ਨਵੀਂ ਦਿੱਲੀ- ਲੰਮੇ ਸਮੇੰ ਤੋਂ ਚੱਲੇ ਆ ਰਹੇ ਲੱਦਾਖ ਚ ਭਾਰਤ-ਚੀਨ ਸਰਹੱਦ ਤੇ ਤਣਾਅ ਚ ਕੁਝ ਸ਼ਾਂਤੀ ਦਾ ਸੁਨੇਹਾ ਆਇਆ ਹੈ। ਭਾਰਤੀ ਫੌਜ ਨੇ ਜਾਣਕਾਰੀ ਦਿੱਤੀ ਹੈ ਕਿ ਭਾਰਤ ਅਤੇ ਚੀਨ ਦੀਆਂ ਫੌਜਾਂ ਪੂਰਬੀ ਲੱਦਾਖ ਦੇ ਗੋਗਰਾ ਖੇਤਰ ਤੋਂ ਪਿੱਛੇ ਹਟ ਗਈਆਂ ਹਨ। ਇਹ ਕਾਰਵਾਈ ਦੋਵਾਂ ਧਿਰਾਂ ਵਿਚਾਲੇ ਗੱਲਬਾਤ ਦੇ 12ਵੇਂ ਗੇੜ ਵਿੱਚ ਹੋਈ ਸਹਿਮਤੀ ਦੇ ਆਧਾਰ ‘ਤੇ ਕੀਤੀ ਗਈ ਹੈ। ਗੋਗਰਾ ਵਿੱਚ ਅਸਥਾਈ ਉਸਾਰੀਆਂ ਨੂੰ ਵੀ ਹਟਾ ਦਿੱਤਾ ਗਿਆ ਹੈ। ਫ਼ੌਜ ਨੇ ਕਿਹਾ, ‘4-5 ਅਗਸਤ ਨੂੰ ਦੋਵਾਂ ਦੇਸ਼ਾਂ ਦੀਆਂ ਫ਼ੌਜਾਂ ਗੋਗਰਾ ਪੋਸਟ ਤੋਂ ਪਿੱਛੇ ਹਟ ਗਈਆਂ। ਦੋਵੇਂ ਧਿਰਾਂ ਹੁਣ ਆਪੋ -ਆਪਣੇ ਸਥਾਈ ਟਿਕਾਣਿਆਂ ਵਿੱਚ ਹਨ। ਖੇਤਰ ਵਿੱਚ ਭੂਮੀ ਰੂਪ (ਜ਼ਮੀਨ ਦਾ ਇੱਕ ਕੁਦਰਤੀ ਰੂਪ) ਦੋਵਾਂ ਧਿਰਾਂ ਦੁਆਰਾ ਬਹਾਲ ਕਰ ਦਿੱਤਾ ਗਿਆ ਹੈ, ਜਿਵੇਂ ਕਿ ਇਹ ਵਿਵਾਦ ਸ਼ੁਰੂ ਹੋਣ ਤੋਂ ਪਹਿਲਾਂ ਸੀ। ਉਨ੍ਹਾਂ ਅੱਗੇ ਕਿਹਾ, ”ਇਹ ਸਮਝੌਤਾਂ ਨਿਸ਼ਚਤ ਕਰਦਾ ਹੈ ਕਿ ਇਸ ਖੇਤਰ ਵਿੱਚ ਐਲਏਸੀ ਦਾ ਦੋਵੇਂ ਪੱਖਾਂ ਵੱਲੋਂ ਸਖ਼ਤੀ ਨਾਲ ਪਾਲਣ ਅਤੇ ਸਨਮਾਨ ਕੀਤਾ ਜਾਵੇਗਾ ਅਤੇ ਇਸ ਸਥਿਤੀ ਵਿੱਚ ਇੱਕਤਰਫ਼ਾ ਤਬਦੀਲੀ ਨਹੀਂ ਹੋਵੇਗੀ। ਫੌਜ ਨੇ ਕਿਹਾ, ‘ਗੋਗਰਾ ਤੋਂ ਫੌਜ ਦੀ ਵਾਪਸੀ ਦੇ ਨਾਲ, ਇੱਕ ਹੋਰ ਸੰਵੇਦਨਸ਼ੀਲ ਖੇਤਰ ਸੁਲਝ ਗਿਆ ਹੈ। ਦੋਵੇਂ ਧਿਰਾਂ ਪੱਛਮੀ ਖੇਤਰ ਵਿੱਚ ਐਲਏਸੀ ਦੇ ਨਾਲ ਗੱਲਬਾਤ ਨੂੰ ਅੱਗੇ ਵਧਾਉਣ ਅਤੇ ਬਾਕੀ ਮੁੱਦਿਆਂ ਨੂੰ ਸੁਲਝਾਉਣ ਲਈ ਵਚਨਬੱਧ ਹਨ।’ ਫੌਜ ਨੇ ਆਪਣੇ ਬਿਆਨ ਵਿੱਚ ਇਹ ਵੀ ਕਿਹਾ ਕਿ ਆਈਟੀਬੀਪੀ (ਇੰਡੋ-ਤਿੱਬਤ ਸੀਮਾ ਪੁਲਿਸ) ਨਾਲ ਭਾਰਤੀ ਫੌਜ ਦੇਸ਼ ਦੀ ਪ੍ਰਭੂਸਤਾ ਨਿਸ਼ਚਤ ਕਰਨ ਅਤੇ ਪੱਛਮੀ ਖੇਤਰ ਵਿੱਚ ਐਲਏਸੀ ਨਾਲ ਸ਼ਾਂਤੀ ਬਣਾ ਕੇ ਰੱਖਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ। ਪਿਛਲੇ ਦੌਰ ਦੀ ਫੌਜੀ ਵਾਰਤਾ ਵਿੱਚ ਦੋਵਾਂ ਪੱਖਾਂ ਨੇ ਹਾਟ ਸਪ੍ਰਿੰਗਸ, ਗੋਗਰਾ ਅਤੇ ਦੇਪਸਾਂਗ ਵਿੱਚ ਫੌਜਾਂ ਦੀ ਵਾਪਸੀ ਦੀ ਦਿਸ਼ਾ ਵਿੱਚ ਅੱਗੇ ਵਧਣ ਦੇ ਰਸਤਿਆਂ ‘ਤੇ ਚਰਚਾ ਕੀਤੀ ਸੀ, ਜਿਸ ਦਾ ਵਿਆਪਕ ਉਦੇਸ਼ ਖੇਤਰ ਵਿੱਚ ਤਣਾਅ ਨੂੰ ਘੱਟ ਕਰਨਾ ਸੀ। ਹਾਲਾਂਕਿ ਫੌਜਾਂ ਦੀ ਵਾਪਸੀ ਦੀ ਦਿਸ਼ਾ ਵਿੱਚ ਕੋਈ ਹੋਰ ਵਾਧਾ ਨਹੀਂ ਹੋਇਆ ਸੀ। ਇਸਤੋਂ ਪਹਿਲਾਂ ਦੋਵਾਂ ਪੱਖਾਂ ਨੇ ਲੜੀਵਾਰ ਫੌਜੀ ਅਤੇ ਕੂਟਨੀਤਕ ਵਾਰਤਾ ਤੋਂ ਬਾਅਦ ਪੈਗੋਂਗ ਝੀਲ ਦੇ ਉਤਰ ਅਤੇ ਦੱਖਣੀ ਕਿਨਾਰਿਆਂ ਵਿੱਚ ਫੌਜੀਆਂ ਅਤੇ ਹਥਿਆਰਾਂ ਨੂੰ ਹਟਾਉਣ ਦੀ ਪ੍ਰਕਿਰਿਆ ਫਰਵਰੀ ਵਿੱਚ ਪੂਰੀ ਕਰ ਲਈ ਹੈ।
ਲੱਦਾਖ ਚ ਭਾਰਤ-ਚੀਨ ਫੌਜਾਂ ਨੇ ਪੈਰ ਪਿਛਾਂਹ ਕੀਤੇ

Comment here