ਅਪਰਾਧਸਿਆਸਤਖਬਰਾਂ

ਇਮਰਾਨ ਖਾਨ ਦੀ ਕਤਲ ਕੇਸ ‘ਚ ਅਗਾਊਂ ਜ਼ਮਾਨਤ ਮਨਜ਼ੂਰ

ਲਾਹੌਰ-ਇਥੋਂ ਦੇ ਅਦਾਲਤ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਮੰਗਲਵਾਰ ਨੂੰ ਲਾਹੌਰ ਹਾਈ ਕੋਰਟ ਵਿਚ ਪੇਸ਼ ਹੋਏ, ਜਿਸ ਨੇ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀਟੀਆਈ) ਦੇ ਇਕ ਵਰਕਰ ਦੇ ਕਤਲ ਮਾਮਲੇ ਵਿਚ ਉਨ੍ਹਾਂ ਦੀ ਅਗਾਊਂ ਜ਼ਮਾਨਤ ਮਨਜ਼ੂਰ ਕਰ ਲਈ। ਮਾਰਚ ਵਿੱਚ ਪੰਜਾਬ ਪੁਲਸ ਨੇ ਖਾਨ (70) ‘ਤੇ ਅਲੀ ਬਿਲਾਲ ਉਰਫ ਜ਼ੀਲੇ ਸ਼ਾਹ ਦੀ ਮੌਤ ਬਾਰੇ “ਤੱਥਾਂ ਅਤੇ ਸਬੂਤਾਂ ਨੂੰ ਦਬਾਉਣ” ਦਾ ਦੋਸ਼ ਲਗਾਉਂਦੇ ਹੋਏ ਕਤਲ ਦਾ ਮਾਮਲਾ ਦਰਜ ਕੀਤਾ ਸੀ। ਖ਼ਾਨ ਸਖ਼ਤ ਸੁਰੱਖਿਆ ਵਿਚਕਾਰ ਹਾਈ ਕੋਰਟ ਵਿੱਚ ਪੇਸ਼ ਹੋਏ।
ਅਦਾਲਤ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਲਾਹੌਰ ਹਾਈ ਕੋਰਟ ਦੇ ਜਸਟਿਸ ਅਨਵਾਰੁਲ ਹੱਕ ਪੰਨੂ ਨੇ ਖਾਨ ਦੀ ਪਾਰਟੀ ਪੀਟੀਆਈ ਕਾਰਕੁਨ ਅਲੀ ਬਿਲਾਲ ਉਰਫ ਜ਼ੀਲੇ ਸ਼ਾਹ ਦੇ ਕਤਲ ਕੇਸ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਦੀ ਅਗਾਊਂ ਜ਼ਮਾਨਤ ‘ਤੇ ਆਪਣੀ ਮੋਹਰ ਲਗਾ ਦਿੱਤੀ ਹੈ। ਖਾਨ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਜ਼ਿਲੇ ਸ਼ਾਹ ਦੀ ਮੌਤ ਪੁਲਸ ਹਿਰਾਸਤ ‘ਚ ਤਸ਼ੱਦਦ ਕਾਰਨ ਹੋਈ ਕਿਉਂਕਿ ਪੋਸਟਮਾਰਟਮ ਰਿਪੋਰਟ ‘ਚ ਉਸ ਦੇ ਸਰੀਰ ‘ਤੇ ਸੱਟਾਂ ਦੇ 26 ਨਿਸ਼ਾਨ ਮਿਲੇ ਹਨ।
ਪੀਟੀਆਈ ਮੁਖੀ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਪੁਲਸ ਨੇ ਬਾਅਦ ਵਿੱਚ ਖਾਨ ‘ਤੇ ਕਰਮਚਾਰੀ ਦੀ ਮੌਤ ਨਾਲ ਸਬੰਧਤ “ਤੱਥ ਅਤੇ ਸਬੂਤ” ਲੁਕਾਉਣ ਦਾ ਦੋਸ਼ ਲਗਾਇਆ। ਅਧਿਕਾਰੀ ਨੇ ਕਿਹਾ ਕਿ ”ਦੋਵਾਂ ਪੱਖਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ ਜੱਜ ਨੇ ਖਾਨ ਦੀ ਜ਼ਮਾਨਤ ਦੀ ਪੁਸ਼ਟੀ ਕਰ ਦਿੱਤੀ। ਪੁਲਸ ਨੇ ਸ਼ਾਹ ਦੇ ਕਤਲ ਦੇ ਸਬੰਧ ਵਿੱਚ ਖਾਨ ਅਤੇ ਕੁਝ ਹੋਰ ਪੀਟੀਆਈ ਮੈਂਬਰਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਸੀ। ਹਾਲਾਂਕਿ ਬਾਅਦ ਵਿੱਚ ਪੰਜਾਬ ਪੁਲਸ ਅਤੇ ਕੇਅਰਟੇਕਰ ਸਰਕਾਰ ਨੇ ਦਾਅਵਾ ਕੀਤਾ ਕਿ ਉਹ ਇੱਕ ਸੜਕ ਹਾਦਸੇ ਵਿੱਚ ਮਾਰਿਆ ਗਿਆ ਸੀ।

Comment here