ਮਿਸ਼ੀਗਨ ‘ਚ ਤੂਫ਼ਾਨ ਕਾਰਨ ਲੋਕਾਂ ਦੇ ਘਰਾਂ ਦੀ ਬਿਜਲੀ ਸਪਲਾਈ ਠੱਪ

ਡੇਟ੍ਰੋਇਟ-ਇਥੋਂ ਦੇ ਮੌਸਮ ਵਿਭਾਗ ਨੇ ਦੱਸਿਆ ਕਿ ਦੱਖਣੀ ਮਿਸ਼ੀਗਨ ਵਿੱਚ ਬੁੱਧਵਾਰ ਨੂੰ ਭਿਆਨਕ ਤੂਫਾਨ ਆਇਆ, ਜਿਸ ਨੇ ਦਰਖਤ ਉਖਾੜ ਦਿੱਤੇ, ਸ਼ਾਖਾਵਾਂ ਟੁੱਟ ਗਈਆਂ ਅਤੇ ਬਿਜਲੀ ਦੀਆਂ ਲਾਈਨਾਂ ਨੂੰ ਨੁਕਸਾਨ ਪਹੁੰਚਾਇਆ ਅਤੇ 1,40,000 ਤੋਂ ਵੱਧ ਖ਼ਪਤਕਾਰਾਂ ਅਤੇ ਕਾਰੋਬਾਰਾਂ ਨੂੰ ਬਿਜਲੀ ਸੰਕਟ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੌਰਾਨ ਰੋਮੁਲਸ ਦੇ ਡੇਟ੍ਰੋਇਟ ਉਪਨਗਰ ਵਿੱਚ 67 ਮੀਲ ਪ੍ਰਤੀ ਘੰਟੇ (107.83 ਕਿਲੋਮੀਟਰ ਪ੍ਰਤੀ ਘੰਟਾ) ਦੀ ਰਫ਼ਤਾਰ ਨਾਲ ਹਵਾਵਾਂ ਚੱਲੀਆਂ। ਡੀਟੀਈ ਐਨਰਜੀ ਨੇ ਸ਼ਾਮ 5:40 ਵਜੇ ਲਗਭਗ 108,000 ਖ਼ਪਤਕਾਰਾਂ ਦੇ ਬਿਜਲੀ ਸੰਕਟ ਦਾ ਸਾਹਮਣਾ ਕਰਨ ਦੀ ਸੂਚਨਾ ਦਿੱਤੀ। ਉਥੇ ਹੀ ਕੰਜ਼ਿਊਮਰ ਐਨਰਜੀ ਨੇ 32,000 ਤੋਂ ਵੱਧ ਲੋਕਾਂ ਅਤੇ ਅਦਾਰਿਆਂ ਕੋਲ ਬਿਜਲੀ ਨਾ ਹੋਣ ਦੀ ਸੂਚਨਾ ਦਿੱਤੀ। ਰਾਸ਼ਟਰੀ ਮੌਸਮ ਸੇਵਾ ਨੇ ਕਿਹਾ ਕਿ ਡੇਟਰਾਇਟ ਖੇਤਰ, ਐੱਨ ਆਰਬਰ ਅਤੇ ਦੱਖਣੀ ਮਿਸ਼ੀਗਨ ਵਿੱਚ ਕਈ ਥਾਂਵਾਂ ‘ਤੇ ਦਰੱਖਤ ਡਿੱਗ ਗਏ ਅਤੇ ਸ਼ਾਖਾਵਾਂ ਟੁੱਟ ਗਈਆਂ।