ਅਪਰਾਧਖਬਰਾਂਦੁਨੀਆ

ਹੜ੍ਹ ਦੀ ਕਵਰੇਜ ਦੌਰਾਨ ਕਰ ਰਹੇ ਵਿਦੇਸ਼ੀ ਪੱਤਰਕਾਰਾਂ ਨਾਲ ਚੀਨ ਚ ਬਦਸਲੂਕੀ

ਬੀਜਿੰਗ- ਚੀਨ ਦੇ ਮੱਧ ਸੂਬੇ ਹੈਨਾਨ ‘ਚ ਰਿਕਾਰਡ ਮੀਂਹ ਨਾਲ ਹਾਲ ਸੈਂਕੜੇ ਲੋਕ ਉਜੜ ਗਏ ਤੇ 1.22 ਬਿਲੀਅਨ ਯੂਆਨ ਤੋਂ ਜ਼ਿਆਦਾ ਦਾ ਆਰਥਿਕ ਨੁਕਸਾਨ ਹੋਇਆ ਹੈ। ਇਸ ਦੌਰਾਨ ਚੀਨੀ ਲੋਕ ਵਿਦੇਸ਼ੀ ਪੱਤਰਕਾਰਾਂ ਨੂੰ ਆਪਣਾ ਕੰਮ ਕਰਨ ਤੋਂ ਰੋਕ ਰਹੇ ਹਨ। ਇੱਥੇ ਹੜ੍ਹ ਦੀ ਕਵਰੇਜ ਲਈ ਵਿਦੇਸ਼ੀ ਮੀਡੀਆ ‘ਤੇ ਨਿਸ਼ਾਨਾ ਵੰਨ੍ਹਣ ਤੋਂ ਬਾਅਦ ਉੱਥੋ ਦੇ ਨਾਗਰਿਕਾਂ ਨੇ ਹੈਨਾਨ ਸੂਬੇ ਦੇ ਝੇਝੌ ਸ਼ਹਿਰ ਦੀਆਂ ਸੜਕਾਂ ‘ਤੇ ਕਈ ਅੰਤਰਰਾਸ਼ਟਰੀ ਮੀਡੀਆ ਆਊਟਲੈਟਸ ਦੇ ਪੱਤਰਕਾਰਾਂ ਨੂੰ ਪਰੇਸ਼ਾਨ ਕੀਤਾ ਹੈ। ਹਾਂਗਕਾਂਗ ਫ੍ਰੀ ਪ੍ਰੈੱਸ ਦੀ ਇਕ ਰਿਪੋਰਟ ਮੁਤਾਬਕ ਚੀਨੀ ਸੋਸ਼ਲ ਮੀਡੀਆ ਪਲੇਟਫਾਰਮ ਵੀਬੋ ਵਿਦੇਸ਼ੀ ਪੱਤਰਕਾਰਾਂ ਦੀ ਕਵਰੇਜ ਦੀ ਆਲੋਚਨਾ ਕਰਨ ਵਾਲੇ ਗੁੱਸੇ ਵਾਲੀਆਂ ਪੋਸਟਾਂ ਨਾਲ ਭਰਿਆ ਹੋਇਆ ਸੀ। ਆਲੋਚਨਾ ਮੁੱਖ ਰੂਪ ਨਾਲ ਬੀਬੀਸੀ ਦੇ ਚੀਨੀ ਪੱਤਰਕਾਰ ਰਾਬਿਨ ਬ੍ਰਾਂਟ ਦੀ ਇਕ ਰਿਪੋਰਟ ਲਈ ਕੀਤੀ ਗਈ ਸੀ ਜਿਸ ‘ਚ ਹੜ੍ਹ ਦੌਰਾਨ ਇਕ ਟ੍ਰੇਨ ਦੇ ਡਿੱਬੇ ‘ਚ ਇਕ ਦਰਜਨ ਲੋਕਾਂ ਦੀ ਮੌਤ ਤੋਂ ਬਾਅਦ ਸਰਕਾਰ ਦੀਆਂ ਨੀਤੀਆਂ ‘ਤੇ ਸਵਾਲ ਚੁੱਕਿਆ। ਬ੍ਰਾਂਟ ਨੇ ਪਿਛਲੇ ਸ਼ੁੱਕਰਵਾਰ ਨੂੰ ਇਕ ਰਿਪੋਰਟ ‘ਚ ਕਿਹਾ ਸੀ ਅਸੀਂ ਨਹੀਂ ਜਾਣਦੇ ਕਿ ਉਨ੍ਹਾਂ ਨੇ ਇਸ ਤਰ੍ਹਾਂ ‘ਚ ਕਿਉਂ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਬੀਜਿੰਗ ਨੂੰ ਹੋਰ ਸਥਾਨਕ ਸਰਕਾਰਾਂ ਨੂੰ ਆਪਣੀਆਂ ਤਿਆਰੀਆਂ ਤੇ ਮੈਟਰੋ ਨਿਯਮਾਂ ਦੀ ਜਾਂਚ ਕਰਨ ਲਈ ਕਹਿਣਾ ਚਾਹੀਦਾ ਹੈ। ਅਗਲੇ ਦਿਨ ਐਲ ਏ ਟਾਈਮਜ਼ ਲਈ ਬੀਜਿੰਗ ਬਿਊਰੋ ਚੀਫ ਏਲਿਸ ਸੂ ਤੇ ਡਿਊਸ ਵੇਲੇ ਦੇ ਚੀਨ ਦੀ ਪੱਤਰਕਾਰ ਮਾਥਿਆਸ ਬੋਲਿੰਗਰ ਨੂੰ ਗੁੱਸੇ ‘ਚ ਆਈ ਭੀੜ ਨੇ ਘੇਰ ਲਿਆ ਜੋ ਗਲਤੀ ਨਾਲ ਬੋਲਿੰਗਰ ਨੂੰ ਬ੍ਰਾਂਟ ਮੰਨਣ ਲੱਗ ਪਏ ਸੀ। ਬੋਲਿੰਗਰ ਨੇ ਦੱਸਿਆ ਕਿ ਉਹ ਮੈਨੂੰ ਧੱਕਾ ਦਿੰਦੇ ਰਹੇ ਤੇ ਚਿਲਾਉਂਦੇ ਰਹੇ ਕਿ ਮੈਂ ਇਕ ਬੁਰਾ ਆਦਮੀ ਹਾਂ ਤੇ ਮੈਂ ਚੀਨ ਨੂੰ ਬਦਨਾਮ ਕਰਨਾ ਬੰਦ ਕਰ ਦੇਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਅਲ ਜਜੀਰਾ ਤੇ ਐਸੋਸੀਏਟਿਡ ਪ੍ਰੈਸ ਦੇ ਪੱਤਰਕਾਰਾਂ ਨੂੰ ਵੀ ਭੀੜ ਦੁਆਰਾ ਪਰੇਸ਼ਾਨ ਕੀਤੇ ਜਾਣ ਬਾਰੇ ਟਵੀਟ ਕੀਤਾ ਜਿਨ੍ਹਾਂ ਨੇ ਉਨ੍ਹਾਂ ਦਾ ਵੀਡੀਓ ਲਿਆ ਤੇ ਅਧਿਕਾਰੀਆਂ ਨੂੰ ਫੋਨ ਕੀਤਾ। ਅਲ ਜਜੀਰਾ ਦੀ ਕੈਟਰੀਨਾ ਯੂ ਨੇ ਟਵੀਟ ਕੀਤਾ ਕਿ ਇਹ ਘਟਨਾਵਾਂ ਚੀਨ ‘ਚ ਵਿਦੇਸ਼ੀ ਮੀਡੀਆ ਦੇ ਪ੍ਰਤੀ ਵਧਦੇ ਗੁੱਸੇ ਤੇ ਸ਼ੱਕ ਦਾ ਇਕ ਦੁਖੀ ਸੰਕੇਤ ਹੈ।

Comment here