ਪੇਸ਼ਾਵਰ- ਬੀਤੇ ਦਿਨੀਂ ਪਾਕਿਸਤਾਨ ਦੇ ਪੇਸ਼ਾਵਰ ਸ਼ਹਿਰ ਦੇ ਸਰਬੰਦ ਬੱਤਾ ਤਿਲ ਬਾਜ਼ਾਰ ਵਿੱਚ ਦੋ ਸਿੱਖਾਂ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ, ਇਸ ਮਾਮਲੇ ਨੂੰ ਲੈ ਕੇ ਇਥੇ ਆਈ ਜੀ ਫਰੰਟੀਅਰ ਕਰੋਪਸ ਬਾਰਾ ਰਾਈਫਲ ਦੇ ਕਮਾਂਡੈਂਟ ਨਦੀਮ ਮੁਸ਼ਤਾਕ ਸਿੱਖ ਭਾਈਚਾਰੇ ਦੇ 39 ਮੈਂਬਰਾਂ ਦੇ ਵਫ਼ਦ ਨਾਲ ਮੀਟਿੰਗ ਕਰਕੇ ਸਿੱਖਾਂ ਦੇ ਹੋਏ ਕਤਲ ਦਾ ਦੁੱਖ ਸਾਂਝਾ ਕੀਤਾ। ਇਸ ਮੌਕੇ ਆਰਮੀ ਅਧਿਕਾਰੀਆਂ ਤੇ ਸੁਰੱਖਿਆ ਬਲਾਂ ਨੇ ਕਿਹਾ ਕਿ ਘੱਟ ਗਿਣਤੀ ਭਾਈਚਾਰੇ ਨਾਲ ਹਮੇਸ਼ਾ ਖੁੱਲ੍ਹ ਕੇ ਸਹਿਯੋਗ ਕੀਤਾ ਹੈ ਅਗਾਂਹ ਵੀ ਕਰਦੇ ਰਹਾਂਗੇ। ਇਸ ਸਬੰਧੀ ਪੇਸ਼ਾਵਰ ਦੇ ਕੋਰ ਕਮਾਂਡਰ ਅਤੇ ਆਈਜੀਐਫਸੀ ਨੇ ਬੀਤੇ ਦਿਨ ਪੇਸ਼ਾਵਰ ਵਿਚ ਵਾਪਰੀ ਘਟਨਾ ਦੀ ਸਖ਼ਤ ਨਿੰਦਾ ਕੀਤੀ। ਉਨ੍ਹਾਂ ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ ਵਪਾਰ ਮੰਡਲ ਦੇ ਸਾਬਕਾ ਚੇਅਰਮੈਨ ਸਈਅਦ ਅਯਾਜ਼ ਵਜ਼ੀਰ ਦੀ ਅਗਵਾਈ ‘ਚ ਸਿੱਖ ਭਾਈਚਾਰੇ ਦੇ 39 ਮੈਂਬਰੀ ਵਫ਼ਦ ਨੇ ਬਾਰਾ ਰਾਈਫ਼ਲ ਦੇ ਕਮਾਂਡੈਂਟ ਨਦੀਮ ਮੁਸ਼ਤਾਕ ਨਾਲ ਮੁਲਾਕਾਤ ਕੀਤੀ। ਜਿਸ ਵਿੱਚ ਉਨ੍ਹਾਂ ਸਿੱਖ ਕੌਮ ਨਾਲ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਵਾਪਰੀ ਘਟਨਾ ਦੀ ਜਿੰਨੀ ਮਰਜ਼ੀ ਨਿਖੇਧੀ ਕੀਤੀ ਜਾਵੇ ਉਹ ਘੱਟ ਹੀ ਹੋਵੇਗੀ। ਉਨ੍ਹਾਂ ਸਰਕਾਰ ਨੂੰ ਅਪੀਲ ਕੀਤੀ ਕਿ ਸਿੱਖ ਕੌਮ ਦੇ ਸਾਰੇ ਰਾਖਵੇਂਕਰਨ ਦੂਰ ਕੀਤੇ ਜਾਣ, ਜਦਕਿ ਪਾਕਿਸਤਾਨੀ ਫੌਜ ਘੱਟ ਗਿਣਤੀ ਕੌਮ ਦੀ ਰਾਖੀ ਕਰੇਗੀ। ਜਿਨ੍ਹਾਂ ਨੇ ਸਟੇਟ ਰਿੱਟ ਨੂੰ ਚੁਣੌਤੀ ਦਿੱਤੀ ਅਤੇ ਇਸ ਵਿਰੁੱਧ ਕਾਰਵਾਈ ਕੀਤੀ ਗਈ। ਕਮਾਂਡੈਂਟ ਬਾਰਾ ਰਾਈਫਲ ਨਦੀਮ ਮੁਸ਼ਤਾਕ ਨੇ ਕੋਰ ਕਮਾਂਡਰ ਅਤੇ ਆਈ.ਜੀ.ਐਫ.ਸੀ ਨਾਰਥ ਵੱਲੋਂ ਮੌਕੇ ‘ਤੇ ਹੀ ਫੂਲਪਰੂਫ ਸੁਰੱਖਿਆ ਮੁਹੱਈਆ ਕਰਵਾਉਣ ਦੇ ਆਦੇਸ਼ ਜਾਰੀ ਕਰਦਿਆਂ ਆਪਣੀ ਜਾਨ ਗੁਆਉਣ ਵਾਲੇ ਦੋ ਸਿੱਖ ਭਾਈਚਾਰੇ ਨੂੰ ਨਕਦ ਰਾਸ਼ੀ ਦੇ ਚੈੱਕ ਵੀ ਸੌਂਪੇ ਗਏ। ਇਸ ਮੌਕੇ ਆਰਮੀ ਵਿੰਗ ਕੋਲੋਂ ਸਹਾਇਤਾ ਲੈਣ ਸਮੇਂ ਕਈ ਸਿੱਖ ਤੇ ਮੁਸਲਿਮ ਆਗੂ ਵੀ ਹਾਜ਼ਰ ਸਨ।
Comment here