ਹਨੀ ਟਰੈਪ ਲਈ ਵਰਤੀਆਂ ਜਾਂਦੀਆਂ ਨੇ ਪਾਕਿ ਅਦਾਕਾਰਾਂ : ਮੇਜਰ ਆਦਿਲ

ਇਸਲਾਮਾਬਾਦ-ਸਮਾਂ ਟੀ. ਵੀ. ਦੀ ਰਿਪੋਰਟ ਮੁਤਾਬਕ ਇਕ ਸੇਵਾ-ਮੁਕਤ ਪਾਕਿਸਤਾਨੀ ਫੌਜੀ ਅਧਿਕਾਰੀ ਤੇ ਯੂਟਿਊਬਰ ਨੇ ਦੋਸ਼ ਲਗਾਇਆ ਹੈ ਕਿ ਦੇਸ਼ ਦੇ ਸ਼ਕਤੀਸ਼ਾਲੀ ਸੰਸਥਾਨ ਵਲੋਂ ਕੁਝ ਅਦਾਕਾਰਾਂ ਦੀ ਵਰਤੋਂ ਹਨੀ ਟਰੈਪ ਲਈ ਕੀਤੀ ਜਾਂਦੀ ਹੈ।ਪਾਕਿਸਤਾਨੀ ਅਦਾਕਾਰਾ ਸਜਲ ਏਲੀ ਨੇ ਸਾਬਕਾ ਫੌਜੀ ਵਲੋਂ ਉਨ੍ਹਾਂ ਤੇ ਕੁਝ ਹੋਰ ਅਦਾਕਾਰਾਂ ਖ਼ਿਲਾਫ਼ ਸਪੱਸ਼ਟ ਤੌਰ ’ਤੇ ਘਿਣਾਉਣਾ ਦੋਸ਼ ਲਗਾਏ ਜਾਣ ਤੋਂ ਬਾਅਦ ਉਨ੍ਹਾਂ ਦੇ ਕਿਰਦਾਰ ਦਾ ਸ਼ੋਸ਼ਣ ਕਰਨ ਵਾਲੇ ਸੋਸ਼ਲ ਮੀਡੀਆ ਪੋਸਟ ਦਾ ਜਵਾਬ ਦਿੱਤਾ ਹੈ। ਸੇਵਾ-ਮੁਕਤ ਫੌਜੀ ਅਧਿਕਾਰੀ ਮੇਜਰ ਆਦਿਲ ਰਾਜਾ ‘ਸੋਲਜਰ ਸਪੀਕਸ’ ਨਾਂ ਨਾਲ ਇਕ ਯੂਟਿਊਬ ਚੈਨਲ ਚਲਾਉਂਦੇ ਹਨ, ਜਿਸ ਦੇ 2,90,000 ਤੋਂ ਜ਼ਿਆਦਾ ਸਬਸਕ੍ਰਾਈਬਰਜ਼ ਹਨ। ਉਨ੍ਹਾਂ ਨੇ ਇਕ ਬਲਾਗ ਜਾਰੀ ਕੀਤਾ ਸੀ, ਜਿਸ ਤੋਂ ਬਾਅਦ ਸਜਲ ਏਲੀ ਗੁੱਸੇ ’ਚ ਹਨ। ਸੇਵਾ-ਮੁਕਤ ਫੌਜੀ ਅਧਿਕਾਰੀ ਨੇ ਹਨੀ ਟਰੈਪ ਦੀ ਗੱਲ ਆਖੀ ਸੀ।