਤੇ ਪ੍ਰਭਾਵਿਤ ਕੀਤਾ ਸੀ। ਉਸ ਨੇ ਜੋ ਸੁਝਾਅ ਦਿੱਤਾ ਸੀ ਉਹ ਸ਼ਲਘਾਯੋਗ ਹੋ ਕੇ ਨਿਬੜਿਆ ਸੀ। ਗਵਰਨਰ ਮਰਫੀ ਨੇ ਉਸ ਨੂੰ ਚੋਟੀ ਦੇ ਡਿਪਟੀ ਵਜੋਂ ਸੇਵਾ ਕਰਨ ਦੇ ਨਾਲ-ਨਾਲ, ਇਕ ਇਮਾਨਦਾਰ, ਇਨਸਾਫ ਪਸੰਦ ਦਲੇਰ ਲੇਡੀ ਦੱਸਿਆ। ਉਸਦੀ ਅਚਾਨਕ ਬਿਮਾਰੀ ਦੇ ਨਾਲ ਮੌਤ ਹੋ ਜਾਣ ਕਾਰਨ ਅਧਿਕਾਰੀਆਂ ਨੂੰ ਬਹੁਤ ਧੱਕਾ ਲੱਗਾ।