ਇਸਲਾਮਾਬਾਦ-ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਅਤੇ ਉਨ੍ਹਾਂ ਦੀ ਗੁਪਤ ਪਤਨੀ ਬੁਸ਼ਰਾ ਬੀਬੀ ਬਾਰੇ ਇੱਕ ਹੈਕਰ ਨੇ ਸਨਸਨੀਖੇਜ਼ ਖੁਲਾਸਾ ਕੀਤਾ ਹੈ। ਹੈਕਰ ਦਾ ਕਹਿਣਾ ਹੈ ਕਿ ਜਦੋਂ ਪੀਐੱਮਐੱਲ-ਐੱਨ ਨੇਤਾ ਨਵਾਜ਼ ਸ਼ਰੀਫ ਦੀ ਬੇਟੀ ਮਰੀਅਮ ਨਵਾਜ਼ ਜੇਲ ‘ਚ ਸੀ ਤਾਂ ਬੁਸ਼ਰਾ ਬੀਬੀ ਦੇ ਕਹਿਣ ‘ਤੇ ਉਨ੍ਹਾਂ ਦੇ ਬਾਥਰੂਮ ‘ਚ ਖੁਫੀਆ ਕੈਮਰਾ ਲਗਾਇਆ ਗਿਆ ਸੀ। ਇਸ ਦਾ ਮਕਸਦ ਮਰੀਅਮ ਦੀ ਨਹਾਉਂਦੀ ਹੋਈ ਨਗਨ ਵੀਡੀਓ ਬਣਾਉਣਾ ਸੀ। ਹੈਕਰ ਨੇ ਕਿਹਾ ਕਿ ਬੁਸ਼ਰਾ ਬੀਬੀ, ਜੋ ਆਪਣੇ ਆਪ ਨੂੰ ਪੀਰ ਕਹਾਉਂਦੀ ਹੈ ਅਤੇ ਉਸ ਦੇ ਪਤੀ ਇਮਰਾਨ ਖਾਨ ਚਾਹੁੰਦੇ ਸਨ ਕਿ ਮਰੀਅਮ ਨਵਾਜ਼ ਦੀ ਜੇਲ੍ਹ ਵਿੱਚ ਰਹਿੰਦਿਆਂ ਇੱਕ ਨਗਨ ਵੀਡੀਓ ਬਣਾਈ ਜਾਵੇ ਤਾਂ ਜੋ ਬਾਅਦ ਵਿੱਚ ਉਸ ਨੂੰ ਬਲੈਕਮੇਲ ਕੀਤਾ ਜਾ ਸਕੇ। ਪਾਕਿਸਤਾਨੀ ਟੀਵੀ ਚੈਨਲ 24 ਐਚਡੀ ਦੀ ਰਿਪੋਰਟ ਮੁਤਾਬਕ ਹੈਕਰ ਨੇ ਕਿਹਾ, ‘ਬੁਸ਼ਰਾ ਬੀਬੀ ਦੇ ਕਹਿਣ ‘ਤੇ ਮਰੀਅਮ ਨਵਾਜ਼ ਦੀ ਜੇਲ੍ਹ ਵਿੱਚ ਗੁਪਤ ਕੈਮਰਾ ਲਗਾਇਆ ਗਿਆ ਸੀ। ਬੁਸ਼ਰਾ ਬੀਬੀ ਨੇ ਤਤਕਾਲੀ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਮਰੀਅਮ ਦੇ ਬਾਥਰੂਮ ਵਿੱਚ ਗੁਪਤ ਕੈਮਰਾ ਲਗਾਉਣ ਲਈ ਕਿਹਾ ਸੀ ਤਾਂ ਜੋ ਲੋੜ ਪੈਣ ‘ਤੇ ਉਸ ਨੂੰ ਬਲੈਕਮੇਲ ਕੀਤਾ ਜਾ ਸਕੇ।
ਇਸ ਤੋਂ ਪਹਿਲਾਂ ਮਰੀਅਮ ਨਵਾਜ਼ ਵੀ ਕਈ ਵਾਰ ਮੰਨ ਚੁੱਕੀ ਹੈ ਕਿ ਜੇਲ੍ਹ ਵਿੱਚ ਉਨ੍ਹਾਂ ਦੇ ਬਾਥਰੂਮ ਵਿੱਚ ਗੁਪਤ ਕੈਮਰਾ ਲਗਾਇਆ ਗਿਆ ਸੀ। ਇਸ ਹੈਕਰ ਨੇ ਇਮਰਾਨ ਖਾਨ ਦੀਆਂ ਕਰਤੂਤਾਂ ਬਾਰੇ ਕਈ ਖੁਲਾਸੇ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਇਮਰਾਨ ਖਾਨ ਦੀਆਂ ਆਦਤਾਂ ਇੰਨੀਆਂ ਗੰਦੀਆਂ ਹਨ ਕਿ ਕੋਈ ਸੋਚ ਵੀ ਨਹੀਂ ਸਕਦਾ ਸੀ। ਉਸ ਨੇ ਕਿਹਾ ਹੈ ਕਿ ਉਹ ਜਲਦੀ ਹੀ ਅਜਿਹਾ ਆਡੀਓ ਜਾਰੀ ਕਰਨਗੇ ਜਿਸ ਵਿੱਚ ਇਮਰਾਨ ਖਾਨ ਕਿਸੇ ਨੂੰ ਗਾਲ੍ਹਾਂ ਕੱਢ ਰਹੇ ਹਨ। ਹੈਕਰ ਨੇ ਇਹ ਵੀ ਕਿਹਾ ਕਿ ਬੁਸ਼ਰਾ ਚਾਹੁੰਦੀ ਸੀ ਕਿ ਨਵਾਜ਼ ਸ਼ਰੀਫ ਜੇਲ੍ਹ ਜਾਣ ਤੋਂ ਬਾਅਦ ‘ਜ਼ਿੰਦਾ’ ਨਾ ਪਰਤੇ। ਉਨ੍ਹਾਂ ਨੇ ਛੇਤੀ ਹੀ ਇੱਕ ਆਡੀਓ ਜਾਰੀ ਕਰਨ ਦਾ ਵਾਅਦਾ ਕੀਤਾ ਹੈ ਜਿਸ ਵਿੱਚ ਉਹ ਦੱਸੇਗਾ ਕਿ ਬੁਸ਼ਰਾ ਨਵਾਜ਼ ਸ਼ਰੀਫ਼ ਬਾਰੇ ਕੀ ਕਹਿੰਦੀ ਸੀ। ਹੈਕਰ ਨੇ ਇਹ ਵੀ ਦੱਸਿਆ ਕਿ ਬੁਸ਼ਰਾ ਬੀਬੀ ਦੇ ਪਹਿਲੇ ਵਿਆਹ ਦਾ ਬੱਚਾ ਉਸਮਾਨ ਵੀ ਇਮਰਾਨ ਖਾਨ ਦੇ ਪੀਐਮ ਹਾਊਸ ਵਿੱਚ ਰਹਿੰਦਾ ਸੀ। ਉਸ ਨੇ ਆਪਣੀ ਭੈਣ ਦੇ ਵਿਆਹ ਲਈ ਵਿਸ਼ੇਸ਼ ਜਹਾਜ਼ ਦੀ ਮੰਗ ਕੀਤੀ ਸੀ। ਨਾਲ ਹੀ, ਉਹ ਇਮਰਾਨ ਖਾਨ ਨੂੰ ਵਿਆਹ ਵਿੱਚ ਲੈ ਕੇ ਜਾਣਾ ਚਾਹੁੰਦਾ ਸੀ। ਹੈਕਰ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਮਰਾਨ ਖਾਨ ਵੀ ਚਾਹੁੰਦੇ ਸਨ ਕਿ ਵਿਵਾਦਤ ਟਿੱਕਟੋਕਰ ਹਰੀਮ ਸ਼ਾਹ ਨੂੰ ਮਾਰਿਆ ਜਾਵੇ।
Comment here