ਸ਼੍ਰੀਲੰਕਾ ਨੂੰ ਦਿਵਾਲੀਆ ਕਰਨ ‘ਚ ਚੀਨ ਦੀ ਕਰਜ਼ਾ ਨੀਤੀ ਜ਼ਿੰਮੇਵਾਰ?

ਨਵੀਂ ਦਿੱਲੀ : ਭਾਰਤ ਦਾ ਗੁਆਂਢੀ ਦੇਸ਼ ਸ਼੍ਰੀਲੰਕਾ ਜ਼ਬਰਦਸਤ ਆਰਥਿਕ ਸੰਕਟ ਵਿੱਚੋਂ ਗੁਜ਼ਰ ਰਿਹਾ ਹੈ। ਦੇਸ਼ ‘ਚ ਮਹਿੰਗਾਈ ਇੰਨੀ ਮਾਰ ਹੈ ਕਿ ਲੋਕ ਸੜਕਾਂ ‘ਤੇ ਉੱਤਰ ਰਹੇ ਹਨ। ਮਹਿੰਗਾਈ ਕਾਰਨ ਲੋਕ ਸ੍ਰੀਲੰਕਾ ਸਰਕਾਰ ਖਿਲਾਫ ਵਿਰੋਧ ਕਰ ਰਹੇ ਹਨ। ਸ੍ਰੀਲੰਕਾ ਸਰਕਾਰ ਦੇ ਮੁਤਾਬਿਕ ਸਰਕਾਰ ਪੂਰੀ ਤਰ੍ਹਾਂ ਦਿਵਾਲੀਆ ਹੋ ਚੁੱਕੀ ਹੈ। ਆਖ਼ਰਕਾਰ, ਸ੍ਰੀਲੰਕਾ ਇੰਨਾ ਨੀਚੇ ਕਿਵੇਂ ਆਇਆ? ਕੀ ਹੈ ਇਸਦੀ ਅਸਲ ਵਜ੍ਹਾ? ਕੀ ਸ੍ਰੀਲੰਕਾ ਨੂੰ ਇਸ ਮੁਕਾਮ ‘ਤੇ ਲਿਆਉਣ ਵਿਚ ਚੀਨ ਦੀ ਕੋਈ ਭੂਮਿਕਾ ਹੈ? ਸ੍ਰੀਲੰਕਾ ਨੂੰ ਦਿਵਾਲੀਆ ਬਣਾਉਣ ਲਈ ਚੀਨ ਜ਼ਿੰਮੇਵਾਰ ਕਿਉਂ ਹੈ? ਕੀ ਚੀਨ ਦੇ ਕਰਜ਼ੇ ਦੇ ਜਾਲ ਕਾਰਨ ਸ੍ਰੀਲੰਕਾ ਦਿਵਾਲੀਆ ਹੋ ਗਿਆ ਹੈ? ਇਸ ਮੁੱਦੇ ਉੱਪਰ ਪ੍ਰੋਫੈਸਰ ਹਰਸ਼ ਵੀ ਪੰਤ ਦਾ ਕਹਿਣਾ ਹੈ ਕਿ ਸ਼੍ਰੀਲੰਕਾ ਸਰਕਾਰ ਸਵੀਕਾਰ ਕਰ ਰਹੀ ਹੈ ਕਿ ਉਨ੍ਹਾਂ ਦਾ ਦੇਸ਼ ਕਰਜ਼ੇ ਦੇ ਭਾਰ ਹੇਠਾਂ ਆ ਚੁੱਕਾ ਹੈ। ਸ੍ਰੀਲੰਕਾ ਨੇ ਆਪਣੀ ਆਰਥਿਕਤਾ ਨੂੰ ਠੀਕ ਕਰਨ ਲਈ ਚੀਨ, ਜਾਪਾਨ ਅਤੇ ਭਾਰਤ ਤੋਂ ਕਰਜ਼ਾ ਲਿਆ ਹੈ ਪਰ ਚੀਨ ਨੇ ਸਖ਼ਤ ਸ਼ਰਤਾਂ ‘ਤੇ ਕਰਜ਼ਾ ਦਿੱਤਾ ਹੈ। ਸ੍ਰੀਲੰਕਾ ਨੂੰ ਪਹਿਲਾਂ ਹੀ ਚੀਨ ਨੂੰ 5 ਟ੍ਰਿਲੀਅਨ ਡਾਲਰ ਦਾ ਕਰਜ਼ਾ ਮੋੜਨਾ ਪਿਆ ਸੀ। ਇਸ ਦੇ ਬਾਵਜੂਦ ਸ੍ਰੀਲੰਕਾ ਨੂੰ ਪਿਛਲੇ ਸਾਲ ਇੱਕ ਅਰਬ ਅਮਰੀਕੀ ਡਾਲਰ ਦਾ ਵਾਧੂ ਕਰਜ਼ਾ ਲੈਣਾ ਪਿਆ। ਚੀਨ ਨੇ ਇਹ ਕਰਜ਼ਾ ਆਪਣੀਆਂ ਸ਼ਰਤਾਂ ਮੁਤਾਬਕ ਦਿੱਤਾ ਹੈ। ਸ੍ਰੀਲੰਕਾ ਨੇ ਆਪਣੀ ਮੁਦਰਾ ਦੇ ਵਟਾਂਦਰੇ ਰਾਹੀਂ ਚੀਨ ਤੋਂ 1.5 ਟ੍ਰਿਲੀਅਨ ਅਮਰੀਕੀ ਡਾਲਰ ਪ੍ਰਾਪਤ ਕੀਤੇ ਹਨ। ਇਸ ਕਾਰਨ ਚੀਨ ਵਿੱਚ ਸਥਿਤੀ ਵਿਗੜ ਗਈ ਹੈ।