ਸਿਆਸਤਖਬਰਾਂਚਲੰਤ ਮਾਮਲੇ

ਲੋਕਸਭਾ ਚੋਣਾਂ ਚ ਵੀ ਕੋਈ ਨਵਾਂ ਉਲਟਫੇਰ ਕਰ ਸਕਦੀ ਹੈ ‘ਆਪ’

ਚੰਡੀਗੜ੍ਹ-ਪੰਜਾਬ ਵਿਧਾਨ ਸਭਾ ਦੀਆਂ ਚੋਣਾਂ ’ਚ ‘ਆਪ’ ਨੇ ਜ਼ਬਰਦਸਤ ਜਿੱਤ ਹਾਸਿਲ ਕੀਤੀ ਹੈ। ਉਸਨੂੰ 117 ਚੋਂ 92 ਸੀਟਾਂ ਮਿਲੀਆਂ ਹਨ। ਇਸ ਉਭਾਰ ਤੋਂ ਬਾਅਦ ਸੰਸਦ ਚੋਣਾਂ ਦੌਰਾਨ ਵੀ ‘ਆਪ’ ਰਵਾਇਤੀ ਪਾਰਟੀਆਂ ਲਈ ਖਤਰਾ ਬਣ ਸਕਦੀ ਹੈ। ਜਿਸ ਤਰ੍ਹਾਂ ਇਨ੍ਹਾਂ ਚੋਣਾਂ ’ਚ ‘ਆਪ’ ਦੀ ਵੋਟ ਫ਼ੀਸਦ ਵਧੀ ਹੈ, ਉਸ ਲਿਹਾਜ਼ ਨਾਲ 2024 ਦੀਆਂ ਚੋਣਾਂ ਦੌਰਾਨ ‘ਆਪ’ ਅਕਾਲੀਆਂ ਅਤੇ ਕਾਂਗਰਸੀਆਂ ਨੂੰ ਵੱਡੀ ਚੁਣੌਤੀ ਦੇ ਸਕਦੀ ਹੈ। ਸੰਸਦ ਚੋਣਾਂ ਦੌਰਾਨ ਮੁੱਖ ਮੁਕਾਬਲਾ ਹੁਣ ਤੱਕ ਅਕਾਲੀ  ਤੇ ਕਾਂਗਰਸੀ ਉਮੀਦਵਾਰਾਂ ਦਰਮਿਆਨ ਰਿਹਾ ਹੈ। 2014 ਵਿੱਚ ‘ਆਪ’ ਨੇ ਸੰਸਦ ਚੋਣਾਂ ਦੌਰਾਨ ਵੱਡਾ ਝੱਟਕਾ ਦਿੰਦਿਆ ਚਾਰ ਸੀਟਾਂ ਹਾਸਲ ਕੀਤੀਆਂ ਸਨ। 2019 ਦੀਆਂ ਚੋਣਾਂ ਦੌਰਾਨ ਵੀ ‘ਆਪ’ ਕੋਈ ਕਮਾਲ ਨਹੀਂ ਸੀ ਕਰ ਪਾਈ। ਇਸ ਵਾਰ ਸੂਬੇ ਦੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ 42 ਫੀਸਦ ਤੋਂ ਵੱਧ ਵੋਟਾਂ ਹਾਸਲ ਕਰਨ ਦਾ ਰਿਕਾਰਡ ਕਾਇਮ ਹੋਣ ਨਾਲ ਹੁਣ ਪਾਰਟੀ ਆਗੂਆਂ ਦੇ ਹੌਸਲੇ ਬੁਲੰਦ ਹੋ ਗਏ ਹਨ। ਜ਼ਿਕਰਯੋਗ ਹੈ ਕਿ 2019 ਦੀਆਂ ਚੋਣਾਂ ਦੌਰਾਨ ਸ਼੍ਰੋਮਣੀ ਅਕਾਲੀ ਦਲ ਦੇ ਵੱਡੀ ਗਿਣਤੀ ਆਗੂਆਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ, ਪਰ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅਤੇ ਉਨ੍ਹਾਂ ਦੀ ਪਤਨੀ ਆਪਣੀ ਸੀਟ ਬਚਾਉਣ ’ਚ ਕਾਮਜਾਬ ਰਹੇ ਸਨ।1999 ਤੋਂ ਜੇਕਰ ਲੋਕ ਸਭਾ ਚੋਣਾਂ ਦੀ ਸਮੀਖਿਆ ਕੀਤੀ ਜਾਵੇ ਤਾਂ ਕਾਂਗਰਸ ਪਾਰਟੀ 23.13 ਫ਼ੀਸਦ ਵੋਟਾਂ ਹਾਸਲ ਕਰਕੇ 8 ਸੀਟਾਂ ’ਤੇ ਜੇਤੂ ਰਹੀ। ਇਸੇ ਤਰ੍ਹਾਂ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ 25 ਫ਼ੀਸਦ ਤੋਂ ਵੱਧ ਵੋਟਾਂ ਹਾਸਲ ਕਰਕੇ 3 ਸੀਟਾਂ ’ਤੇ ਜੇਤੂ ਰਹੇ ਜਦੋਂ ਇਨ੍ਹਾਂ ਚੋਣਾਂ ਵਿੱਚ ਦੋ ਆਜ਼ਾਦ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ। 2004 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਨੇ 34.28 ਫ਼ੀਸਦ ਵੋਟਾਂ ਦੇ ਨਾਲ 8 ਸੀਟਾਂ ਤੇ ਅਤੇ ਭਾਜਪਾ 10.48 ਫ਼ੀਸਦ ਵੋਟਾਂ ਦੇ ਨਾਲ 3 ਸੀਟਾਂ ’ਤੇ ਜੇਤੂ ਰਹੇ। ਜਦਕਿ ਕਾਂਗਰਸ ਪਾਰਟੀ ਨੂੰ 34.17 ਫ਼ੀਸਦ ਵੋਟਾਂ ਦੇ ਨਾਲ 2 ਸੀਟਾਂ ’ਤੇ ਹੀ ਜਿੱਤ ਮਿਲ ਸਕੀ ਹੈ 2009 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਨੂੰ 45.23 ਫ਼ੀਸਦ, ਸ਼੍ਰੋਮਣੀ ਅਕਾਲੀ ਦਲ ਨੂੰ 33.85 ਫ਼ੀਸਦ ਤੇ ਭਾਜਪਾ ਨੂੰ 10.06 ਫ਼ੀਸਦ ਵੋਟਾਂ ਪਈਆਂ ਸਨ। 2014 ਦੀ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਪਾਰਟੀ ਨੇ 33.10 ਫ਼ੀਸਦ ਵੋਟਾਂ ਨਾਲ 4 ਸੀਟਾਂ ’ਤੇ ਜਿੱਤ ਹਾਸਲ ਕੀਤੀ। ਸ਼੍ਰੋਮਣੀ ਅਕਾਲੀ ਦਲ ਨੇ 26.30 ਫ਼ੀਸਦ ਵੋਟਾਂ ਨਾਲ 4, ‘ਆਪ’ ਨੇ ਚਾਰ ਅਤੇ ਭਾਜਪਾ ਨੇ 8.70 ਫ਼ੀਸਦ ਵੋਟਾਂ ਨਾਲ ਇੱਕ ਸੀਟ ’ਤੇ ਜਿੱਤ ਹਾਸਲ ਕੀਤੀ ਹੈ। 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਨੇ 40.12 ਫ਼ੀਸਦ ਵੋਟਾਂ ਦੇ ਨਾਲ 8, ਸ਼੍ਰੋਮਣੀ ਅਕਾਲੀ ਦਲ ਨੇ 27.76 ਫ਼ੀਸਦ ਵੋਟਾਂ ਨਾਲ 2, ਭਾਜਪਾ ਨੇ 9.63 ਫ਼ੀਸਦ ਵੋਟਾਂ ਨਾਲ 2 ਅਤੇ ‘ਆਪ’ ਨੇ 7.38 ਫ਼ੀਸਦ ਵੋਟਾਂ ਨਾਲ ਇਕ ਸੀਟ ਜਿੱਤੀ। ਇਨ੍ਹਾਂ ਚੋਣਾਂ ਦੌਰਾਨ ਨੋਟਾ ਨੂੰ 1.12 ਫ਼ੀਸਦ ਵੋਟਾ ਪਈਆਂ ਸਨ। ਹੁਣ ਇਸ ਵਾਰ ਹੋਏ ਇਲੈਕਸ਼ਨ ਵਿੱਚ ਕੁਝ ਅਲੱਗ ਹੀ ਹਨੇਰੀ ਦੇਖਣ ਨੂੰ ਮਿਲੀ। ਜਿਸ ਨੇ ਆਪ ਨੇ ਹੂੰਝਾ ਮਾਰ ਸੀਟਾਂ ਹਾਸਿਲ ਕੀਤੀਆਂ ਹਨ। ਜਿਸ ਤੋਂ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਵਾਰ 2024 ਦੀਆਂ ਲੋਕਸਭਾ ਚੋਣਾਂ ਵਿੱਚ ਵੀ ਇੱਕ ਵੱਡਾ ਉਲਟਫੇਰ ਦੇਖਣ ਨੂੰ ਮਿਲ ਸਕਦਾ ਹੈ।

Comment here