ਰਾਜੌਰੀ- ਜੰਮੂ ਕਸ਼ਮੀਰ ਦੇ ਕਿਸੇ ਵੇਲੇ ਅੱਤਵਾਦ ਦਾ ਸਭ ਤੋਂ ਵੱਧ ਸਾਹਮਣਾ ਕਰਦੇ ਰਹੇ ਰਾਜੌਰੀ ਦੇ ਲੋਕਾਂ ਦੀ ਦਸ਼ਾ ਹੁਣ ਬਿਲਕੁਲ ਬਦਲ ਰਹੀ ਹੈ, ਪ੍ਰਸ਼ਾਸਨ ਇਹਨਾਂ ਨੂੰ ਹਰ ਤਰਾਂ ਦੀ ਸਹੂਲਤ ਦੇਣ ਲਈ ਯਤਨਸ਼ੀਲ ਹੈ, ਰਾਜੌਰੀ ਦਾ ਗ੍ਰਾਮੀਣ ਵਿਕਾਸ ਵਿਭਾਗ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਦੇ ਅਧੀਨ ਗਰੀਬੀ ਰੇਖਾ ਤੋਂ ਹੇਠਾਂ ਰਹਿਣ ਵਾਲੇ ਲੋਕਾਂ ਲਈ ਡ੍ਰਾਮਨ ਪੰਚਾਇਤ ’ਚ ਪੱਕੇ ਮਕਾਨ ਬਣਾ ਰਿਹਾ ਹੈ। ਮਨਰੇਗਾ ਯੋਜਨਾ ਦੇ ਅਧੀਨ ਡ੍ਰਾਮਨ ਪੰਚਾਇਤ ਦੇ ਦੂਰ ਦੇ ਪਹਾੜੀ ਖੇਤਰ ਦੇ ਲੋਕਾਂ ਨੂੰ ਵੀ ਰੁਜ਼ਗਾਰ ਉਪਲੱਬਧ ਕਰਵਾਇਆ ਗਿਆ ਹੈ। ਇਸ ਯੋਜਨਾ ਦੇ ਲਾਭਪਾਤਰੀ, ਜੋ ਪਹਿਲੇ ਕੱਚੇ ਘਰਾਂ ’ਚ ਰਹਿ ਰਹੇ ਸਨ, ਉਨ੍ਹਾਂ ਨੂੰ ਸਰਦੀ ਦੇ ਮੌਸਮ ’ਚ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ, ਉਹ ਹੁਣ ਖੁਸ਼ ਹਨ,ਸਰਪੰਚ ਅਬਦੁੱਲ ਰਹਿਮਾਨ ਨੇ ਕਿਹਾ ਕਿ ਪੀ.ਐੱਮ.ਏ.ਵਾਈ. ਦੇ ਅਧੀਨ ਇੱਥੇ 200 ਪੱਕੇ ਮਕਾਨ ਬਣਾਏ ਜਾ ਰਹੇ ਹਨ। ਇਲਾਕੇ ਦੇ ਵਾਸੀ ਮੁਸ਼ਤਾਕ ਅਹਿਮਦ ਨੇ ਦੱਸਿਆ,‘‘ਅਸੀਂ ਸਰਕਾਰ ਦਾ ਧੰਨਵਾਦ ਕਰਦੇ ਹਾਂ… ਹੁਣ ਤੱਕ ਅਸੀਂ ਕੱਚੇ ਘਰਾਂ ’ਚ ਰਹਿ ਰਹੇ ਸੀ, ਬਹੁਤ ਸਾਰੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਸੀ। ਹੁਣ, ਅਸੀਂ ਬਹੁਤ ਖੁਸ਼ ਹਾਂ, ਤੇ ਸਾਨੂ ਆਪਣੇ ਪਿੰਡ ’ਚ ਹੀ ਕੰਮ ਦਿੱਤਾ ਜਾ ਰਿਹਾ ਹੈ ਅਤੇ ਹੁਣ ਕੰਮ ਦੀ ਭਾਲ ’ਚ ਦਿੱਲੀ, ਪੰਜਾਬ ਜਾਂ ਹੋਰ ਸੂਬਿਆਂ ’ਚ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਉਨ੍ਹਾਂ ਕਿਹਾ,‘‘ਸਰਦੀਆਂ ਦੇ ਮੌਸਮ ’ਚ ਸਾਡੇ ਪਿੰਡ ’ਚ 5 ਫੁੱਟ ਬਰਫ਼ ਜੰਮ ਜਾਂਦੀ ਹੈ, ਜਿਸ ਨਾਲ ਕਰੀਬ 200 ਕੱਚੇ ਘਰ ਨੁਕਸਾਨੇ ਜਾਂਦੇ ਹਨ। ਮੋਦੀ ਸਰਕਾਰ ਇਕ ਬਹੁਤ ਚੰਗੀ ਯੋਜਨਾ ਲੈ ਕੇ ਆਈ ਹੈ ਅਤੇ ਇਹ ਸਾਡੇ ਲਈ ਬਹੁਤ ਚੰਗੀ ਹੈ।’’
Comment here