ਅਜਬ ਗਜਬਸਿਆਸਤਖਬਰਾਂ

ਅਸਮਾਨੀ ਬੱਦਲਾਂ ਨੂੰ ਛੂਹਦਾ ਏ.ਟੀ.ਐਮ. ਬਣਿਆ ਖਿੱਚ ਦਾ ਕੇਂਦਰ

ਖੰਜਰਾਬ-ਪੈਸਾ ਮਨੁੱਖੀ ਦੀ ਸਭ ਤੋਂ ਵੱਡੀ ਲੋੜ ਹੈ। ਏ.ਟੀ.ਐਮ. ਤਕਨਾਲੋਜੀ ਨੇ ਮਨੁੱਖ ਦੀ ਹਰ ਜ਼ਰੂਰਤ ਨੂੰ ਆਸਾਨ ਬਣਾ ਦਿੱਤਾ ਹੈ। ਜੇਕਰ ਅਸੀਂ ਗੱਲ ਏ.ਟੀ.ਐਮ. ਦੀ ਕਰੀਏ ਤਾਂ ਨਕਦੀ ਕੱਢਵਾਉਣ ਲਈ ਲੋਕਾਂ ਨੂੰ ਕੋਈ ਮੁਸ਼ਕਲ ਪੇਸ਼ ਨਾ ਆਵੇ, ਇਸ ਲਈ ਕੁਝ-ਕੁਝ ਵਕਫ਼ੇ ’ਤੇ ਹੀ ਏ.ਟੀ.ਐਮ. ਮਿਲ ਜਾਣਗੇ ਪਰ ਇਕ ਏ.ਟੀ.ਐਮ.ਅਜਿਹਾ ਵੀ ਹੈ, ਜੋ ਪਹਾੜ ਦੀ ਚੋਟੀ ’ਤੇ ਸਥਿਤ ਹੈ, ਜਿਸ ਨੂੰ ਦੁਨੀਆ ਦਾ ਸਭ ਤੋਂ ਉੱਚਾ ਏ.ਟੀ.ਐਮ. ਕਿਹਾ ਜਾਂਦਾ ਹੈ।
ਏ.ਟੀ.ਐਮ. ਖੰਜਰਾਬ ਦਰੱਰੇ ਦੀ ਸਰਹੱਦ ‘ਤੇ ਸਥਿਤ ਹੈ
ਇਸ ਏ.ਟੀ.ਐਮ. ਤੱਕ ਪਹੁੰਚਣ ਲਈ ਬੱਦਲਾਂ ਤੋਂ ਲੰਘਣਾ ਪੈਂਦਾ ਹੈ, ਫਿਰ ਵੀ ਇਸ ਤੋਂ ਪੈਸੇ ਕੱਢਵਾਉਣ ਦੀਆਂ ਲਾਈਨਾਂ ਲੱਗੀਆਂ ਰਹਿੰਦੀਆਂ ਹਨ। ਇਹ ਏ.ਟੀ.ਐਮ. ਮਸ਼ੀਨ ਚੀਨ ਅਤੇ ਪਾਕਿਸਤਾਨ ਵਿਚਾਲੇ ਖੰਜਰਾਬ ਦਰੱਰੇ ਦੀ ਸਰਹੱਦ ’ਤੇ ਮੌਜੂਦ ਹੈ। ਪਾਕਿਸਤਾਨ ਦੇ ਬਰਫ਼ ਨਾਲ ਲੱਦੇ ਪਹਾੜਾਂ ਵਾਲੇ ਇਸ ਇਲਾਕੇ ’ਚ ਵੱਡੀ ਗਿਣਤੀ ’ਚ ਦੇਸ਼-ਵਿਦੇਸ਼ ਤੋਂ ਸੈਲਾਨੀ ਆਉਂਦੇ ਹਨ। ਇਹ ਆਮ ਤੌਰ ਇਕ ਸੈਰ-ਸਪਾਟੇ ਵਾਲੀ ਥਾਂ ਦੇ ਤੌਰ ’ਤੇ ਜਾਣਿਆ ਜਾਂਦਾ ਹੈ। ਅਜਿਹੇ ’ਚ ਲੋਕਾਂ ਦੀ ਆਵਾਜਾਈ ਨੂੰ ਧਿਆਨ ’ਚ ਰੱਖਦੇ ਹੋਏ ਨੈਸ਼ਨਲ ਬੈਂਕ ਆਫ਼ ਪਾਕਿਸਤਾਨ ਨੇ ਇੱਥੇ ਏ.ਟੀ.ਐਮ. ਲਾਉਣ ਦਾ ਫ਼ੈਸਲਾ ਕੀਤਾ ਅਤੇ ਸਾਲ 2016 ’ਚ ਏ.ਟੀ.ਐਮ. ਇੱਥੇ ਸਥਾਪਤ ਕੀਤਾ ਗਿਆ।
‘ਆਸਮਾਨ ਤੋਂ ਪੈਸੇ ਕੱਢਵਾਏ ਹਨ’
ਖ਼ਾਸ ਗੱਲ ਇਹ ਹੈ ਕਿ ਬਿਜਲੀ ਦੀ ਪਹੁੰਚ ਨਾ ਹੋਣ ਦੀ ਵਜ੍ਹਾ ਕਰ ਕੇ ਇਸ ਨੂੰ ਚਲਾਉਣ ਲਈ ਸੌਰ ਅਤੇ ਪਵਨ (ਹਵਾ) ਊਰਜਾ ਦੀ ਮਦਦ ਲਈ ਗਈ। ਕਰੀਬ 4,693 ਮੀਟਰ ਦੀ ਉੱਚਾਈ ’ਤੇ ਬਣੇ ਇਸ ਅਠੰ ਦਾ ਨਾਂ ਗਿਨੀਜ਼ ਵਲਰਡ ਰਿਕਾਰਡਜ਼ ’ਚ ਹੈ। ਇਹ ਏ.ਟੀ.ਐਮ. ਮਸ਼ੀਨ ਬਾਰਡਰ ਏਰੀਆ ਦੇ ਆਲੇ-ਦੁਆਲੇ ਰਹਿਣ ਵਾਲੇ ਨਾਗਰਿਕਾਂ, ਸਰਹੱਦ ਸੁਰੱਖਿਆ ਫੋਰਸ ਅਤੇ ਸੈਲਾਨੀਆਂ ਦੇ ਕੰਮ ਆ ਰਹੀ ਹੈ। ਆਮ ਤੌਰ ’ਤੇ ਇਹ ਏ.ਟੀ.ਐਮ. ਸੈਲਾਨੀਆਂ ਨੂੰ ਆਪਣੇ ਵੱਲ ਕਾਫੀ ਆਕਰਸ਼ਿਤ ਕਰਦੀ ਹੈ।

Comment here