ਹਿੰਦੂ ਧੀਆਂ ਨੂੰ ਸ਼ਰਧਾ ਕਤਲਕਾਂਡ ਤੋਂ ਸੇਧ ਲੈਣ ਦੀ ਲੋੜ-ਸਾਕਸ਼ੀ ਮਹਾਰਾਜ

ਲਖਨਊ–ਉੱਨਾਵ ਤੋਂ ਭਾਜਪਾ ਪਾਰਟੀ ਦੇ ਸੰਸਦ ਮੈਂਬਰ ਸਾਕਸ਼ੀ ਮਹਾਰਾਜ ਨੇ ਸ਼ਰਧਾ ਕਤਲਕਾਂਡ ਨੂੰ ਲੈ ਕੇ ਕਿਹਾ ਕਿ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਬਹੁਤ ਦੀ ਬਦਕਿਸਮਤੀਪੂਰਨ ਹਨ। ਉਨ੍ਹਾਂ ਕਿਹਾ ਕਿ ਇਹੋ ਜਿਹੀਆਂ ਘਟਨਾਵਾਂ ਉਦੋਂ ਵਾਪਰ ਰਹੀਆਂ ਹਨ, ਜਦੋਂ ਕੇਂਦਰ ’ਚ ਮੋਦੀ ਦੀ ਸਰਕਾਰ ਹੈ। ਲੋਕਾਂ ’ਚ ਸਰਕਾਰ ਦਾ ਖ਼ੌਫ ਹੋਣਾ ਚਾਹੀਦਾ ਹੈ। ਮੈਨੂੰ ਲੱਗਦਾ ਹੈ ਕਿ ਕਾਤਲ ਨੂੰ ਅਜਿਹੀ ਸਜ਼ਾ ਮਿਲਣੀ ਚਾਹੀਦੀ ਹੈ ਕਿ ਫਿਰ ਕੋਈ ਅਜਿਹੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਦੀ ਹਿੰਮਤ ਵੀ ਨਾ ਸਕੇ।
ਸਾਕਸ਼ੀ ਮਹਾਰਾਜ ਨੇ ਕਿਹਾ ਕਿ ਸ਼ਰਧਾ ਦੇ 35 ਟੁਕੜੇ ਹੋਏ, ਜੇਕਰ ਕਿਸੇ ਹੋਰ ਧਰਮ ਦੀ ਔਰਤ ਨਾਲ ਅਜਿਹਾ ਹੋਇਆ ਹੁੰਦਾ ਤਾਂ ਦੁਨੀਆ ਦੇ ਸੈਂਕੜੇ ਦੇਸ਼ ਉਸ ਦੇ ਸਮਰਥਨ ’ਚ ਖੜ੍ਹੇ ਹੋ ਜਾਂਦੇ। ਉੱਥੇ ਹੀ ਵਿਰੋਧੀ ਧਿਰ ’ਤੇ ਵਰ੍ਹਦੇ ਹੋਏ ਸਾਕਸ਼ੀ ਮਹਾਰਾਜ ਨੇ ਕਿਹਾ ਕਿ ਇਸ ਘਟਨਾ ਤੋਂ ਬਾਅਦ ਸਾਰਿਆਂ ਨੂੰ ਸੱਪ ਸੁੰਘ ਗਿਆ ਹੈ। ਰਾਹੁਲ ਗਾਂਧੀ, ਮਮਤਾ ਬੈਨਰਜੀ, ਅਖਿਲੇਸ਼ ਯਾਦਵ ਅਤੇ ਕੇਜਰੀਵਾਲ ਇਸ ਮਾਮਲੇ ’ਚ ਮੌਨ ਹਨ। ਸਾਕਸ਼ੀ ਮਹਾਰਾਜ ਨੇ ਇਹ ਵੀ ਕਿਹਾ ਕਿ ਮੈਂ ਹਿੰਦੂ ਧੀਆਂ ਨੂੰ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਉਹ ਇਹ ਨਾ ਸੋਚਣ ਕਿ ਸਾਡਾ ਵਾਲਾ ਤਾਂ ਅਬਦੁੱਲ ਹੈ, ਉਹ ਕਦੇ ਆਫਤਾਬ ਨਹੀਂ ਹੋ ਸਕਦਾ। ਜੋ ਆਪਣੇ ਮਾਂ-ਪਿਓ ਦੇ ਨਹੀਂ ਹੋਏ ਉਹ ਸਾਡੇ ਨਹੀਂ ਹੋ ਸਕਦੇ, ਇਸ ਲਈ ਧੀਆਂ ਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ।
ਦੱਸ ਦਈਏ ਕਿ ਦਿੱਲੀ ਦੇ ਮਹਿਰੌਲੀ ਇਲਾਕੇ ’ਚ ਇਕ ਭਿਆਨਕ ਘਟਨਾ ’ਚ ਇਕ ਸ਼ਖ਼ਸ ਨੇ ਕਥਿਤ ਤੌਰ ’ਤੇ ਆਪਣੀ ਲਿਵ-ਇਨ ਪਾਰਟਨਰ ਸ਼ਰਧਾ ਵਾਕਰ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ ਅਤੇ ਉਸ ਦੀ ਲਾਸ਼ ਦੇ 35 ਟੁਕੜੇ ਕਰ ਦਿੱਤੇ। ਸ਼ਰਧਾ ਦੀ ਲਾਸ਼ ਨੂੰ ਕਰੀਬ 300 ਲਿਟਰ ਸਮਰੱਥਾ ਵਾਲੇ ਫਰਿੱਜ ’ਚ ਰੱਖਿਆ ਗਿਆ। ਦੋਸ਼ੀ ਪ੍ਰੇਮੀ ਨੇ ਲਾਸ਼ ਦੇ ਟੁਕੜੇ ਰਾਸ਼ਟਰੀ ਰਾਜਧਾਨੀ ਦੇ ਵੱਖ-ਵੱਖ ਹਿੱਸਿਆਂ ’ਚ ਸੁੱਟੇ। ਇਹ ਘਿਨਾਉਣੀ ਘਟਨਾ ਆਫਤਾਬ ਅਮੀਨ ਪੂਨਾਵਾਲਾ ਦੀ ਗ੍ਰਿਫਤਾਰੀ ਤੋਂ 6 ਮਹੀਨੇ ਬਾਅਦ ਸਾਹਮਣੇ ਆਈ ਹੈ।