ਸਭ ਤੋਂ ਮਹਿੰਗੇ ਵਕੀਲ ਹਰੀਸ਼ ਸਾਲਵੇ ਦਾ ਤੀਜਾ ਵਿਆਹ

ਨਵੀਂ ਦਿੱਲੀ-ਦੇਸ਼ ਦੇ ਮਸ਼ਹੂਰ ਵਕੀਲਾਂ ਵਿੱਚੋਂ ਇੱਕ ਹਰੀਸ਼ ਸਾਲਵੇ ਨੇ ਹਾਲ ਹੀ ਵਿੱਚ ਲੰਡਨ ਵਿੱਚ ਇੱਕ ਸ਼ਾਨਦਾਰ ਵਿਆਹ ਸਮਾਗਮ ਵਿੱਚ ਤ੍ਰਿਨਾ ਨਾਲ ਵਿਆਹ ਕਰਕੇ ਆਪਣੀ ਜ਼ਿੰਦਗੀ ਦੇ ਇੱਕ ਨਵੇਂ ਪੜਾਅ ਦੀ ਸ਼ੁਰੂਆਤ ਕੀਤੀ। ਇਸ ਵਿਆਹ ‘ਚ ਰਿਲਾਇੰਸ ਫਾਊਂਡੇਸ਼ਨ ਦੀ ਚੇਅਰਪਰਸਨ ਨੀਤਾ ਅੰਬਾਨੀ, ਲਲਿਤ ਮੋਦੀ ਸਮੇਤ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਹਰੀਸ਼ ਸਾਲਵੇ ਦੀ ਤੀਜੀ ਪਤਨੀ ਤ੍ਰਿਨਾ ਬ੍ਰਿਟਿਸ਼ ਮੂਲ ਦੀ ਹੈ।
ਸਾਲਵੇ ਦੀ ਪਹਿਲੀ ਪਤਨੀ ਦਾ ਨਾਮ ਮੀਨਾਕਸ਼ੀ ਸਾਲਵੇ ਹੈ। ਮੀਨਾਕਸ਼ੀ ਇੱਕ ਮਸ਼ਹੂਰ ਭਾਰਤੀ ਕਲਾਕਾਰ, ਕਲਾ ਸੰਗ੍ਰਹਿਕਾਰ ਅਤੇ ਕੱਚ ਡਿਜ਼ਾਈਨਰ ਹੈ। ਮੀਨਾਕਸ਼ੀ ਸਾਲਵੇ ਦਾ ਜਨਮ 1960 ਵਿੱਚ ਮੁੰਬਈ ਵਿੱਚ ਹੋਇਆ ਸੀ। ਉਹ ਇੱਕ ਮਰਾਠੀ ਭਾਸ਼ੀ ਪਰਿਵਾਰ ਵਿੱਚ ਪੈਦਾ ਹੋਈ ਸੀ। ਹਰੀਸ਼ ਸਾਲਵੇ ਸਾਲ 2020 ਦੀ ਸ਼ੁਰੂਆਤ ਵਿੱਚ ਆਪਣੀ ਪਹਿਲੀ ਪਤਨੀ ਮੀਨਾਕਸ਼ੀ ਸਾਲਵੇ ਤੋਂ ਕਾਨੂੰਨੀ ਤੌਰ ‘ਤੇ ਵੱਖ ਹੋ ਗਏ ਸਨ। ਦੋਵਾਂ ਦੀਆਂ ਦੋ ਬੇਟੀਆਂ ਹਨ। ਵੱਡੀ ਬੇਟੀ ਦਾ ਨਾਂ ਸਾਕਸ਼ੀ ਹੈ, ਜਦੋਂ ਕਿ ਛੋਟੀ ਬੇਟੀ ਦਾ ਨਾਂ ਸਾਨੀਆ ਹੈ।
ਮੀਨਾਕਸ਼ੀ ਤੋਂ ਵੱਖ ਹੋਣ ਤੋਂ ਕੁਝ ਮਹੀਨਿਆਂ ਬਾਅਦ ਸਾਲਵੇ ਨੇ ਦੂਜੀ ਵਾਰ ਕੈਰੋਲੀਨ ਨਾਲ ਵਿਆਹ ਕੀਤਾ। ਕੈਰੋਲਿਨ ਦਾ ਵੀ ਇਹ ਦੂਜਾ ਵਿਆਹ ਸੀ। ਦੋਵਾਂ ਨੇ ਸਾਲ 2020 ਵਿੱਚ ਲੰਡਨ ਦੇ ਇੱਕ ਪ੍ਰਾਈਵੇਟ ਚਰਚ ਵਿੱਚ ਵਿਆਹ ਕੀਤਾ ਸੀ। ਦੋਵਾਂ ਦੀ ਮੁਲਾਕਾਤ ਇਕ ਆਰਟ ਈਵੈਂਟ ‘ਚ ਹੋਈ ਸੀ। ਮੁੰਬਈ ਮਿਰਰ ਨੂੰ ਦਿੱਤੇ ਇੰਟਰਵਿਊ ‘ਚ ਸਾਲਵੇ ਨੇ ਕਿਹਾ ਸੀ ਕਿ ਉਹ ਮੁਸ਼ਕਲ ਸਾਲ ‘ਚੋਂ ਗੁਜ਼ਰ ਰਹੇ ਸਨ ਅਤੇ ਕੈਰੋਲਿਨ ਉਨ੍ਹਾਂ ਦਾ ਸਹਾਰਾ ਬਣ ਗਈ ਸੀ।
ਪਤਾ ਲੱਗਾ ਹੈ ਕਿ ਹਰੀਸ਼ ਸਾਲਵੇ ਦੇਸ਼ ਦੇ ਸਭ ਤੋਂ ਮਹਿੰਗੇ ਵਕੀਲਾਂ ਵਿੱਚ ਗਿਣੇ ਜਾਂਦੇ ਹਨ। ਸਾਲ 2015 ਵਿੱਚ ਉਨ੍ਹਾਂ ਨੂੰ ਪਦਮ ਭੂਸ਼ਣ ਪੁਰਸਕਾਰ ਮਿਲਿਆ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਕਈ ਵੱਡੇ ਕੇਸ ਵੀ ਲੜੇ। ਹਰੀਸ਼ ਸਾਲਵੇ ਨੇ ਕਾਲਾ ਹਿਰਨ ਸ਼ਿਕਾਰ ਮਾਮਲੇ ‘ਚ ਸਲਮਾਨ ਖਾਨ ਨੂੰ ਤਿੰਨ ਦਿਨਾਂ ਦੇ ਅੰਦਰ ਅਗਾਊਂ ਜ਼ਮਾਨਤ ਦਿਵਾ ਦਿੱਤੀ ਸੀ।