ਪੇਇਚਿੰਗ- ਚੀਨ ਨੇ ਰੂਸ ਦੀ ਸਰਹੱਦ ‘ਤੇ ਫੌਜੀਆਂ ਨਾਲ ਲੱਦੇ ਚੀਨੀ ਫੌਜੀ ਟਰੱਕਾਂ ਦੇ ਕਾਫਲੇ ਦੀ ਫੋਟੋ ਸਮੇਤ ਰੂਸ ‘ਚ ਫੌਜ ਭੇਜਣ ਦੀਆਂ ਅਫਵਾਹਾਂ ਦਾ ਖੰਡਨ ਕੀਤਾ ਹੈ। ਮੀਡੀਆ ‘ਚ ਆਈ ਇਕ ਰਿਪੋਰਟ ‘ਚ ਇਹ ਗੱਲ ਕਹੀ ਗਈ ਹੈ। ਚੀਨ ਦੇ ਇੰਟਰਨੈਟ ਵਾਚਡੌਗ, ਸਾਈਬਰਸਪੇਸ ਐਡਮਿਨਿਸਟ੍ਰੇਸ਼ਨ ਆਫ ਚਾਈਨਾ (ਸੀਏਸੀ) ਦਾ ਕਹਿਣਾ ਹੈ ਕਿ ਟਵਿੱਟਰ ‘ਤੇ ਸ਼ੇਅਰ ਕੀਤੀ ਜਾ ਰਹੀ ਇੱਕ ਫੋਟੋ 2021 ਵਿੱਚ ਪਹਿਲੀ ਵਾਰ ਪ੍ਰਕਾਸ਼ਿਤ ਕੀਤੀ ਗਈ ਇੱਕ ਫੋਟੋ ਦਾ ਛੋਟਾ (ਕਰੋਪਡ) ਫਾਰਮੈਟ ਹੈ। ਚੀਨ ਨੇ ਇਸ ਤੋਂ ਪਹਿਲਾਂ ਉਨ੍ਹਾਂ ਰਿਪੋਰਟਾਂ ਦਾ ਖੰਡਨ ਕੀਤਾ ਸੀ ਕਿ ਰੂਸ ਨੇ ਯੂਕਰੇਨ ਵਿੱਚ ਆਪਣੀ ਫੌਜੀ ਕਾਰਵਾਈ ਲਈ ਫੌਜੀ ਸਹਾਇਤਾ ਮੰਗੀ ਸੀ। ਹਾਂਗਕਾਂਗ ਤੋਂ ਪ੍ਰਕਾਸ਼ਿਤ ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਖਬਰ ਦੇ ਮੁਤਾਬਕ, ਸੀਏਸੀ ਨੇ ਕਿਹਾ ਕਿ ਆਨਲਾਈਨ ਪਲੇਟਫਾਰਮ ‘ਤੇ ਕਈ ਫਰਜ਼ੀ ਖਬਰਾਂ ਹਨ ਜੋ ਯੂਕਰੇਨ ਯੁੱਧ ‘ਚ ਚੀਨ ਦੇ ਰੁਖ ਨੂੰ ਬਦਨਾਮ ਕਰਨ ਵਾਲੀਆਂ ਹਨ। ਚੀਨੀ ਫੌਜੀ ਵਾਹਨਾਂ ਦੇ ਲੰਬੇ ਕਾਫਲੇ ਦੀ ਰਾਤ ਨੂੰ ਲੰਘ ਰਹੇ ਅਤੇ ਸੈਨਿਕਾਂ ਨਾਲ ਲੱਦੇ ਹੋਏ ਇੱਕ ਫੋਟੋ ਨੂੰ ਟਵਿੱਟਰ ‘ਤੇ ਸਾਂਝਾ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਇਹ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਚੀਨ ਰੂਸ ਨੂੰ ਸਹਾਇਤਾ ਪ੍ਰਦਾਨ ਕਰ ਰਿਹਾ ਹੈ। ਸੀਏਸੀ ਨੇ ਕਿਹਾ ਕਿ ਇਹ ਅਸਲ ਵਿੱਚ ਮਈ 2021 ਦੀ ਤਸਵੀਰ ਦਾ ਸੰਪਾਦਿਤ ਫਾਰਮੈਟ ਹੈ।
ਰੂਸੀ ਸਰਹੱਦ ‘ਤੇ ਚੀਨੀ ਸੈਨਿਕਾਂ ਦੀ ਤਸਵੀਰ ਦੀ ਖ਼ਬਰ ਫਰਜ਼ੀ: ਚੀਨ
Comment here