ਪਾਕਿ ’ਚ ਹਮਲੇ ਦੌਰਾਨ ਫੌਜੀ ਤੇ ਪੁਲਸ ਮੁਲਾਜ਼ਮ ਦੀ ਹੋਈ ਮੌਤ

ਇਸਲਾਮਾਬਾਦ-ਪਾਕਿਸਤਾਨ ਦੇ ਬਲੋਚਿਸਤਾਨ ’ਚ ਹਮਲਾ ਹੋਣ ਦੀ ਖ਼ਬਰ ਹੈ। ਬਲੋਚਿਸਤਾਨ ਦੇ ਬੋਲਨ ਅਤੇ ਕਲਾਤ ਇਲਾਕਿਆਂ ’ਚ 2 ਵੱਖ-ਵੱਖ ਹਥਿਆਰਬੰਦ ਹਮਲਾਵਰਾਂ ’ਚ ਲੇਵੀ ਫੋਰਸ ਦੇ ਇਕ ਜਵਾਨ ਅਤੇ ਇਕ ਪੁਲਸ ਕਾਂਸਟੇਬਲ ਦੀ ਮੌਤ ਹੋ ਗਈ, ਜਦੋਂਕਿ 2 ਹੋਰ ਪੁਲਸ ਮੁਲਾਜ਼ਮ ਵੀ ਜ਼ਖਮੀ ਹੋ ਗਏ। ਬੋਲਨ ਜ਼ਿਲ੍ਹੇ ਦੇ ਬਾਲਾਨਾਰੀ ਇਲਾਕੇ ’ਚ ਹਥਿਆਰਬੰਦ ਲੋਕਾਂ ਨੇ ਲੇਵੀ ਫੌਜ ਦੀ ਇਕ ਚੌਕੀ ’ਤੇ ਗੋਲੀਆਂ ਚਲਾਈਆਂ ਅਤੇ ਇਕ ਜਵਾਨ ਨੂੰ ਮਾਰ ਦਿੱਤਾ। ਉਥੇ ਇਕ ਹੋਰ ਘਟਨਾ ’ਚ ਮੋਟਰਸਾਈਕਲ ਸਵਾਰ ਹਥਿਆਰਬੰਦ ਬਦਮਾਸ਼ਾਂ ਨੇ ਬਲੋਚਿਸਤਾਨ ਦੇ ਕਲਾਤ ਜ਼ਿਲ੍ਹੇ ’ਚ ਇਕ ਪੁਲਸ ਗੱਡੀ ’ਤੇ ਗੋਲੀਆਂ ਚਲਾਈਆਂ, ਜਿਸ ’ਚ 3 ਪੁਲਸ ਮੁਲਾਜ਼ਮ ਜ਼ਖਮੀ ਹੋ ਗਏ। ਪੁਲਸ ਕਾਂਸਟੇਬਲ ਨਜ਼ੀਰ ਅਹਿਮਦ ਬਾਂਗੁਲਜਈ ਨੂੰ ਇਲਾਜ ਲਈ ਕਵੇਟਾ ਲੈ ਜਾਂਦੇ ਸਮੇਂ ਉਸ ਦੀ ਮੌਤ ਹੋ ਗਈ। ਮ੍ਰਿਤਕ ਜਵਾਨ ਦੀ ਪਛਾਣ ਖਾਲਿਦ ਹੁਸੈਨ ਕੁਰਦ ਦੇ ਰੂਪ ’ਚ ਹੋਈ ਹੈ।