ਕੋਲੰਬੋ-ਗੰਭੀਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰ ਰਹੇ ਸ੍ਰੀਲੰਕਾ ਵਿਚ ਸਰਕਾਰ ਹਰ ਸਾਲ ਮਨੁੱਖੀ ਬਸਤੀਆਂ ਅਤੇ ਫਸਲਾਂ ਨੂੰ ਜੰਗਲੀ ਹਾਥੀਆਂ ਤੋਂ ਬਚਾਉਣ ਲਈ 2800 ਕਰੋੜ ਰੁਪਏ ਖਰਚ ਕਰਦੀ ਹੈ। ਖੇਤੀਬਾੜੀ, ਜੰਗਲੀ ਜੀਵ ਅਤੇ ਜੰਗਲਾਤ ਸੰਸਾਧਨ ਸੰਭਾਲ ਮੰਤਰੀ ਮਹਿੰਦਾ ਅਮਰਵੀਰਾ ਨੇ ਕਿਹਾ ਹੈ ਕਿ ਫੇਰ ਵੀ ਲੋਕਾਂ ਚ ਰੋਸ ਹੈ ਕਿ ਸਰਕਾਰ ਉਹਨਾਂ ਪਿੰਡਾਂ ਨੂੰ ਉਚਿਤ ਸਹਾਇਤਾ ਮੁੱਹਈਆ ਨਹੀਂ ਕਰਾਉਂਦੀ ਜਿੱਥੇ ਅਕਸਰ ਜੰਗਲੀ ਹਾਥੀਆਂ ਦਾ ਹਮਲਾ ਹੁੰਦਾ ਹੈ। ਮੰਤਰੀ ਨੇ ਕਿਹਾ ਕਿ ਹਾਥੀਆਂ ਨੂੰ ਮਨੁੱਖੀ ਵਸੋਂ ਤੋਂ ਦੂਰ ਰੱਖਣ ਲਈ ਹਰ ਸਾਲ ਜਿੰਨੇ ਪਟਾਕਿਆਂ ਦੀ ਲੋੜ ਪੈਂਦੀ ਹੈ, ਉਹਨਾਂ ਦਾ ਖਰਚ 1.4 ਕਰੋੜ ਬਣਦਾ ਹੈ। ਫੇਰ ਵੀ ਸਮੱਸਿਆ ਦਾ ਕੋਈ ਸਥਾਈ ਹੱਲ ਨਹੀਂ ਨਿਕਲ ਰਿਹਾ। ਅਜਿਹਾ ਕੋਈ ਹੱਲ ਨਹੀਂ ਲੱਭਿਆ ਜਾ ਸਕਿਆ, ਜਿਸ ਨਾਲ ਮਨੁੱਖਾਂ ਅਤੇ ਹਾਥੀਆਂ ਵਿਚਕਾਰ ਟਕਰਾਅ ਨੂੰ ਹਮੇਸ਼ਾ ਲਈ ਖ਼ਤਮ ਕੀਤਾ ਜਾ ਸਕੇ। ਜੰਗਲ ਦੀ ਜ਼ਮੀਨ ‘ਤੇ ਮਨੁੱਖੀ ਬਸਤੀਆਂ ਦਾ ਵਿਸਥਾਰ ਹਾਥੀਆਂ ਨਾਲ ਵਧ ਰਹੇ ਮਨੁੱਖੀ ਸੰਘਰਸ਼ ਦਾ ਮੁੱਖ ਕਾਰਨ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਵਿਸ਼ਵ ਪਧਰ ਤੇ ਕੱਚੇ ਮਾਲ ਦੀਆਂ ਕੀਮਤਾਂ ਵਧਣ ਕਾਰਨ ਹੁਣ ਇਥੇ ਹਾਥੀਆਂ ਨੂੰ ਮਨੁੱਖੀ ਵਸੋਂ ਤੋਂ ਦੂਰ ਰੱਖਣ ਲਈ ਵਰਤੇ ਜਾਂਦੇ ਸਾਜ਼ੋ-ਸਾਮਾਨ ‘ਤੇ ਹੋਰ ਜ਼ਿਆਦਾ ਖਰਚ ਕਰਨਾ ਪਵੇਗਾ।
Comment here