ਨੌਜਵਾਨ ਨੇ ਫਲਾਈਓਵਰ ਤੋਂ ਸੁੱਟੇ 10 ਦੇ ਨੋਟ, ਮਚੀ ਹਫ਼ੜਾ-ਦਫ਼ੜੀ

ਬੇਂਗਲੁਰੂ-ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿਚ ਸ਼ਖ਼ਸ 10 ਰੁਪਏ ਦੇ ਨੋਟ ਸੁੱਟ ਰਿਹਾ ਹੈ। ਇਹ ਮਾਮਲਾ ਕਰਨਾਟਕ ਦੀ ਰਾਜਧਾਨੀ ਬੇਂਗਲੁਰੂ ਦੀ ਆਰ. ਮਾਰਕੀਟ ਇਲਾਕੇ ਦਾ ਹੈ, ਜਿਸ ਵਿਚ ਇਕ ਸ਼ਖ਼ਸ ਨੇ ਮੰਗਲਵਾਰ ਯਾਨੀ ਕਿ ਅੱਜ ਸਵੇਰੇ ਇਕ ਫਲਾਈਓਵਰ ਤੋਂ 10 ਰੁਪਏ ਦੇ ਨੋਟ ਸੁੱਟ ਰਿਹਾ ਹੈ, ਜਿਸ ਕਾਰਨ ਉੱਥੇ ਹਫ਼ੜਾ-ਦਫ਼ੜੀ ਮਚ ਗਈ। ਦਰਅਸਲ ਫਲਾਈਓਵਰ ‘ਤੇ ਨੋਟ ਸੁੱਟਣ ਵਾਲਾ ਨੌਜਵਾਨ ਕਾਲਾ ਕੋਟ ਪਹਿਨੇ ਹੋਏ ਨਜ਼ਰ ਆ ਰਿਹਾ ਹੈ ਅਤੇ ਉਸ ਦੇ ਗਲ਼ ‘ਚ ਇਕ ਦੀਵਾਰ ਘੜੀ ਪਹਿਨ ਹੋਈ ਹੈ। ਫਲਾਈਓਵਰ ‘ਤੇ ਮੌਜੂਦ ਲੋਕ ਆਪਣੇ ਆਲੇ-ਦੁਆਲੇ ਬਿਖਰੇ ਨੋਟਾਂ ਨੂੰ ਵੇਖਦੇ ਹੋਏ ਉਨ੍ਹਾਂ ਨੂੰ ਇਕੱਠਾ ਕਰਨ ਲਈ ਦੌੜਦੇ ਹਨ। ਇਸ ਨਾਲ ਫਲਾਈਓਵਰ ‘ਤੇ ਕੁਝ ਸਮੇਂ ਲਈ ਆਵਾਜਾਈ ਠੱਪ ਹੋ ਗਈ।
ਸੂਤਰਾਂ ਮੁਤਾਬਕ ਨੋਟ ਸੁੱਟਣ ਵਾਲੇ ਸ਼ਖ਼ਸ ਦੀ ਉਮਰ 30 ਤੋਂ 40 ਸਾਲ ਦਰਮਿਆਨ ਹੈ। ਉਸ ਨੂੰ ਹਿਰਾਸਤ ‘ਚ ਲੈ ਲਿਆ ਗਿਆ ਹੈ। ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਉਸ ਨੇ ਕੁੱਲ 3 ਹਜ਼ਾਰ ਦੇ 10 ਰੁਪਏ ਦੇ ਕਰੰਸੀ ਨੋਟ ਸੁੱਟੇ। ਸੂਤਰਾਂ ਮੁਤਾਬਕ ਪੁਲਸ ਨੂੰ ਖ਼ਦਸ਼ਾ ਹੈ ਕਿ ਨੌਜਵਾਨ ਮਾਨਸਿਕ ਰੂਪ ਨਾਲ ਬੀਮਾਰ ਹੈ।