ਰੂਸ ਦਾ ਯੂਕਰੇਨ ’ਤੇ ਹਮਲਾ ਐੱਫਏਟੀਐੱਫ ਦੇ ਸਿਧਾਂਤ ਦੀ ਉਲੰਘਣਾ-ਟੀ. ਰਾਜਾ

ਨਵੀਂ ਦਿੱਲੀ–ਫਾਇਨਾਂਸ਼ੀਅਲ ਐਕਸ਼ਨ ਟਾਸਕ ਫੋਰਸ ਦੇ ਪ੍ਰਧਾਨ ਟੀ. ਰਾਜਾ ਕੁਮਾਰ ਨੇ ਕਿਹਾ ਕਿ ਅਸੀਂ ਯੂਕਰੇਨ ’ਤੇ ਰੂਸ ਦੇ ਹਮਲੇ ਦੀ ਵਾਰ-ਵਾਰ ਨਿੰਦਿਆ ਕੀਤੀ। ਇਸ ਹਫ਼ਤੇ ਚਰਚਾ ਕਰਨ ਤੋਂ ਬਾਅਦ ਅਸੀਂ ਰੂਸ ’ਤੇ ਕਈ ਪਾਬੰਦੀਆਂ ਲਗਾਉਣ ਦਾ ਫ਼ੈਸਲਾ ਲਿਆ ਹੈ। ਐੱਫ. ਏ. ਟੀ. ਐੱਫ. ਨੇ ਰੂਸ ਦੇ ਭਵਿੱਖ ਦੀਆਂ ਯੋਜਨਾਵਾਂ ’ਚ ਹਿੱਸਾ ਲੈਣ ’ਤੇ ਰੋਕ ਲਗਾ ਦਿੱਤੀ ਹੈ।ਇਸ ’ਚ ਮੈਂਬਰ ਦੇ ਰੂਪ ’ਚ ਐੱਫ. ਏ. ਟੀ. ਐੱਫ. ਦੀਆਂ ਖੇਤਰੀ ਭਾਈਵਾਲ ਸੰਸਥਾਵਾਂ ਦੀਆਂ ਬੈਠਕਾਂ ’ਚ ਹਿੱਸਾ ਲੈਣਾ ਵੀ ਸ਼ਾਮਲ ਹੈ।
ਟੀ. ਰਾਜਾ ਕੁਮਾਰ ਨੇ ਇਹ ਟਿੱਪਣੀ ਸ਼ੁੱਕਰਵਾਰ ਨੂੰ ਖ਼ਤਮ ਹੋਏ ਐੱਫ. ਏ. ਟੀ. ਐੱਫ. ਦੇ ਦੋ ਦਿਨਾ ਸੈਸ਼ਨ ਤੋਂ ਬਾਅਦ ਪ੍ਰੈੱਸ ਕਾਨਫਰੰਸ ਦੌਰਾਨ ਕੀਤੀ। ਉਨ੍ਹਾਂ ਕਿਹਾ ਕਿ ਰੂਸ ਨੇ ਯੂਕਰੇਨ ’ਤੇ ਹਮਲਾ ਕਰਕੇ ਐੱਫ. ਏ. ਟੀ. ਐੱਫ. ਦੇ ਮੂਲ ਸਿਧਾਂਤ ਦੀ ਉਲੰਘਣਾ ਕੀਤੀ ਹੈ, ਜਿਸ ਦਾ ਮਕਸਦ ਕਿਸੇ ਵੀ ਦੇਸ਼ ਦੀ ਸੁਰੱਖਿਆ, ਵਿੱਤੀ ਪ੍ਰਣਾਲੀ ਦੀ ਏਕਤਾ ਨੂੰ ਹੁੰਗਾਰਾ ਦੇਣਾ ਹੈ।
ਐੱਫ. ਏ. ਟੀ. ਐੱਫ. ਨੇ ਰੂਸ ਦੀ ਭੂਮਿਕਾ ’ਤੇ ਹੋਰ ਪਾਬੰਦੀ ਲਗਾਉਣ ਦਾ ਫ਼ੈਸਲਾ ਕੀਤਾ ਹੈ, ਜਿਸ ’ਚ ਉਸ ਨੂੰ ਮੌਜੂਦਾ ਤੇ ਭਵਿੱਖ ਦੀਆਂ ਢਅਠਢ ਦੀਆ ਯੋਜਨਾਵਾਂ ’ਚ ਹਿੱਸਾ ਲੈਣ ਤੋਂ ਰੋਕ ਦਿੱਤਾ ਗਿਆ ਹੈ। ਦੂਜੇ ਪਾਸੇ ਢਅਠਢ ਨੇ ਮਿਆਂਮਾਰ ਨੂੰ ਬਲੈਕ ਲਿਸਟ ਕਰ ਦਿੱਤਾ ਹੈ। ਅਸਲ ’ਚ ਸੰਸਥਾ ਨੇ ਮਿਆਂਮਾਰ ਦੀ ਤਰੱਕੀ ਦੀ ਘਾਟ ਬਾਰੇ ਚਿੰਤਾ ਜਤਾਈ। ਦੇਸ਼ ਆਪਣੀ ਕਾਰਜ ਯੋਜਨਾ ਨੂੰ ਪੂਰਾ ਕਰਨ ’ਚ ਨਾਕਾਮ ਰਿਹਾ ਹੈ।