ਲੰਡਨ-ਬ੍ਰਿਟਿਸ਼ ਡਾਕਟਰ ਸੀਮਸ ਕੋਇਲ ਪਿਛਲੇ ਕਈ ਸਾਲਾਂ ਤੋਂ ਕੈਂਸਰ ਦੇ ਮਰੀਜ਼ਾਂ ਉਤੇ ਖੋਜ ਕਰ ਰਹੇ ਸਨ ਤੇ ਹੁਣ ਉਹ ਇਕ ਅਜਿਹੀ ਖੋਜ ਤੱਕ ਪਹੁੰਚ ਗਏ ਹਨ, ਜਿਸ ਨਾਲ ਮਨੁੱਖੀ ਮੌਤ ਦਾ ਸਹੀ ਸਮਾਂ ਪਤਾ ਲੱਗ ਸਕੇਗਾ। ਡਾਕਟਰ ਦਾ ਦਾਅਵਾ ਹੈ ਕਿ ਉਸ ਨੇ ਅਜਿਹਾ ਮਾਡਲ ਤਿਆਰ ਕੀਤਾ ਹੈ ਜਿਸ ਰਾਹੀਂ ਉਹ ਕੈਂਸਰ ਨਾਲ ਪੀੜਤ ਮਰੀਜ਼ਾਂ ਦੀ ਮੌਤ ਦਾ ਸਹੀ ਸਮਾਂ ਦੱਸ ਸਕਦਾ ਹੈ। ਡੇਲੀ ਸਟਾਰ ਦੀ ਰਿਪੋਰਟ ਮੁਤਾਬਕ 53 ਸਾਲਾ ਡਾਕਟਰ ਸੀਮਸ ਕੋਇਲ ਆਪਣੀ ਸਾਲਾਂ ਦੀ ਖੋਜ ਤੋਂ ਬਾਅਦ ਅਜਿਹਾ ਮਾਡਲ ਤਿਆਰ ਕਰਨ ‘ਚ ਕਾਮਯਾਬ ਹੋਏ ਹਨ, ਜਿਸ ਰਾਹੀਂ ਕੈਂਸਰ ਦੇ ਮਰੀਜ਼ ਦੀ ਮੌਤ ਦਾ ਸਹੀ ਸਮਾਂ ਦੱਸਿਆ ਜਾ ਸਕੇ।
ਹੁਣ ਉਹ ਉਸ ਟੈਸਟ ਨੂੰ ਵਿਕਸਤ ਕਰਨ ਵਿੱਚ ਰੁੱਝੇ ਹੋਏ ਹਨ, ਜਿਸ ਰਾਹੀਂ ਪਰਿਵਾਰਕ ਮੈਂਬਰਾਂ ਨੂੰ ਪਤਾ ਲੱਗ ਸਕੇਗਾ ਕਿ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਨੇ ਕਦੋਂ ਅਲਵਿਦਾ ਆਖਣਾ ਹੈ। ਡਾ. ਸੀਮਸ ਕੈਂਸਰ ਦੇ ਸ਼ੁਰੂਆਤੀ ਲੱਛਣਾਂ ਨੂੰ ਸਮਝਣ ਵਿੱਚ ਲੋਕਾਂ ਦੀ ਮਦਦ ਕਰਨ ਲਈ ਯਤਨਸ਼ੀਲ ਹੈ। ਇਸ ਪ੍ਰਣਾਲੀ ਰਾਹੀਂ ਜੇਕਰ ਮਰੀਜਾਂ ਦੇ ਰਿਸ਼ਤੇਦਾਰਾਂ ਨੂੰ ਉਹਨਾਂ ਦੀ ਮੌਤ ਦੇ ਸਹੀ ਸਮੇਂ ਦਾ ਪਤਾ ਲੱਗ ਜਾਂਦਾ ਹੈ ਤਾਂ ਉਹ ਉਹਨਾਂ ਦੇ ਆਖਰੀ ਪਲਾਂ ਵਿੱਚ ਉਹਨਾਂ ਦੇ ਨਾਲ ਰਹਿ ਸਕਣਗੇ। ਡਾ: ਸਿਮਸ ਦਾ ਕਹਿਣਾ ਹੈ ਕਿ ਕੈਂਸਰ ‘ਤੇ ਲੰਬੇ ਸਮੇਂ ਤੋਂ ਖੋਜ ਕੀਤੀ ਜਾ ਰਹੀ ਹੈ, ਪਰ ਹੁਣ ਤੱਕ ਕੋਈ ਵੀ ਇਹ ਨਹੀਂ ਦੱਸ ਸਕਿਆ ਕਿ ਮਰੀਜ਼ ਦੀ ਮੌਤ ਕਦੋਂ ਹੋਵੇਗੀ।
ਇਸ ਬਾਰੇ ਡਾਕਟਰਾਂ ਦਾ ਆਪਣਾ-ਆਪਣਾ ਵਿਚਾਰ ਸੀ ਅਤੇ ਕਈ ਵਾਰ ਪਰਿਵਾਰ ਦੇ ਮੈਂਬਰ ਆਖਰੀ ਪਲਾਂ ਵਿੱਚ ਮਰੀਜ਼ ਦੇ ਨਾਲ ਨਹੀਂ ਹੁੰਦੇ ਸਨ। ਇੰਟਰਨੈਸ਼ਨਲ ਜਰਨਲ ਆਫ ਮੋਲੇਕਿਊਲਰ ਸਾਇੰਸਿਜ਼ ਵਿੱਚ ਪ੍ਰਕਾਸ਼ਿਤ ਉਸ ਦੀ ਰਿਪੋਰਟ ਮੁਤਾਬਕ ਮਰੀਜ਼ ਦੇ ਪਿਸ਼ਾਬ ਤੋਂ ਉਸ ਦੀ ਮੌਤ ਦਾ ਸਹੀ ਸਮਾਂ ਪਤਾ ਲੱਗ ਜਾਂਦਾ ਹੈ। ਇਹ ਜਾਣਨ ਤੋਂ ਬਾਅਦ, ਮਰੀਜ਼ ਖੁਦ ਫੈਸਲਾ ਕਰਨਗੇ ਕਿ ਕੀ ਉਹ ਇਸ ਸੰਸਾਰ ਨੂੰ ਸ਼ਾਂਤੀ ਨਾਲ ਆਪਣੇ ਘਰ ਛੱਡਣਾ ਚਾਹੁੰਦੇ ਹਨ ਜਾਂ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਰਹਿਣਾ ਹੈ।
Comment here