ਅਪਰਾਧਸਿਆਸਤਖਬਰਾਂਦੁਨੀਆ

ਗਵਾਦਰ ‘ਚ ਆਰਥਿਕ ਗਲਿਆਰੇ ਖਿਲਾਫ ਚੀਨ-ਪਾਕਿ ਖਿਲਾਫ ਪ੍ਰਦਰਸ਼ਨ

ਇਮਰਾਨ ਸਰਕਾਰ ਨੇ ਹਜ਼ਾਰਾਂ ਪੁਲਸ ਬਲ ਤਾਇਨਾਤ ਕੀਤੇ
ਪੇਸ਼ਾਵਰ-ਬਲੋਚਿਸਤਾਨ ‘ਚ ਪਾਕਿਸਤਾਨ ਅਤੇ ਚੀਨ ਖਿਲਾਫ ਲੋਕਾਂ ਦਾ ਵਿਰੋਧ ਵਧਦਾ ਜਾ ਰਿਹਾ ਹੈ ਅਤੇ ਇਸ ਦਾ ਸਭ ਤੋਂ ਵੱਧ ਬੋਲਬਾਲਾ ਗਵਾਦਰ ‘ਚ ਦੇਖਣ ਨੂੰ ਮਿਲ ਰਿਹਾ ਹੈ।ਇੱਥੇ ਇੱਕ ਮਹੀਨੇ ਤੋਂ ਚੱਲ ਰਹੇ ਪ੍ਰਦਰਸ਼ਨਾਂ ਨੇ ਇਮਰਾਨ ਖਾਨ ਸਰਕਾਰ ਦੀ ਖਿੱਚੋਤਾਣ ਵਧਾ ਦਿੱਤੀ ਹੈ।ਇਸ ਦੌਰਾਨ ਪਾਕਿਸਤਾਨ ਸਰਕਾਰ ਨੇ ਇਲਾਕੇ ਵਿੱਚ ਹਜ਼ਾਰਾਂ ਵਾਧੂ ਪੁਲਿਸ ਬਲ ਤਾਇਨਾਤ ਕਰ ਦਿੱਤੇ ਹਨ।ਇਸ ਵਿੱਚ ਹੇਠਲੇ ਪੱਧਰ ਦੇ ਕਰਮਚਾਰੀਆਂ ਤੋਂ ਇਲਾਵਾ ਡਿਪਟੀ ਸੁਪਰਡੈਂਟ ਆਫ਼ ਪੁਲਿਸ (ਡੀਐਸਪੀ) ਅਤੇ ਸਟੇਸ਼ਨ ਹਾਊਸ ਅਫ਼ਸਰ (ਐਸਐਚਓ) ਸ਼ਾਮਲ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ ਗਵਾਦਰ ‘ਚ ਬੈਸਟ ਐਂਡ ਰੋਡ ਨਾਲ ਜੁੜੇ ਚੀਨ-ਪਾਕਿਸਤਾਨ ਆਰਥਿਕ ਗਲਿਆਰੇ ਦੇ ਖਿਲਾਫ ਸਥਾਨਕ ਲੋਕਾਂ ਦਾ ਗੁੱਸਾ ਭੜਕ ਗਿਆ ਹੈ।ਬਲੋਚਿਸਤਾਨ ਸੂਬੇ ਦੇ ਬੰਦਰਗਾਹ ਸ਼ਹਿਰ ‘ਚ ਹਜ਼ਾਰਾਂ ਲੋਕ ਪਿਛਲੇ ਕਈ ਹਫਤਿਆਂ ਤੋਂ ਮੌਲਿਕ ਅਧਿਕਾਰਾਂ ਦੇ ਸਮਰਥਨ ‘ਚ ਆਪਣੀਆਂ ਮੰਗਾਂ ਉਠਾ ਰਹੇ ਹਨ।ਇਸ ਸ਼ਹਿਰ ਵਿੱਚ ਲੋਕ ‘ਗਵਾਦਰ ਕੋ ਹੱਕ ਦੋ’ ਦੇ ਨਾਅਰੇ ਲਗਾ ਰਹੇ ਹਨ।ਸਥਾਨਕ ਨਿਵਾਸੀ, ਸਿਵਲ ਸੋਸਾਇਟੀ ਕਾਰਕੁਨ, ਵਕੀਲ, ਪੱਤਰਕਾਰਾਂ ਸਮੇਤ ਔਰਤਾਂ ਪਿਛਲੇ ਮਹੀਨੇ ਤੋਂ ਗਵਾਦਰ ਵਿੱਚ ਬੇਲੋੜੀਆਂ ਚੌਕੀਆਂ, ਪਾਣੀ ਅਤੇ ਬਿਜਲੀ ਦੀ ਭਾਰੀ ਕਿੱਲਤ ਅਤੇ ਰੋਜ਼ੀ-ਰੋਟੀ ਨੂੰ ਖ਼ਤਰੇ ਦੇ ਖਿਲਾਫ ਵੱਡੇ ਪੱਧਰ ‘ਤੇ ਵਿਰੋਧ ਪ੍ਰਦਰਸ਼ਨ ਅਤੇ ਧਰਨਾ ਦੇ ਰਹੇ ਹਨ।
ਗਵਾਦਰ ਦੇ ਲੋਕਾਂ ਨੇ ਇਨ੍ਹਾਂ ਯੋਜਨਾਵਾਂ ਨੂੰ ਰੱਦ ਕਰਦਿਆਂ ਕਿਹਾ ਕਿ ਸੀਪੀਈਸੀ ਦਾ ਮੁੱਖ ਉਦੇਸ਼ ਸਥਾਨਕ ਲੋਕਾਂ ਨੂੰ ਹੌਲੀ-ਹੌਲੀ ਉਥੋਂ ਹਟਾ ਕੇ ਪੰਜਾਬੀਆਂ ਅਤੇ ਚੀਨੀਆਂ ਨੂੰ ਵੱਡੇ ਪੱਧਰ ‘ਤੇ ਵਸਾਉਣਾ ਹੈ।ਧਿਆਨ ਯੋਗ ਹੈ ਕਿ ਇਹ ਸਕੀਮ 2015 ਵਿੱਚ $46 ਬਿਲੀਅਨ ਸੀਪੀਈ ਦੀ ਸ਼ੁਰੂਆਤ ਤੋਂ ਬਾਅਦ ਵਿਵਾਦਾਂ ਵਿੱਚ ਹੈ।ਜਵਾਬ ਵਿੱਚ ਬਲੋਚਿਸਤਾਨ ਵਿੱਚ ਹਜ਼ਾਰਾਂ ਵਾਧੂ ਪੁਲਿਸ ਬਲ ਭੇਜੇ ਜਾ ਰਹੇ ਹਨ।

Comment here