ਸੋਮਾਲੀਆ-ਭਾਰਤ ਤੋਂ ਲੈ ਕੇ ਪਾਕਿਸਤਾਨ, ਬੰਗਲਾਦੇਸ਼ ਅਤੇ ਨੇਪਾਲ ਸਮੇਤ ਕਈ ਹੋਰ ਦੇਸ਼ਾਂ ਦੇ ਲੋਕ ਸਮੋਸੇ ਨੂੰ ਬਹੁਤ ਪਸੰਦ ਕਰਦੇ ਹਨ। ਜੇਕਰ ਅਸੀਂ ਭਾਰਤੀ ਚਾਹ ਦੇ ਨਾਲ ਕੋਈ ਵੀ ਸਨੈਕਸ ਸਭ ਤੋਂ ਵੱਧ ਪਸੰਦ ਕਰਦੇ ਹਾਂ, ਤਾਂ ਉਹ ਹੈ ਸਮੋਸਾ। ਹਾਲਾਂਕਿ ਦੁਨੀਆ ਵਿਚ ਇਕ ਅਜਿਹਾ ਦੇਸ਼ ਹੈ ਜਿੱਥੇ ਸਮੋਸੇ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੈ, ਲੋਕਾਂ ਨੂੰ ਇਨ੍ਹਾਂ ਨੂੰ ਖਾਣ ਜਾਂ ਬਣਾਉਣ ’ਤੇ ਸਜ਼ਾ ਵੀ ਦਿੱਤੀ ਜਾਂਦੀ ਹੈ। ਜਿੱਥੇ ਯੂਰਪੀ ਦੇਸ਼ਾਂ ਵਿਚ ਵੀ ਭਾਰਤੀ ਸਮੋਸੇ ਪਸੰਦ ਕੀਤੇ ਜਾ ਰਹੇ ਹਨ, ਉੱਥੇ ਹੀ ਅਫਰੀਕੀ ਦੇਸ਼ ਸੋਮਾਲੀਆ ਵਿਚ ਸਮੋਸੇ ਖਾਣ ’ਤੇ ਪਾਬੰਦੀ ਹੈ। ਇਸ ਦੇਸ਼ ਵਿੱਚ ਸਮੋਸੇ ਬਣਾਉਣ, ਖਰੀਦਣ ਅਤੇ ਖਾਣ ਲਈ ਵੀ ਲੋਕਾਂ ਨੂੰ ਸਜ਼ਾ ਦਿੱਤੀ ਜਾਂਦੀ ਹੈ।
ਇਸ ਦੀ ਵਜ੍ਹਾ ਹੈ ਸਮੋਸੇ ਦਾ ਤਿਕੋਣਾ ਆਕਾਰ ਹੈ। ਸੋਮਾਲੀਆ ਵਿਚ ਇਕ ਕੱਟੜਪੰਥੀ ਸਮੂਹ ਦਾ ਮੰਨਣਾ ਹੈ ਕਿ ਸਮੋਸੇ ਦੀ ਤਿਕੋਣੀ ਸ਼ਕਲ ਈਸਾਈ ਭਾਈਚਾਰੇ ਦੇ ਇਕ ਚਿੰਨ੍ਹ ਵਰਗੀ ਹੈ। ਇਹੀ ਕਾਰਨ ਹੈ ਕਿ ਸੋਮਾਲੀਆ ਵਿਚ ਸਮੋਸੇ ’ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਸ਼ਰਤ ਇਹ ਹੈ ਕਿ ਸੋਮਾਲੀਆ ਵਿਚ ਸਮੋਸੇ ਬਣਾਉਣ, ਖਰੀਦਣ ਅਤੇ ਖਾਣ ’ਤੇ ਸਜ਼ਾ ਦੀ ਵਿਵਸਥਾ ਹੈ। ਕਈ ਰਿਪੋਰਟਾਂ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਸੜੇ-ਗਲੇ ਮੀਟ ਨੂੰ ਭਰਨ ਕਾਰਨ ਸਮੋਸੇ ’ਤੇ ਪਾਬੰਦੀ ਲਗਾਈ ਗਈ ਸੀ।
ਸਮੋਸਾ ਕਿੱਥੋਂ ਆਇਆ?
ਜਾਣਕਾਰੀ ਮੁਤਾਬਕ 10ਵੀਂ ਸਦੀ ਦੇ ਆਸ-ਪਾਸ ਮੱਧ ਏਸ਼ੀਆ ਤੋਂ ਆਏ ਅਰਬੀ ਵਪਾਰੀ ਆਪਣੇ ਨਾਲ ਸਮੋਸੇ ਦੀ ਰੈਸਿਪੀ ਲੈ ਕੇ ਆਏ ਸਨ। ਦਸਵੀਂ ਸਦੀ ਵਿਚ ਲਿਖੀਆਂ ਪੁਸਤਕਾਂ ਵਿਚ ਇਸ ਦਾ ਜ਼ਿਕਰ ਮਿਲਦਾ ਹੈ। ਈਰਾਨੀ ਇਤਿਹਾਸਕਾਰ ਅਬੋਲਫਾਜੀ ਬੇਹਾਕੀ ਨੇ ‘‘ਤਾਰੀਖ਼ ਏ ਬੇਹਾਕੀ’’ ਵਿੱਚ ਇਸ ਦਾ ਜ਼ਿਕਰ ਕੀਤਾ ਹੈ। ਮੰਨਿਆ ਜਾਂਦਾ ਹੈ ਕਿ ਸਮੋਸਾ ਮਿਸਰ ਵਿੱਚ ਸ਼ੁਰੂ ਹੋਇਆ ਸੀ। ਉਥੋਂ ਇਹ ਲੀਬੀਆ ਪਹੁੰਚਿਆ।
Comment here