ਮਹਾਰਾਸ਼ਟਰ-ਭਾਰਤ ‘ਚ ਸੋਨੇ ਦੀ ਕੀਮਤਾਂ ਨੇ ਰਿਕਾਰਡ ਤੋੜਨਾ ਸ਼ੁਰੂ ਕਰ ਦਿੱਤਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਹਰ ਜੇਬ ‘ਤੇ ਭਾਰੀ ਪੈਣ ਵਾਲਾ ਇਹ ਸੋਨਾ ਕਦੇ ਇਕ ਚਾਕਲੇਟ ਦੀ ਕੀਮਤ ‘ਚ ਮਿਲ ਜਾਂਦਾ ਸੀ। ਯਕੀਨ ਨਹੀਂ ਆਉਂਦਾ ਤਾਂ 60 ਸਾਲ ਪੁਰਾਣਾ ਬਿੱਲ ਦੇਖ ਲਓ। 60 ਸਾਲ ਪੁਰਾਣੇ ਗਹਿਣਿਆਂ ਦਾ ਬਿੱਲ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਸੋਨੇ ਦੀ ਕੀਮਤ ਦੇਖ ਕੇ ਤੁਹਾਨੂੰ ਯਕੀਨ ਨਹੀਂ ਹੋਵੇਗਾ। ਜਦੋਂ ਮਹਾਰਾਸ਼ਟਰ ਵਿਚ ਇਕ ਗਹਿਣਿਆਂ ਦੀ ਦੁਕਾਨ ਦੇ 1959 ਦੇ ਬਿੱਲ ਵਿਚ ਸੋਨੇ-ਚਾਂਦੀ ਦੀ ਕੀਮਤ ਚਾਕਲੇਟ ਦੀ ਕੀਮਤ ਤੋਂ ਘੱਟ ਦਿੱਸੀ ਤਾਂ ਲੋਕ ਹੈਰਾਨ ਰਹਿ ਗਏ। ਬਿਲ ਦੀ ਫੋਟੋ ਵਾਇਰਲ ਹੋ ਗਈ ਹੈ। 1959 ਦਾ ਇਕ ਗਹਿਣਿਆਂ ਦਾ ਬਿੱਲ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ। ਜਿਸ ਵਿੱਚ ਇੱਕ ਤੋਲੇ ਸੋਨੇ ਦਾ ਬਿੱਲ ਦੇਖ ਕੇ ਲੋਕ ਹੈਰਾਨ ਰਹਿ ਗਏ। ਬਿੱਲ ਵਿੱਚ ਇੱਕ ਤੋਲੇ ਸੋਨੇ ਦੀ ਕੀਮਤ ਸਿਰਫ਼ 113 ਰੁਪਏ ਸੀ ਅਤੇ ਅੱਜ ਇੱਕ ਆਮ ਚਾਕਲੇਟ ਇੰਨੇ ਵਿਚ ਮਿਲਦੀ ਹੈ।
ਵਾਇਰਲ ਬਿੱਲ ਮਹਾਰਾਸ਼ਟਰ ਦੇ ਵਾਮਨ ਨਿੰਬਾਜੀ ਅਸ਼ਤੇਕਰ ਨਾਮ ਦੀ ਦੁਕਾਨ ਦਾ ਹੈ। ਜਿਸ ਵਿੱਚ ਸੋਨੇ ਦੇ ਨਾਲ ਚਾਂਦੀ ਦਾ ਬਿੱਲ ਵੀ ਦਿੱਤਾ ਜਾਂਦਾ ਹੈ। ਗਹਿਣਿਆਂ ਦਾ ਬਿੱਲ 3 ਮਾਰਚ 1959 ਦਾ ਹੈ, ਜੋ ਸ਼ਿਵਲਿੰਗ ਆਤਮਾਰਾਮ ਦੇ ਨਾਂ ‘ਤੇ ਹੈ। ਜਿਸ ਨੇ ਦਹਾਕੇ ਪਹਿਲਾਂ 113 ਰੁਪਏ ਵਿੱਚ ਸੋਨਾ ਖਰੀਦਿਆ ਸੀ। ਨਾਲ ਹੀ ਚਾਂਦੀ ਵੀ ਖਰੀਦੀ ਸੀ। ਜਿਸ ਸਮੇਤ ਉਸ ਦਾ ਕੁੱਲ ਬਿੱਲ 909 ਰੁਪਏ ਸੀ। ਇੰਨੇ ‘ਚ ਤਾਂ ਅੱਜ ਸੋਨਾ ਖਰੀਦਣ ਦੀ ਕਲਪਨਾ ਕਰਨਾ ਵੀ ਸੰਭਵ ਨਹੀਂ ਹੈ। ਮਾਹਿਰਾਂ ਮੁਤਾਬਕ ਜਲਦੀ ਹੀ ਸੋਨਾ 60 ਹਜ਼ਾਰ ਨੂੰ ਪਾਰ ਕਰਨ ਜਾ ਰਿਹਾ ਹੈ।
Comment here