ਅਪਰਾਧਸਿਆਸਤਖਬਰਾਂਦੁਨੀਆ

ਅਮਰੀਕਾ ਚ ਬਲੈਕਸ ਡਰ ਦੇ ਚਲਦਿਆਂ ਹਥਿਆਰਾਂ ਦੀ ਖਰੀਦੋ ਫਰੋਖਤ ਚ ਲੱਗੇ

ਵਾਸ਼ਿੰਗਟਨ-ਪਿਛਲੇ ਸਾਲ ਅਮਰੀਕਾ ’ਚ ਬਲੈਕ ਲਾਈਵਜ਼ ਮੈਟਰ ਕਾਫੀ ਸੁਣਨ ’ਚ ਆਇਆ ਸੀ। ਇਸ ਦੀ ਵਜ੍ਹਾ ਦੋ ਸਿਆਹਫਾਮ ਨਾਗਰਿਕਾਂ ਦੀ ਪੁਲਿਸ ਦੁਆਰਾ ਹੱਤਿਆ ਵੀ ਸੀ। ਇਸ ਤੋਂ ਬਾਅਦ ਕਾਫੀ ਗਿਣਤੀ ’ਚ ਲੋਕਾਂ ਨੇ ਵਿਰੋਧ ਪ੍ਰਦਰਸ਼ਨ ਲਗਪਗ ਪੂਰੇ ਅਮਰੀਕਾ ’ਚ ਹੀ ਦਿਖਾਈ ਦਿੱਤੇ ਸਨ। ਇਸ ਤੋਂ ਬਾਅਦ ਹੀ ਇੱਥੇ ਦੇ ਸਿਆਹਫਾਮ ਨਾਗਰਿਕਾਂ ’ਚ ਆਪਣੀ ਸੁਰੱਖਿਆ ਨੂੰ ਲੈ ਕੇ ਇਕ ਡਰ ਵੀ ਪੈਦਾ ਹੋਇਆ ਸੀ। ਅਮਰੀਕਾ ’ਚ ਸਿਆਹਫਾਮ ਲੋਕਾਂ ਨੂੰ ਆਪਣੀ ਸੁਰੱਖਿਆ ਦੀ ਚਿੰਤਾ ਵੱਧ ਸਤਾਉਣ ਲੱਗੀ ਹੈ। ਇਹੀ ਵਜ੍ਹਾ ਹੈ ਕਿ ਸਿਆਹਫਾਮ ਲੋਕਾਂ ’ਚ ਹਥਿਆਰ ਖਰੀਦਣ ਨੂੰ ਲੈ ਕੇ ਇਕ ਹੋੜ ਜਿਹੀ ਲੱਗ ਗਈ ਹੈ। ਇਸ ’ਚ ਪੁਰਸ਼ਾਂ ਦੀ ਤੁਲਨਾ ’ਚ ਔਰਤਾਂ ਜ਼ਿਆਦਾ ਅੱਗੇ ਹਨ ਕਿ ਅਮਰੀਕਾ ’ਚ ਪਿਛਲੇ ਸਾਲ ਕਰੀਬ 85 ਲੱਖ ਲੋਕਾਂ ਨੇ ਪਹਿਲੀ ਵਾਰ ਬੰਦੂਕ ਖਰੀਦੀ ਸੀ। ਇਨ੍ਹਾਂ ਹਥਿਆਰਾਂ ਨੂੰ ਬਣਾਉਣ ਵਾਲੇ ਉਦਯੋਗਾਂ ਦੇ ਸੰਗਠਨਾਂ ਦਾ ਕਹਿਣਾ ਹੈ ਕਿ 2020 ਦੇ 6 ਮਹੀਨਿਆਂ ’ਚ ਸਿਆਹਫਾਮ ਦੁਆਰਾ ਕੀਤੀ ਗਈ ਹਥਿਆਰਾਂ ਦੀ ਖਰੀਦ ’ਚ ਕਰੀਬ 58-60 ਫ਼ੀਸਦੀ ਦੀ ਤੇਜ਼ੀ ਆਈ ਹੈ। ਇਹ ਅੰਕੜੇ ਕਾਫੀ ਹੈਰਾਨ ਕਰਨ ਵਾਲੇ ਹਨ। ਹਥਿਆਰਾਂ ਦੀ ਖਰੀਦ ’ਚ ਸਿਆਹਫਾਮ ਲੋਕਾਂ ਦੇ ਅੱਗੇ ਰਹਿਣ ਦੇ ਸਵਾਲ ’ਚ ਸੰਬੰਧਤ ਅਧਿਕਾਰੀ ਕਹਿੰਦੇ ਹਨ ਕਿ ਅਜਿਹਾ ਉਦੋਂ ਹੁੰਦਾ ਹੈ ਜਦੋਂ ਲੋਕਾਂ ਦਾ ਪੁਲਿਸ ਤੋਂ ਭਰੋਸਾ ਘੱਟ ਹੋਣ ਲਗਦਾ ਹੈ। ਅਜਿਹੇ ਹਾਲਾਤ ’ਚ ਲੋਕ ਆਪਣੀ ਸੁਰੱਖਿਆ ਲਈ ਹੱਥਿਆਰਾਂ ਦੀ ਵੱਧ ਖਰੀਦ ਕਰਦੇ ਹਨ। ਉਨ੍ਹਾਂ ਦਾ ਇਹ ਵੀ ਕਹਿਣਾ ਹੈ ਕਿ ਸਿਆਹਫਾਮ ਦੇ ਖ਼ਿਲਾਫ਼ ਨਫ਼ਰਤ ਫੈਲਾਉਣ ਵਾਲੇ ਸੰਗਠਨ ਵੀ ਇਸ ਲਈ ਜ਼ਿੰਮੇਵਾਰ ਹਨ।

Comment here