ਪਾਕਿ ‘ਚ ਡਕੈਤਾਂ ਖ਼ਿਲਾਫ਼ ਰੋਸ ਪ੍ਰਦਰਸ਼ਨ ਕਰ ਰਹੇ ਹਿੰਦੂਆਂ ‘ਤੇ ਲਾਠੀਚਾਰਜ

ਸੱਕਰ-ਪਾਕਿਸਤਾਨ ‘ਚ ਹਿੰਦੂਆਂ ‘ਤੇ ਤਸ਼ੱਦਦ ਜਾਰੀ ਹੈ। ਪਾਕਿਸਤਾਨ ਦੇ ਙਕਸ਼ਸਧ ਅਤੇ ਕਾਸ਼ਮੋਰ ਖੇਤਰਾਂ ਵਿਚ ਡਕੈਤਾਂ ਦੁਆਰਾ ਫਿਰੌਤੀ ਲਈ ਘੱਟ ਗਿਣਤੀ ਹਿੰਦੂ ਭਾਈਚਾਰੇ ਦੇ ਮੈਬਰਾਂ ਵਿਸ਼ੇਸ਼ ਰੂਪ ਨਾਲ ਵਪਾਰੀਆਂ ਦੇ ਅਗਵਾਹ ਦੇ ਖ਼ਿਲਾਫ਼ ਸ਼ਾਂਤੀਪੂਰਨ ਵਿਰੋਧ ਪ੍ਰਦਰਸ਼ਨ ‘ਤੇ ਬੁੱਧਵਾਰ ਨੂੰ ਪੁਲਸ ਲਾਠੀਚਾਰਜ ਵਿਚ ਕਈ ਪ੍ਰਦਰਸ਼ਨਕਾਰੀ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਏ। ਪੁਲਸ ਦੀਆਂ ਲਾਠੀਆਂ ਨਾਲ ਉਨ੍ਹਾਂ ਦੇ ਸਿਰ ਫੱਟ ਗਏ , ਚੀਖ-ਚਿਹਾੜਾ ਮੱਚ ਗਿਆ ਅਤੇ ਲੋਕ ਲਹੂ-ਲੁਹਾਨ ਹੋ ਕੇ ਸੜਕਾਂ ਉੱਤੇ ਡਿੱਗ ਗਏ।
ਕੰਧਕੋਟ ਸ਼ਹਿਰ ਅਤੇ ਕਾਸ਼ਮੋਰ ਵਿਚ ਪੰਜਵੇਂ ਦਿਨ ਵੀ ਕੰਮ-ਕਾਜ ਪੂਰੀ ਤਰ੍ਹਾਂ ਬੰਦ ਰਿਹਾ ਅਤੇ ਨਵਾਬਸ਼ਾਹ, ਨੌਸ਼ਹਰੋਫਿਰੋਜ , ਸਕਰਾਂਦ ਵਿਚ ਰਾਸ਼ਟਰੀ ਰਾਜ ਮਾਰਗ ਨੂਰੀਬਾਦ , ਕਾਜੀ ਅਹਿਮਦ ਅਤੇ ਙਕਸ਼ਸਧ ਦੇ ਹੋਰ ਸ਼ਹਿਰਾਂ ਵਿਚ ਪ੍ਰਦਰਸ਼ਨ ਕੀਤੇ ਗਏ। ਧਰਨੇ ਦੇ ਕਾਰਨ ਪੰਜਵੇਂ ਦਿਨ ਵੀ ਆਵਾਜਾਈ ਬੰਦ ਰਹੀ ਜਿਸ ਨਾਲ ਮਾਲ ਟ੍ਰਾਂਸਪੋਰਟ ਕਰਨ ਵਾਲਿਆਂ ਨੂੰ ਲੱਖਾਂ ਦਾ ਨੁਕਸਾਨ ਹੋਇਆ। ਪ੍ਰਦਰਸ਼ਨਕਾਰੀਆਂ ਨੇ ਕੱਚਾ ਖੇਤਰ ਵੱਲੋਂ ਡਾਕੂਆਂ ਦਾ ਸਫਾਇਆ ਕਰਨ ਲਈ ਫ਼ੌਜੀ ਅਭਿਆਨ ਦੀ ਮੰਗ ਕੀਤੀ। ਜਦੋਂ ਪ੍ਰਦਰਸ਼ਨਕਾਰੀ ਡਕੈਤਾਂ ‘ਤੇ ਕਾਰਵਾਈ ਦੀ ਮੰਗ ਕਰ ਰਹੇ ਸਨ ਤਾਂ ਪੁਲਸ ਵੱਲੋਂ ਉਨ੍ਹਾਂ ‘ਤੇ ਬੇਰਹਿਮੀ ਨਾਲ ਲਾਠੀਚਾਰਜ ਕਰ ਦਿੱਤਾ ਗਿਆ। ਹੁਣ ਤਕ ਅਗਵਾ ਕੀਤੇ ਗਏ ਲੋਕਾਂ ਵਿਚੋਂ ਕੇਵਲ 3 ਜਗਦੀਸ਼ ਕੁਮਾਰ , ਜੈਦੀਪ ਅਤੇ ਡਾ . ਮੁਨੀਰ ਨਾਇਚ ਦੀ ਬਰਾਮਦਗੀ ਹੋਈ ਹੈ।