ਮਨੁੱਖੀ ਅਧਿਕਾਰ ਕਾਰਕੁੰਨਾਂ ਨੂੰ ਅਗਵਾ ਕਰਨ ਦੇ ਮਾਮਲੇ ਤੇ ਯੂਰਪੀਅਨ ਸੰਘ ਚਿੰਤਤ

ਇਸਲਾਮਾਬਾਦ- ਪਾਕਿਸਤਾਨ ਵਿੱਚ ਵਿਗੜ ਰਹੇ ਹਾਲਾਤਾਂ ਉੱਤੇ ਵਿਸ਼ਵ ਭਰ ਦੇ ਮਨੁੱਖੀ ਅਧਿਕਾਰਾਂ ਲਈ ਫਿਕਰ ਕਰਨ ਵਾਲੇ ਚਿਤੰਤ ਹਨ, ਖਾਸ ਕਰਕੇ ਮਨੁੱਖੀ ਅਧਿਕਾਰਾਂ ਦੇ ਕਾਰਕੁੰਨਾਂ ਤੇ ਹੋ ਰਹੇ ਹਮਲਿਆਂ ਨੂੰ ਲੈ ਕੇ ।  ਐਮਨੇਸਟੀ ਇੰਟਰਨੈਸ਼ਨਲ ਦੀਆਂ ਵੱਖ-ਵੱਖ ਯੂਰਪੀਅਨਾਂ ਨੇ ਸਿੰਧ ਦੇ ਮੁੱਖ ਮੰਤਰੀ ਨੂੰ ਚਿੱਠੀ ਲਿਖ ਕੇ ਦੇਸ਼ ਵਿਚ ਮਨੁੱਖੀ ਅਧਿਕਾਰ ਕਾਰਕੁੰਨਾਂ ਦੇ ਅਗਵਾ ਹੋਣ ’ਤੇ ਚਿੰਤਾ ਜ਼ਾਹਰ ਕੀਤੀ ਹੈ। ਮਨੁੱਖੀ ਅਧਿਕਾਰਾਂ ਦੇ ਕਾਰਕੁੰਨ ਅਤੇ ਅਵਾਮੀ ਵਰਕਰ ਪਾਰਟੀ , ਸਿੰਧ ਦੇ ਲੇਬਰ ਸਕੱਤਰ ਸੀਂਗਰ ਨੂਨਾਰੀ ਨੂੰ 26 ਜੂਨ ਨੂੰ ਨਸੀਰਾਬਾਦ ’ਚ ਉਨ੍ਹਾਂ ਦੀ ਰਿਹਾਇਸ਼ ਤੋਂ ਅਗਵਾ ਕੀਤਾ ਗਿਆ। ਨੂਨਾਰੀ ਨੂੰ ਨਿੱਜੀ ਜਾਇਦਾਦ ਡਵੈਲਪਰਸ ਦਾ ਵਿਰੋਧ ਕਰਨ ਲਈ ਆਪਣੇ ਭਾਈਚਾਰੇ ਨੂੰ ਸੰਗਠਿਤ ਕਰਨ ਦੇ ਦੋਸ਼ ਚ  ਅਗਵਾ ਕਰ ਲਿਆ ਗਿਆ ਸੀ। ਸਿੰਧ ’ਚ ਨਿੱਜੀ ਜਾਇਦਾਦ ਡਿਵੈਲਪਰਾਂ ਵਲੋਂ ਗੈਰ-ਕਾਨੂੰਨੀ ਜ਼ਮੀਨਾਂ ਦੀ ਕਬਜ਼ਿਆਂ ਵਿਰੁੱਧ ਏ. ਡਬਲਿਊ. ਪੀ. ਦੇ ਰਾਸ਼ਟਰੀ ਕਾਰਜ ਦਿਵਸ ’ਤੇ ਕਥਿਤ ਤੌਰ ’ਤੇ ਸਾਦੇ ਕੱਪੜਿਆਂ ਵਿਚ ਆਏ 15 ਵਿਅਕਤੀਆਂ ਨੇ ਨੂਨਾਰੀ ਦੇ ਘਰ ’ਚ ਭੰਨ-ਤੋੜ ਕੀਤੀ ਅਤੇ ਅੱਖਾਂ ’ਤੇ ਪੱਟੀ ਬੰਨ੍ਹ ਕੇ ਉਸ ਨੂੰ ਲੈ ਗਏ। ਇਸ ਮੁੱਦੇ ਦੇ ਪਾਕਿਸਤਾਨ ਹਾਈ ਕਮਿਸ਼ਨ ਦੇ ਸਾਹਮਣੇ ਲੰਡਨ ਵਿਚ 12 ਜੁਲਾਈ ਨੂੰ ਇਕ ਵਿਰੋਧ ਪ੍ਰਦਰਸ਼ਨ ਵੀ ਕੀਤਾ ਗਿਆ ਸੀ ਅਤੇ ਨੂਨਾਰੀ ਨੂੰ ਤੁਰੰਤ ਰਿਹਾਅ ਕਰਨ ਦੀ ਮੰਗ ਵਾਲੀ ਇਕ ਪਟੀਸ਼ਨ ਵੀ ਸੌਂਪੀ ਗਈ ਸੀ। ਨੂਨਾਰੀ ਦੀ ਪਤਨੀ ਨੇ ਸਿੰਧ ਹਾਈ ਕੋਰਟ ਵਿਚ ਪਟੀਸ਼ਨ ਦਾਇਰ ਕੀਤੀ ਹੈ, ਤਾਂ ਜੋ ਉਸ ਦੇ ਟਿਕਾਣੇ ਦਾ ਖ਼ੁਲਾਸਾ ਕੀਤਾ ਜਾਵੇ ਅਤੇ ਤੁਰੰਤ ਰਿਹਾਅ ਕੀਤਾ ਜਾਵੇ। ਇਸ ਤੋਂ ਪਹਿਲਾਂ, ਪਾਕਿਸਤਾਨੀ ਮੀਡੀਆ ਨੇ 11 ਜੁਲਾਈ ਨੂੰ ਲਾਰਕਾਣਾ ਅਤੇ ਸਿੰਧ ਦੇ ਹੋਰ ਹਿੱਸਿਆਂ ਵਿੱਚ ‘ਜੀਅ ਸਿੰਧ ਕੁਆਮੀ ਮਹਾਜ਼’ ਦੁਆਰਾ ਰੈਲੀਆਂ ਅਤੇ ਕਰਾਚੀ ਵਿੱਚ ਸੈਮੀਨਾਰਾਂ ਦੀ ਰਿਪੋਰਟ ਕੀਤੀ ਸੀ, ਜਿਸ ਵਿੱਚ ਬਹਿਰੀਆ ਕਸਬੇ ਦੇ ਪ੍ਰੋਜੈਕਟਾਂ ਲਈ ਠੱਟਾ ਖੇਤਰਾਂ ਸਮੇਤ ਸਿੰਧ ਸਰੋਤਾਂ ਅਤੇ ਜ਼ਮੀਨ ਦੀ ਕਥਿਤ ਤੌਰ ’ਤੇ ਕਬਜ਼ਾ ਕੀਤਾ ਗਿਆ ਸੀ। ਸੈਮੀਨਾਰ ਵਿਚ ਹਿੱਸਾ ਲੈਣ ਵਾਲੇ ਲੋਕਾਂ ਨੇ ਚਾਨਣਾ ਪਾਇਆ ਕਿ ਕਰਾਚੀ ਦੀ ਗਰੀਨ ਬੈਲਟ ਵੱਖ-ਵੱਖ ਰਿਹਾਇਸ਼ੀ ਪ੍ਰਾਜੈਕਟਾਂ ਕਾਰਨ ਖਤਰੇ ਵਿਚ ਸੀ, ਪਰ ਇਸ ਸਭ ਕਾਸੇ ਤੇ ਇਮਰਾਨ ਸਰਕਾਰ ਨੇ ਪੂਰੀ ਤਰਾਂ ਖਾਮੋਸ਼ੀ ਵੱਟੀ ਹੋਈ ਹੈ।