ਅਪਰਾਧਸਿਆਸਤਖਬਰਾਂ

ਅਦਾਕਾਰ ਰਵੀ ਕਿਸ਼ਨ ਨਾਲ 3 ਕਰੋੜ ਦੀ ਠੱਗੀ

ਮੁੰਬਈ-ਮੁੰਬਈ ਦੇ ਕਾਰੋਬਾਰੀ ਨੇ ਭਾਜਪਾ ਸੰਸਦ ਮੈਂਬਰ ਤੇ ਅਦਾਕਾਰ ਰਵੀ ਕਿਸ਼ਨ ਨਾਲ 3.25 ਕਰੋੜ ਦੀ ਠੱਗੀ ਮਾਰੀ ਹੈ। ਸੰਸਦ ਮੈਂਬਰ ਨੇ ਇਸ ਦੀ ਸ਼ਿਕਾਇਤ ਪੁਲਸ ਨੂੰ ਕੀਤੀ ਹੈ। ਸੰਸਦ ਦੇ ਲੋਕ ਸੰਪਰਕ ਅਧਿਕਾਰੀ ਪਵਨ ਦੂਬੇ ਨੇ ਕਿਹਾ ਕਿ ਰਵੀ ਕਿਸ਼ਨ ਨਾਲ ਮੁੰਬਈ ਦੇ ਇਕ ਕਾਰੋਬਾਰੀ ਨੇ 3.25 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ। ਇਸ ਮਾਮਲੇ ਸਬੰਧੀ ਕੈਂਟ ਥਾਣੇ ਵਿਚ ਲਿਖਤੀ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਪੁਲਸ ਨੇ ਕਾਰੋਬਾਰੀ iਖ਼ਲਾਫ਼ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਗੋਰਖਪੁਰ ਸਦਰ ਤੋਂ ਸੰਸਦ ਮੈਂਬਰ ਅਤੇ ਫ਼ਿਲਮ ਅਦਾਕਾਰ ਰਵੀ ਕਿਸ਼ਨ ਨੇ ਗੋਰਖਪੁਰ ਛਾਉਣੀ ਪੁਲਸ ਸਟੇਸ਼ਨ ‘ਚ ਇਕ ਬਿਲਡਰ iਖ਼ਲਾਫ਼ 3.25 ਕਰੋੜ ਰੁਪਏ ਦੀ ਧੋਖਾਧੜੀ ਦਾ ਮਾਮਲਾ ਦਰਜ ਕਰਵਾਇਆ ਹੈ।
ਦੱਸ ਦੇਈਏ ਕਿ ਹਾਲ ਹੀ ‘ਚ ਰਵੀ ਕਿਸ਼ਨ ਨੇ ਆਪਣੀ ਪਰਿਵਾਰਕ ਸਮੱਸਿਆ ਨੂੰ ਲੈ ਕੇ ਟਵੀਟ ਕੀਤਾ ਸੀ। ਉਸ ਨੇ ਕਿਹਾ ਸੀ ਕਿ ਉਸ ਦੀ ਮਾਂ ਕੈਂਸਰ ਤੋਂ ਪੀੜਤ ਹੈ ਅਤੇ ਉਨ੍ਹਾਂ ਦਾ ਇਲਾਜ ਮੁੰਬਈ ਦੇ ਇੱਕ ਹਸਪਤਾਲ ‘ਚ ਚੱਲ ਰਿਹਾ ਹੈ। ਕੁਝ ਮਹੀਨੇ ਪਹਿਲਾਂ ਉਸ ਦੇ ਵੱਡੇ ਭਰਾ ਦੀ ਵੀ ਬੀਮਾਰੀ ਕਾਰਨ ਮੌਤ ਹੋ ਗਈ ਸੀ।
ਪੁਲਸ ਨੇ ਕਿਹਾ ਹੈ ਕਿ ਸ਼ਿਕਾਇਤ ਦਰਜ ਕਰ ਲਈ ਗਈ ਹੈ ਅਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਪੁਲਸ ਨੇ ਆਈ. ਪੀ. ਸੀ. ਦੀ ਧਾਰਾ 406 ਤਹਿਤ ਕੇਸ ਦਰਜ ਕਰ ਲਿਆ ਹੈ। ਅਦਾਕਾਰ ਦੇ ਲੋਕ ਸੰਪਰਕ ਅਧਿਕਾਰੀ (ਪੀ.ਆਰ.ਓ.) ਨੇ ਕਿਹਾ ਕਿ ਅਭਿਨੇਤਾ-ਕਮ-ਰਾਜਨੇਤਾ ਨਾਲ ਕਥਿਤ ਤੌਰ ‘ਤੇ ਮੁੰਬਈ ਦੇ ਇਕ ਵਪਾਰੀ ਨੇ ਧੋਖਾਧੜੀ ਕੀਤੀ ਹੈ। ਸਾਂਸਦ ਨੇ 2012 ‘ਚ ਦੋਸ਼ੀ ਜੈਨ ਜਤਿੰਦਰ ਰਮੇਸ਼ ਨੂੰ ਪੈਸੇ ਦਿੱਤੇ ਸਨ। ਹਾਲਾਂਕਿ ਜਦੋਂ ਰਵੀ ਕਿਸ਼ਨ ਨੇ ਆਪਣੇ ਪੈਸੇ ਵਾਪਸ ਮੰਗੇ ਤਾਂ ਬਿਲਡਰ ਨੇ ਉਸ ਨੂੰ 34 ਲੱਖ ਰੁਪਏ ਦੇ 12 ਚੈੱਕ ਦਿੱਤੇ, ਜਿਨ੍ਹਾਂ ‘ਚੋਂ ਕੁਝ ਬਾਅਦ ‘ਚ ਬਾਊਂਸ ਹੋ ਗਏ। ਰਮੇਸ਼ ਨੂੰ ਰਕਮ ਵਾਪਸ ਕਰਨ ਲਈ ਮਨਾਉਣ ‘ਚ ਅਸਫ਼ਲ ਰਹਿਣ ਤੋਂ ਬਾਅਦ ਕਿਸ਼ਨ ਨੇ ਪੁਲਸ ‘ਚ ਸ਼ਿਕਾਇਤ ਦਰਜ ਕਰਵਾਈ।
3.25 ਕਰੋੜ ਰੁਪਏ ਦਿੱਤੇ ਸਨ ਵਾਪਰੀ ਨੂੰ
ਪੁਲਸ ਰਿਪੋਰਟ ਅਨੁਸਾਰ, ਸਾਲ 2012 ‘ਚ ਰਵੀ ਕਿਸ਼ਨ ਨੇ ਪੂਰਬੀ ਮੁੰਬਈ ਦੇ ਰਹਿਣ ਵਾਲੇ ਜੈਨ ਜਤਿੰਦਰ ਰਮੇਸ਼ ਨਾਂ ਦੇ ਇੱਕ ਵਪਾਰੀ ਨੂੰ 3.25 ਕਰੋੜ ਰੁਪਏ ਦਿੱਤੇ ਸਨ ਅਤੇ ਜਦੋਂ ਉਸ ਨੂੰ ਪੈਸੇ ਵਾਪਸ ਕਰਨ ਲਈ ਕਿਹਾ ਤਾਂ ਉਸ ਨੇ ਕਿਸ਼ਨ ਨੂੰ 34 ਲੱਖ ਦੇ 12 ਚੈੱਕ ਦਿੱਤੇ ਅਤੇ ਜਦੋਂ ਸੰਸਦ ਮੈਂਬਰ ਨੇ 7 ਦਸੰਬਰ, 2021 ਨੂੰ ਸਟੇਟ ਬੈਂਕ ਆਫ਼ ਇੰਡੀਆ ਦੀ ਬੈਂਕ ਰੋਡ ਗੋਰਖਪੁਰ ਸ਼ਾਖਾ ‘ਚ 34 ਲੱਖ ਰੁਪਏ ਦਾ ਚੈੱਕ ਜਮ੍ਹਾਂ ਕਰਵਾਇਆ ਪਰ ਚੈੱਕ ਬਾਊਂਸ ਹੋ ਗਿਆ। ਜਦੋਂ ਵਪਾਰੀ ਲਗਾਤਾਰ ਪੈਸੇ ਮੰਗਣ ਦੇ ਬਾਵਜੂਦ ਪੈਸੇ ਵਾਪਸ ਕਰਨ ਲਈ ਰਾਜ਼ੀ ਨਹੀਂ ਹੋਇਆ ਤਾਂ ਸੰਸਦ ਮੈਂਬਰ ਨੇ ਪੁਲਸ ਨੂੰ ਸ਼ਿਕਾਇਤ ਕੀਤੀ। ਕੈਂਟ ਥਾਣਾ ਇੰਚਾਰਜ ਸ਼ਸ਼ੀ ਭੂਸ਼ਣ ਰਾਏ ਨੇ ਦੱਸਿਆ ਕਿ ਪੁਲਸ ਨੇ ਇਸ ਸਬੰਧੀ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪਹਿਲਾਂ ਸੰਸਦ ਮੈਂਬਰ ਕੈਂਟ ਥਾਣਾ ਖੇਤਰ ਦੇ ਸਿੰਘਾਰੀਆ ‘ਚ ਰਹਿੰਦੇ ਸਨ ਪਰ ਹਾਲ ਹੀ ‘ਚ ਉਹ ਪਲੈਨੀਟੇਰੀਅਮ ਲੇਕ ਵਿਊ ਕਾਲੋਨੀ ਸਥਿਤ ਘਰ ‘ਚ ਸ਼ਿਫਟ ਹੋ ਗਏ ਹਨ।

Comment here