ਹਨੋਈ-ਵੀਅਤਨਾਮੀ ਮੀਡੀਆ ਅਨੁਸਾਰ ਸਥਾਨਕ ਇਥੋਂ ਦੇ ਕੇਂਦਰੀ ਖਾਨ ਹੋਆ ਸੂਬੇ ਵਿੱਚ ਮੰਗਲਵਾਰ ਨੂੰ 21 ਚੀਨੀ ਸੈਲਾਨੀਆਂ ਨੂੰ ਲੈ ਕੇ ਜਾ ਰਹੀ ਇੱਕ ਬੱਸ ਪਲਟ ਗਈ, ਜਿਸ ਨਾਲ ਚਾਰ ਚੀਨੀ ਨਾਗਰਿਕਾਂ ਦੀ ਮੌਤ ਹੋ ਗਈ। ਹੋ ਚੀ ਮਿਨਹ ਸਿਟੀ ਵਿੱਚ ਚੀਨੀ ਕੌਂਸਲੇਟ ਜਨਰਲ ਨੇ ਬੁੱਧਵਾਰ ਨੂੰ ਇਸ ਸਬੰਧੀ ਪੁਸ਼ਟੀ ਕੀਤੀ। ਇਹ ਬੱਸ ‘ਦਾ ਲਾਟ ਸ਼ਹਿਰ’, ਲਾਮ ਡੋਂਗ ਸੂਬੇ ਤੋਂ ਨਹਾ ਤ੍ਰਾਂਗ ਸ਼ਹਿਰ, ਖਾਨ ਹੋਆ ਪ੍ਰਾਂਤ ਤੱਕ ਚੱਲ ਰਹੀ ਸੀ ਜਦੋਂ ਇਹ ਖਾਨ ਹੋਆ ਦੇ ਖਾਨ ਲੇ ਮਾਉਂਟੇਨ ਪਾਸ ‘ਤੇ ਪਲਟ ਗਈ। ਗੰਭੀਰ ਰੂਪ ਵਿੱਚ ਜ਼ਖਮੀ ਲੋਕਾਂ ਨੂੰ ਖਾਨ ਹੋਆ ਜਨਰਲ ਹਸਪਤਾਲ ਅਤੇ ਮਾਮੂਲੀ ਜ਼ਖਮੀਆਂ ਨੂੰ ਨਜ਼ਦੀਕੀ ਸਥਾਨਕ ਹਸਪਤਾਲ ਵਿੱਚ ਲਿਜਾਇਆ ਗਿਆ। ਹਾਦਸੇ ਦੀ ਖ਼ਬਰ ਮਿਲਣ ਤੋਂ ਬਾਅਦ ਕੌਂਸਲੇਟ ਜਨਰਲ ਨੇ ਤੁਰੰਤ ਐਮਰਜੈਂਸੀ ਵਿਧੀ ਨੂੰ ਸਰਗਰਮ ਕੀਤਾ, ਬਚਾਅ ਗਤੀਵਿਧੀਆਂ ਨੂੰ ਅੰਜਾਮ ਦੇਣ ਲਈ ਖਾਨ ਹੋਆ ਦੇ ਵਿਦੇਸ਼ੀ ਮਾਮਲਿਆਂ ਅਤੇ ਜਨਤਕ ਸੁਰੱਖਿਆ ਵਿਭਾਗਾਂ ਨਾਲ ਤਾਲਮੇਲ ਕੀਤਾ ਗਿਆ। ਘਟਨਾ ਸਥਾਨ ‘ਤੇ ਬਚਾਅ ਅਤੇ ਇਲਾਜ ਵਿੱਚ ਸਹਾਇਤਾ ਲਈ ਨੇੜਲੇ ਹਸਪਤਾਲਾਂ ਨਾਲ ਸੰਪਰਕ ਕੀਤਾ ਗਿਆ। ਇਸ ਦੇ ਨਾਲ ਹੀ ਨਜ਼ਦੀਕੀ ਚੀਨੀ-ਨਿਵੇਸ਼ ਵਾਲੇ ਉੱਦਮਾਂ ਨਾਲ ਸੰਪਰਕ ਕੀਤਾ ਗਿਆ।
Comment here