ਮੁਕੱਦਮੇ ’ਚ ਫਸਾ ਕੇ ਨੂੰਹ ਨੇ ਸੱਸ ਤੋਂ ਵਸੂਲੇ 30 ਲੱਖ, ਕੇਸ ਦਰਜ

ਬਰੇਲੀ-ਸੱਸ ਨੂੰਹ ਦਾ ਰਿਸ਼ਤਾ ਹਮੇਸ਼ਾ ਤਕਰਾਰ ਵਿੱਚ ਰਹਿਦਾ ਤਾਂ ਸੁਣਿਆ ਹੈ, ਪਰ ਇੱਥੇ ਮਾਮਲਾ ਕੁਝ ਗੰਭੀਰ ਦੱਸਿਆ ਜਾ ਰਿਹਾ ਹੈ। ਮੁਕੱਦਮੇ ਵਿਚ ਫਸਾ ਕੇ ਨੂੰਹ ਨੇ ਸੱਸ ਤੋਂ 30 ਲੱਖ ਰੁਪਏ ਵਸੂਲ ਲਏ। ਦੋਸ਼ ਹੈ ਕਿ 30 ਲੱਖ ਰੁਪਏ ਮਿਲਣ ’ਤੇ ਨੂੰਹ ਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਦਾ ਲਾਲਚ ਵੱਧ ਗਿਆ ਤੇ ਬਜ਼ੁਰਗ ਸੱਸ ਤੋਂ 50 ਲੱਖ ਰੁਪਏ ਦੀ ਮੰਗ ਰੱਖ ਦਿੱਤੀ। ਮੰਗ ਨਾ ਪੂਰੀ ਹੋਣ ’ਤੇ ਦੋਸ਼ੀ ਨੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ ਹੈ। ਬੀਤੇ ਮੰਗਲਵਾਰ ਨੂੰ ਬਜ਼ੁਰਗ ਔਰਤ ਨੇ ਇੰਸਪੈਕਟਰ ਬਾਰਾਦਰੀ ਨੂੰ ਰੋਂਦੇ ਹੋਏ ਆਪ-ਬੀਤੀ ਸੁਣਾਈ। ਕਿਹਾ ਕਿ ਪਤੀ ਪਹਿਲੇ ਹੀ ਚਲੇ ਗਏ। ਪਰੇਸ਼ਾਨੀ ਤੋਂ ਤੰਗ ਆ ਕੇ ਦੋਵੇਂ ਬੇਟਿਆਂ ਦੀ ਸਦਮੇ ਵਿਚ ਮੌਤ ਹੋ ਗਈ। ਹੁਣ ਨੂੰਹ ਨੇ ਸਾਨੂੰ ਵੀ ਮਰਨ ’ਤੇ ਮਜਬੂਰ ਕਰ ਦਿੱਤਾ ਹੈ।
ਬਾਰਾਦਰੀ ਦੀ ਰਹਿਣ ਵਾਲੀ ਬਜ਼ੁਰਗ ਮਹਿਲਾ ਕਲਾਵਤੀ ਨੇ ਬਾਰਾਦਰੀ ਥਾਣੇ ਵਿਚ ਦਿੱਤੀ ਗਈ ਤਹਿਰੀਰ ਵਿਚ ਦੱਸਿਆ ਕਿ ਸਾਲ 2015 ਵਿਚ ਬੇਟੇ ਦਾ ਵਿਆਹ ਹੋਇਆ। ਵਿਆਹ ਤੋਂ ਬਾਅਦ ਤੋਂ ਹੀ ਨੂੰਹ ਬੇਟੇ ’ਤੇ ਪਰਿਵਾਰ ਤੋਂ ਵੱਖ ਰਹਿਣ ਦਾ ਦਬਾਅ ਬਣਾਉਣ ਲੱਗੀ। ਬੇਟੇ ਦੀ ਖ਼ੁਸ਼ੀ ਦੀ ਖ਼ਾਤਰ ਉਸ ਨੇ ਆਪਣੇ ਹੀ ਦੂਜੇ ਮਕਾਨ ਵਿਚ ਵੱਖ ਰਹਿਣ ’ਤੇ ਹਾਮੀ ਭਰ ਦਿੱਤੀ। ਦੋਸ਼ ਹੈ ਕਿ ਇਸ ਤੋਂ ਬਾਅਦ ਨੂੰਹ ਨੇ ਮਕਾਨ ਦਾ ਬੈਨਾਮਾ ਉਸਦੇ ਨਾਂ ਕਰਨ ਦਾ ਦਬਾਅ ਬਣਾਇਆ। ਨਾ ਮੰਨਣ ’ਤੇ ਨੂੰਹ ਨੇ ਪਤੀ, ਸੱਸ ਸਮੇਤ ਸਹੁਰੇ ਪਰਿਵਾਰਕ ਖ਼ਿਲਾਫ਼ ਦਹੇਜ ਲਈ ਪਰੇਸ਼ਾਨ ਕਰਨ ਦਾ ਮੁਕੱਦਮਾ ਦਰਜ ਕਰਵਾ ਦਿੱਤਾ।
ਔਰਤ ਮੁਤਾਬਕ ਬਹਿਸ ਵਿਚ ਮੁਕੱਦਮਾ ਝੂਠਾ ਪਾਇਆ ਗਿਆ। ਇੱਧਰ, ਮੁਕੱਦਮੇ ਨਾਲ ਬੇਟਾ ਇਸ ਕਦਰ ਮਾਨਸਿਕ ਪਰੇਸ਼ਾਨੀ ਵਿਚ ਆ ਗਿਆ ਕਿ ਉਸਦੀ ਮੌਤ ਹੋ ਗਈ। ਇਸ ਤੋਂ ਬਾਅਦ ਨੂੰਹ ਦੇ ਪਿਤਾ ਨੇ ਉਸਦੇ ਦੂਜੇ ਵਿਆਹ ਦੀ ਗੱਲ ਕਹੀ। ਫੈਸਲੇ ਤਹਿਤ ਕਿਹਾ ਕਿ 50 ਲੱਖ ਰੁਪਏ ਦੇ ਦਿਓ, ਇਸ ਤੋਂ ਬਾਅਦ ਕੋਈ ਵਾਸਤਾ ਨਹੀਂ ਰਹੇਗਾ। ਮਕਾਨ ਵੇਚ ਕੇ ਜਿਵੇਂ-ਤਿਵੇਂ ਬਜ਼ੁਰਗ ਔਰਤ ਨੇ 30 ਲੱਖ ਰੁਪਏ ਨੂੰਹ ਦੇ ਪਰਿਵਾਰਕ ਮੈਂਬਰਾਂ ਨੂੰ ਦੇ ਦਿੱਤੇ।
ਦੋਸ਼ ਹੈ ਕਿ ਇਸ ਤੋਂ ਬਾਅਦ 50 ਲੱਖ ਰੁਪਏ ਦੀ ਮੰਗ ਕੀਤੀ ਜਾਣ ਲਕੱਗੀ। ਪਰੇਸ਼ਾਨੀ ਤੋਂ ਤੰਗ ਆ ਕੇ ਵੱਡਾ ਬੇਟਾ ਵੀ ਸਦਮੇ ਵਿਚ ਚਲਾ ਗਿਆ। ਬਾਵਜੂਦ ਦੋਸ਼ੀ 50 ਲੱਖ ਰੁਪਏ ਦੀ ਮੰਗ ’ਤੇ ਅੜੇ ਹਨ। ਦੋਸ਼ ਹੈ ਕਿ ਧਮਕੀ ਦਿੱਤੀ ਕਿ ਤੁਹਾਡੇ ਦੋਵੇਂ ਬੇਟਿਆਂ ਨੂੰ ਮਰਨ ਨੂੰ ਮਜਬੂਰ ਕਰ ਦਿੱਤਾ ਤਾਂ ਤੂੰ ਕੀ ਚੀਜ਼ ਐਂ। ਇੰਸਪੈਕਟਰ ਬਾਰਾਦਰੀ ਨੀਰਜ ਮਲਿਕ ਨੇ ਦੱਸਿਆ ਕਿ ਤਹਿਰੀਰ ਦੇ ਆਧਾਰ ’ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।