ਇਸਲਾਮਾਬਾਦ-ਭਾਰਤ ਨਾਲ ਸਰਹਦੀ ਤਣਾਅ ਦੇ ਦਰਮਿਆਨ ਪਾਕਿਸਤਾਨੀ ਫੌਜ ਨੇ ਜੰਗਬੰਦੀ ਸਮਝੌਤੇ ਬਾਰੇ ਫੇਰ ਅਜਿਹੀ ਟਿਪਣੀ ਕੀਤੀ ਹੈ ਕਿ ਵਿਵਾਦ ਮਘ ਸਕਦਾ ਹੈ, ਪਾਕਿਸਤਾਨੀ ਫੌਜ ਨੇ ਕਿਹਾ ਹੈ ਕਿ ਭਾਰਤ ਨਾਲ 2021 ‘ਚ ਹੋਈ ਜੰਗਬੰਦੀ ਸਮਝੌਤੇ ਨੂੰ ਇਕ ਹੀ ਤਾਕਤ ਜਾਂ ਦੂਜੇ ਦੀ ਕਮਜ਼ੋਰ ਦੇ ਰੂਪ ‘ਚ ਨਹੀਂ ਦੇਖਿਆ ਜਾਣਾ ਚਾਹੀਦਾ ਅਤੇ ਉਸ ਨੇ ਭਾਰਤੀ ਫੌਜ ਮੁਖੀ ਦੇ ਇਸ ਦਾਅਵੇ ਨੂੰ ‘ਗੁੰਮਰਾਹਕੁੰਨ’ ਦੱਸਿਆ ਕਿ ਜੰਗ ਬੰਦੀ ਇਸ ਲਈ ਜਾਰੀ ਹੈ ਕਿਉਂਕਿ ਭਾਰਤ ਨੇ ਬੇਹਦ ਮਜ਼ਬੂਤ ਸਥਿਤੀ ਨਾਲ ਗੱਲਬਾਤ ਕੀਤੀ। ਭਾਰਤ ਅਤੇ ਪਾਕਿਸਤਾਨ ਦੀਆਂ ਫੌਜਾਂ ਨੇ ਸਰਹੱਦ ‘ਤੇ ਤਣਾਅ ਘੱਟਣ ਦੇ ਮਕਸਦ ਤੋਂ ਬੀਤੇ ਸਾਲ 25 ਫ਼ਰਵਰੀ ਨੂੰ ਐਲਾਨ ਕੀਤਾ ਸੀ ਕਿ ਉਹ 2003 ਦੀ ਜੰਗ ਬੰਦੀ ਸਮਝੌਤੇ ‘ਤੇ ਵਚਨਬੱਧਤਾ ਜਤਾਉਂਦੇ ਹੋਏ ਕੰਟਰੋਲ ਰੇਖਾ (ਐੱਲ.ਓ.ਸੀ.) ਦੇ ਪਾਰ ਗੋਲੀਬਾਰੀ ਬੰਦ ਕਰ ਦੇਵੇਗੀ। ਪਾਕਿ ਫੌਜ ਦੇ ਬੁਲਾਰੇ ਮੇਜਰ ਜਨਰਲ ਬਾਬਰ ਇਫਤਿਖ਼ਾਰ ਦੀ ਇਹ ਟਿੱਪਣੀ ਭਾਰਤੀ ਫੌਜ ਮੁਖੀ ਜਨਰਲ ਐੱਮ.ਐੱਮ. ਨਰਵਣੇ ਦੇ ਨਵੀਂ ਦਿੱਲੀ ‘ਚ ਇਕ ਸੈਮੀਨਾਰ ਦੌਰਾਨ ਦਿੱਤੇ ਗਏ ਉਸ ਬਿਆਨ ਦੇ ਇਕ ਦਿਨ ਬਾਅਦ ਆਈ ਹੈ ਜਿਸ ‘ਚ ਉਨ੍ਹਾਂ ਨੇ ਪਾਕਿਸਤਾਨ ਨਾਲ ਕੰਟਰੋਲ ਰੇਖਾ ‘ਤੇ ਜੰਗ ਬੰਦੀ ਨੂੰ ਲੈ ਕੇ ਕਿਹਾ ਸੀ ਕਿ ਇਹ ਜਾਰੀ ਹੈ ਕਿਉਂਕਿ ਅਸੀਂ (ਭਾਰਤ ਨੇ ) ਮਜ਼ਬੂਤ ਸਥਿਤੀ ਨਾਲ ਗੱਲਬਾਤ ਕੀਤੀ ਹੈ। ਇਫਤਿਖ਼ਾਰ ਨੇ ਟਵਿੱਟਰ ‘ਤੇ ਲਿਖਿਆ ਕਿ ਭਾਰਤੀ ਫੌਜ ਮੁਖੀ ਦਾ ਇਹ ਦਾਅਵਾ ਗੁੰਮਰਾਹਕੁੰਨ ਹੈ ਕਿ ਐੱਲ.ਓ.ਸੀ. ‘ਤੇ ਜੰਗ ਬੰਦੀ ਇਸ ਲਈ ਜਾਰੀ ਹੈ ਕਿਉਂਕਿ ਉਨ੍ਹਾਂ ਨੇ ਬੇਹਦ ਮਜ਼ਬੂਤ ਸਥਿਤੀ ਨਾਲ ਗੱਲਬਾਤ ਕੀਤੀ। ਐੱਲ.ਓ.ਸੀ. ਦੇ ਦੋਵਾਂ ਪਾਸੇ ਰਹਿਣ ਵਾਲੇ ਕਸ਼ਮੀਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਪਾਕਿਸਤਾਨ ਦੀਆਂ ਚਿੰਤਾਵਾਂ ਦੇ ਕਾਰਨ ਹੀ ਜੰਗ ਬੰਦੀ ‘ਤੇ ਸਹਿਮਤੀ ਬਣੀ ਸੀ। ਕਿਸੇ ਵੀ ਪੱਖ ਨੂੰ ਇਸ ਨੂੰ ਆਪਣੀ ਤਾਕਤ ਅਤੇ ਦੂਜੇ ਦੀ ਕਮਜ਼ੋਰ ਦੇ ਰੂਪ ‘ਚ ਨਹੀਂ ਦੇਖਣਾ ਚਾਹੀਦਾ।
ਭਾਰਤ ਨਾਲ ਜੰਗਬੰਦੀ ਸਮਝੌਤਾ ਦੋਵਾਂ ਪੱਖਾਂ ਦੀ ਕਮਜ਼ੋਰੀ ਨਹੀਂ-ਪਾਕਿ ਫੌਜ

Comment here