ਰੂਸ-ਯੂਕਰੇਨ ਦੇ ਮੁੱਦੇ ਤੇ ਸਾਨੂੰ ਸਲਾਹ ਦੀ ਲੋੜ ਨਹੀਂ-ਭਾਰਤ ਦਾ ਡਚ ਦੂਤ ਨੂੰ ਜੁਆਬ

ਨਿਊਯਾਰਕ- ਬ੍ਰਿਟੇਨ ‘ਚ ਨੀਦਰਲੈਂਡ ਦੇ ਰਾਜਦੂਤ ਕਾਰੇਲ ਵੈਨ ਓਸਟਰੋਮ ਨੇ ਕਿਹਾ ਕਿ ਭਾਰਤ ਨੂੰ ਯੂਕ੍ਰੇਨ ‘ਤੇ ਸੰਯੁਕਤ ਰਾਸ਼ਟਰ ਮਹਾਸਭਾ ‘ਚ ਹਿੱਸਾ ਨਹੀਂ ਲੈਣਾ ਚਾਹੀਦਾ ਸੀ। ਇਸ ਤੇ ਭਾਰਤ ਨੇ ਸਖਤ ਨਰਾਜ਼ਗੀ ਜਤਾਈ ਹੈ। ਸੰਯੁਕਤ ਰਾਸ਼ਟਰ ‘ਚ ਭਾਰਤ ਦੇ ਸਥਾਈ ਪ੍ਰਤੀਨਿਧੀ ਟੀ.ਐੱਸ. ਤ੍ਰਿਮੂਰਤੀ ਨੇ ਨੀਦਰਲੈਂਡ ਦੇ ਰਾਜਦੂਤ ਨੂੰ ਸਖਤ ਫਟਕਾਰ ਲਗਾਈ ਹੈ। ਤ੍ਰਿਮੂਰਤੀ ਨੇ ਤੁਰੰਤ ਡਚ ਦੂਤ ਨੂੰ ਜਵਾਬ ਦਿੱਤਾ ਅਤੇ ਕਿਹਾ ‘ਕਿਰਪਾ ਸਾਨੂੰ ਸਲਾਹ ਨਾ ਦਿਓ, ਸਾਨੂੰ ਪਤਾ ਹੈ ਕਿ ਕੀ ਕਰਨਾ ਹੈ। ਭਾਰਤ ਨੇ ਜਨਵਰੀ ਤੋਂ ਬਾਅਦ ਤੋਂ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ, ਮਹਾਸਭਾ ਅਤੇ ਮਨੁੱਖਧਿਕਾਰ ਪ੍ਰੀਸ਼ਦ ‘ਚ ਯੂਕ੍ਰੇਨ ਦੇ ਖਿਲਾਫ ਰੂਸੀ ਹਮਲੇ ਦੀ ਆਲੋਚਨਾ ਕਰਨ ਵਾਲੇ ਪ੍ਰਕਿਰਿਆਤਮਕ ਵੋਟਾਂ ਅਤੇ ਮਸੌਦਾ ਪ੍ਰਸਤਾਵਾਂ ‘ਤੇ ਰੋਕ ਲਗਾ ਦਿੱਤੀ ਹੈ। ਰੂਸ-ਯੂਕ੍ਰੇਨ ਸੰਘਰਸ਼ ਦੀ ਸ਼ੁਰੂਆਤ ਤੋਂ ਬਾਅਦ ਤੋਂ ਹੀ ਭਾਰਤ ਨੇ ਵੱਖ-ਵੱਖ ਕੌਮਾਂਤਰੀ ਮੰਚਾਂ ‘ਤੇ ਇਸ ਮੁੱਦੇ ‘ਤੇ ਲਗਾਤਾਰ ਕੂਟਨੀਤਿਕ ਰੁੱਖ ਅਪਣਾਇਆ ਹੈ। ਭਾਰਤ ਨੇ ਯੂਕ੍ਰੇਨ ‘ਚ ਦੁਸ਼ਮਣੀ ਨੂੰ ਪੂਰੀ ਤਰ੍ਹਾਂ ਨਾਲ ਖਤਮ ਕਰਨ ਅਤੇ ਗੱਲਬਾਤ ਅਤੇ ਕੂਟਨੀਤੀ ਦੇ ਰਸਤੇ ‘ਤੇ ਚੱਲਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਯੂਕ੍ਰੇਨ ‘ਚ ਚੱਲ ਰਹੇ ਯੁੱਧ ਨੇ ਮਨੁੱਖੀ ਆਫਤ ਨੂੰ ਜਨਮ ਦਿੱਤਾ ਹੈ, ਜਿਸ ‘ਚ ਯੂਕ੍ਰੇਨ ਅਤੇ ਰੂਸ ਦੋਵਾਂ ਦੇ ਲਈ ਨਾਗਰਿਕ ਮੌਤਾਂ ਅਤੇ ਮਿਲਟਰੀ ਨੁਕਸਾਨ ਤੋਂ ਇਲਾਵਾ 5 ਮਿਲੀਅਨ ਤੋਂ ਜ਼ਿਆਦਾ ਲੋਕ ਦੇਸ਼ ਤੋਂ ਕੂਚ ਕਰ ਗਏ ਹਨ। ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ‘ਚ ਤ੍ਰਿਮੂਰਤੀ ਨੇ ਕਿਹਾ ਕਿ ਭਾਰਤ ਦਾ ਮੰਨਣਾ ਹੈ ਕਿ ਯੂਕ੍ਰੇਨ ਸੰਘਰਸ਼ ‘ਚ ਕੋਈ ਜੇਤੂ ਨਹੀਂ ਹੋਵੇਗਾ, ਇਸ ਸੰਘਰਸ਼ ‘ਚ ਭਾਰਤ ਸ਼ਾਂਤੀ ਦੇ ਵੱਲ ਹੈ। ਯੂਕ੍ਰੇਨ ਦੀ ਸਥਿਤੀ ‘ਤੇ ਸਿੱਧਾ ਬਿਆਨ ਦਿੰਦੇ ਹੋਏ ਤ੍ਰਿਮੂਰਤੀ ਨੇ ਕਿਹਾ ਕਿ ਭਾਰਤ ਲਗਾਤਾਰ ਪੂਰੀ ਤਰ੍ਹਾਂ ਨਾਲ ਯੁੱਧ ਰੋਕਣ ‘ਤੇ ਗੱਲਬਾਤ ਅਤੇ ਕੂਟਨੀਤੀ ਦੇ ਰਾਹੀਂ ਯੂਕ੍ਰੇਨ ਵਿਵਾਦ ਦੇ ਕਿਸੇ ਹੱਲ ਨੂੰ ਕੱਢੇ ਜਾਣ ਦੀ ਅਪੀਲ ਕਰ ਰਿਹਾ ਹੈ। ਭਾਰਤ ਬੂਚਾ ‘ਚ ਨਾਗਰਿਕਾਂ ਦੇ ਮਾਰੇ ਜਾਣ ਦੇ ਵੀ ਸਖ਼ਤ ਸ਼ਬਦਾਂ ‘ਚ ਆਲੋਚਨਾ ਕਰਦਾ ਹੈ ਅਤੇ ਇਸ ਮਾਮਲੇ ਦੀ ਸੁਤੰਤਰ ਜਾਂਚ ਕਰਵਾਏ ਜਾਣ ਦੀ ਮੰਗ ਦਾ ਸਮਰਥਨ ਕਰਦਾ ਹੈ। ਭਾਰਤ ਇਸ ਯੁੱਧ ‘ਚ ਸ਼ਾਂਤੀ ਦੇ ਵੱਲ ਹੈ ਅਤੇ ਇਸ ਲਈ ਮੰਨਦਾ ਹੈ ਕਿ ਇਸ ਯੁੱਧ ‘ਚ ਕਿਸੇ ਦੀ ਜਿੱਤ ਨਹੀਂ ਹੋਵੇਗੀ ਸਗੋਂ ਇਸ ਯੁੱਧ ‘ਚ ਪ੍ਰਭਾਵਿਤ ਹੋਏ ਲੋਕ ਅੱਗੇ ਵੀ ਇਸ ਦਾ ਅਸਰ ਝੱਲਣਗੇ।