ਗੁਜਰਾਤ ‘ਚ ਡਿੱਗੇ ਦੁਰਲੱਭ ਉਲਕਾਪਿੰਡ!

ਗੁਜਰਾਤ ਵਿਚ ਹਾਲ ਹੀ ਵਿੱਚ ਡਿੱਗੇ ਉਲਕਾਪਿੰਡ, ਗ੍ਰਹਿਆਂ ਦੀਆਂ ਪ੍ਰਕਿਰਿਆਵਾਂ ਨੂੰ ਸਮਝਣ ਲਈ ਇੱਕ ਬਹੁਤ ਮਹੱਤਵਪੂਰਨ ਸਰੋਤ ਸਾਬਤ ਹੋ ਸਕਦੇ ਹਨ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਉਲਕਾਪਿੰਡ ਔਬ੍ਰਾਈਟ ਹੈ। ਉਨ੍ਹਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਉਲਕਾ ਦਾ ਨਿਰਮਾਣ ਸਾਡੇ ਸੌਰ ਮੰਡਲ ਬੇਹੱਦ ਘੱਟ ਪਾਏ ਜਾਣ ਵਾਲੇ ਬਹੁਤ ਹੀ ਦੁਰਲੱਭ ਪਿੰਡ ਤੋਂ ਹੋਇਆ ਹੈ।
ਇਹ ਉਲਕਾਪਿੰਡ 17 ਅਗਸਤ, 2022 ਨੂੰ ਗੁਜਰਾਤ ਦੇ ਦੇਵਦਰ ਤਾਲੁਕਾ ਵਿੱਚ ਡਿੱਗੇ ਸਨ ਅਤੇ ਇਸ ਕਾਰਨ ਇਨ੍ਹਾਂ ਨੂੰ ਦੇਵਦਰ ਉਲਕਾ ਦਾ ਨਾਂ ਦਿੱਤਾ ਗਿਆ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ, ਪਿੰਡ ਵਾਸੀਆਂ ਨੇ ਅਸਮਾਨ ‘ਚ ਇਸ ਦਾ ਕੋਈ ਨਿਸ਼ਾਨ ਨਹੀਂ ਦੇਖਿਆ, ਸਿਰਫ ਗਰਜ ਦੀ ਆਵਾਜ਼ ਸੁਣੀ, ਜੋ ਉਨ੍ਹਾਂ ਨੂੰ ਜਹਾਜ਼ ਦੇ ਕੋਲੋਂ ਲੰਘਣ ਵਾਂਗ ਲੱਗਾ। ਇਸ ਉਲਕਾ ਦਾ ਵੱਡਾ ਹਿੱਸਾ ਦੇਵਦਰ ਵਿੱਚ ਡਿੱਗਿਆ, ਜਦੋਂ ਕਿ ਦੂਜਾ ਨੇੜਲੇ ਪਿੰਡ ਰਾਵਲ ਵਿੱਚ ਡਿੱਗਿਆ। ਇੱਥੇ ਪਿੰਡ ਵਾਸੀਆਂ ਨੇ ਉਲਕਾ ਦੇ ਵੱਡੇ-ਵੱਡੇ ਟੁਕੜੇ ਇਕੱਠੇ ਕਰਕੇ ਭੌਤਿਕ ਖੋਜ ਪ੍ਰਯੋਗਸ਼ਾਲਾ ਦੇ ਵਿਗਿਆਨੀਆਂ ਨੂੰ ਸੌਂਪ ਦਿੱਤੇ। ਇਨ੍ਹਾਂ ਟੁਕੜਿਆਂ ਦਾ ਭਾਰ ਲਗਭਗ 200 ਗ੍ਰਾਮ ਸੀ।
ਇਨ੍ਹਾਂ ਨਮੂਨਿਆਂ ਦੇ ਵਿਸ਼ਲੇਸ਼ਣ ਤੋਂ ਪਤਾ ਲੱਗਾ ਹੈ ਕਿ ਇਹ ਉਲਕਾ ਔਬਰਾਇਟ ਦਾ ਇੱਕ ਦੁਰਲੱਭ ਨਮੂਨਾ ਸੀ। ਔਬਰਾਇਟ ਉਲਕਾ ਦੇ ਦੁਰਲੱਭ ਐਕੌਂਡ੍ਰਾਈਟ ਸਮੂਹ ਨਾਲ ਸਬੰਧਤ ਹੈ। ਔਬਰਾਈਟਸ ਵਿੱਚ ਸੋਡੀਅਮ, ਟਾਈਟੇਨੀਅਮ, ਮੈਂਗਨੀਜ਼, ਕ੍ਰੋਮੀਅਮ ਅਤੇ ਕੈਲਸ਼ੀਅਮ ਦੇ ਸਲਫਾਈਡ ਹੁੰਦੇ ਹਨ। ਇਹ ਸਾਰੇ ਲਿਥੋਫਾਈਲ ਤੱਤ ਹਨ। ਇਹ ਵਿਸ਼ਲੇਸ਼ਣ ਕਰੰਟ ਸਾਇੰਸ ਜਰਨਲ ਵਿੱਚ ਪ੍ਰਕਾਸ਼ਿਤ ਕੀਤਾ ਗਿਆ ਹੈ। ਇਹ ਦੱਸਦਾ ਹੈ ਕਿ ਉਲਕਾ ਦੇ ਹੋਰ ਅਧਿਐਨ ਸਾਨੂੰ ਗ੍ਰਹਿ ਪ੍ਰਕਿਰਿਆਵਾਂ ਨੂੰ ਸਮਝਣ ਵਿੱਚ ਮਦਦ ਕਰ ਸਕਦੇ ਹਨ। ਦੱਸ ਦਈਏ ਕਿ ਔਬਰਾਈਟ ਮੀਟੋਰਾਈਟ ਭਾਰਤ ਵਿੱਚ ਇੱਕ ਦੁਰਲੱਭ ਵਸਤੂ ਹੈ। ਪਿਛਲੀ ਵਾਰ 1852 ਵਿੱਚ ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਵਿੱਚ ਅਜਿਹਾ ਇੱਕ ਉਲਕਾ ਡਿੱਗਿਆ ਸੀ। ਇਸ ਤੋਂ ਬਾਅਦ ਭਾਰਤ ਵਿੱਚ ਔਬਰਾਈਟ ਡਿੱਗਣ ਦੀ ਇਹ ਦੂਜੀ ਘਟਨਾ ਹੈ।