ਨਿਊਯਾਰਕ-ਹਾਕੀ ਦੀ ਰਾਸ਼ਟਰੀ ਚੈਂਪੀਅਨ ਜੋਰੀ ਜੋਨਸ ਬਾਰੇ ਦੁਖਦਾਇਕ ਖ਼ਬਰ ਸਾਹਮਣੇ ਆਈ ਹੈ। ਹਾਕੀ ਦੀ ਰਾਸ਼ਟਰੀ ਚੈਂਪੀਅਨ ਗੁਸਤਾਵਸ ਅਡੋਲਫਸ ਕਾਲਜ ਦੀ 19 ਸਾਲ ਦੀ ਗੋਲਕੀਪਰ ਨੌਜਵਾਨ ਖਿਡਾਰਨ ਦੀ ਬੀਤੇ ਦਿਨ ਮਿਨੇਸੋਟਾ ਦੇ ਇਕ ਪੇਂਡੂ ਇਲਾਕੇਂ ‘ਚ ਇੱਕ ਦਰਦਨਾਕ ਕਾਰ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ। ਉਸਦੇ ਨਾਲ ਸਵਾਰ ਤਿੰਨ ਲੋਕ ਜ਼ਖਮੀ ਹੋ ਗਏ। ਮਿਨੀਆਪੋਲਿਸ ਸਟਾਰ-ਟ੍ਰਿਬਿਊਨ ਅਨੁਸਾਰ ਲਿਟਲ ਕੈਨੇਡਾ ਦੀ ਰਹਿਣ ਵਾਲੀ ਜੋਰੀ ਜੋਨਸ ਟੱਕਰ ਕਾਰਨ ਗੰਭੀਰ ਜ਼ਖਮੀ ਹੋ ਗਈ ਤੇ ਜ਼ਖਮਾਂ ਦੀ ਤਾਬ ਨਾ ਚੱਲਦੇ ਹੋਏ ਸਥਾਨਕ ਹਸਪਤਾਲ ਵਿੱਚ ਉਸ ਦੀ ਮੌਤ ਹੋ ਗਈ।
ਇੰਨਾਂ ਸਾਰੀਆਂ ਖਿਡਾਰਨਾਂ ਨੂੰ ਨੇੜਲੇ ਮੋਂਟੇਵੀਡੀਓ ਹਸਪਤਾਲ ਲਿਜਾਇਆ ਗਿਆ ਸੀ। ਜੋਨਸ ਦੇ ਨਾਲ ਉਸ ਦੀ ਐੱਸਯੂਵੀ ਐੱਸਯੂਵੀ ਗੱਡੀ ਵਿੱਚ ਟੀਮ ਦੀਆਂ ਹੋਰ ਤਿੰਨ ਖਿਡਾਰਨਾਂ ਸਵਾਰ ਸਨ। ਟੱਕਰ ਐੱਸਯੂਵੀ ਅਤੇ ਇਕ ਮਿਨੀਵੈਨ ਵਿਚਕਾਰ ਹੋਈ, ਜੋ ਹਾਈਵੇਅ ‘ਤੇ ਪੂਰਬ ਵੱਲ ਨੂੰ ਜਾ ਰਹੀ ਸੀ। ਮਿਨੇਸੋਟਾ ਰਾਜ ਦੀ ਗਸ਼ਤ ਪਾਰਟੀ ਦਾ ਕਹਿਣਾ ਹੈ ਕਿ ਡਰਾਈਵਰਾਂ ਵਿੱਚੋਂ ਇੱਕ ਸਟਾਪ ਸਾਈਨ ਦੀ ਪਾਲਣਾ ਕਰਨ ਵਿੱਚ ਅਸਫਲ ਰਿਹਾ, ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ। ਇਹ ਹਾਦਸਾ ਰੂਟ 40 ‘ਤੇ ਇੱਕ ਹਾਈਵੇਅ ਦੇ ਨਾਲ ਇੱਕ ਚੌਰਾਹੇ ‘ਤੇ ਵਾਪਰਿਆ, ਜੋ ਕਿ ਮਿਨੀਆਪੋਲਿਸ ਸ਼ਹਿਰ ਤੋਂ ਦੋ ਘੰਟੇ ਦੀ ਦੂਰੀ ‘ਤੇ ਹੈ।
Comment here