ਅਪਰਾਧਸਿਆਸਤਖਬਰਾਂ

ਯੋਗੀ ਸਰਕਾਰ ਨੇ ਲਖੀਮਪੁਰ ਖੀਰੀ ਹਿੰਸਾ ਨੂੰ 24 ਘੰਟਿਆਂ ਦੇ ਅੰਦਰ ਨਜਿੱਠਿਆ

ਵਿਰੋਧੀ ਧਿਰ ਦਾ ਠੰਡਾ ਪਿਆ, ਬਦਲੇ ਸਿਆਸੀ ਹਾਲਾਤ
ਲਖੀਮਪੁਰ ਖੀਰੀ-ਲੰਘੇ ਦਿਨੀਂ ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੀਰੀ ’ਚ ਹੋਈ ਹਿੰਸਾ ਨੂੰ ਲੈ ਕੇ ਵਿਰੋਧੀ ਧਿਰ ਦੇ ਹੋਰ ਨੇਤਾਵਾਂ ਨੇ ਜੋ ਸਿਆਸੀ ਰੌਲਾ ਪਾਇਆ, ਉਸ ਨਾਲ ਯੋਗੀ ਸਰਕਾਰ ਅਤੇ ਪ੍ਰਸ਼ਾਸਨ ਦੇ ਹੱਥ-ਪੈਰ  ਫੂਲ ਗਏ ਸੀ ਪਰ ਜਿਸ ਤਰ੍ਹਾਂ ਨਾਲ ਯੋਗੀ ਸਰਕਾਰ ਵੱਲੋਂ 24 ਘੰਟਿਆਂ ਦੇ ਅੰਦਰ ਪੂਰੇ ਘਟਨਾਕ੍ਰਮ ਨਾਲ ਨਜਿੱਠਿਆ ਗਿਆ, ਉਸ ਨਾਲ ਵਿਰੋਧੀ ਧਿਰ ਦਾ ਦਾਅ ਹੁਣ ਫਿਰ ਤੋਂ ਠੰਡਾ ਪੈਂਦਾ ਵਿਖਾਈ ਦੇ ਰਿਹਾ ਹੈ।
ਇਸ ਪੂਰੇ ਘਟਨਾਕ੍ਰਮ ਨੂੰ ਵੇਖਦੇ ਹੋਏ ਉੱਤਰ ਪ੍ਰਦੇਸ਼ ਸਰਕਾਰ ਅਲਰਟ ’ਤੇ ਸੀ। ਤਿਕੁਨੀਆ ਇਲਾਕੇ ’ਚ ਭਾਰੀ ਪੁਲਸ ਫੋਰਸ ਨੇ ਮੋਰਚਾ ਸੰਭਾਲ ਲਿਆ ਸੀ। ਵਿਰੋਧੀ ਧਿਰ ਅਤੇ ਕਿਸਾਨ ਆਗੂਆਂ ਵੱਲੋਂ ਵੱਡੇ ਪੱਧਰ ’ਤੇ ਪ੍ਰਦਰਸ਼ਨ ਦੀ ਯੋਜਨਾ ਸੀ ਪਰ ਸਭ ਧਰਿਆ-ਧਰਾਇਆ ਰਹਿ ਗਿਆ।
ਯੋਗੀ ਸਰਕਾਰ ਦਾ ਐਕਸ਼ਨ
ਹਾਲ ਦੇ ਘਟਨਾਕ੍ਰਮ ’ਤੇ ਨਜ਼ਰ ਮਾਰੀਏ ਤਾਂ ਗੋਰਖਪੁਰ ਹੱਤਿਆ ਕਾਂਡ, ਮਹੰਤ ਨਰੇਂਦਰ ਗਿਰੀ ਕੇਸ, ਕਾਨਪੁਰ ’ਚ 48 ਘੰਟਿਆਂ ਦੇ ਅੰਦਰ 6 ਕਤਲ ਦੇ ਮਾਮਲੇ ’ਚ ਯੋਗੀ ਸਰਕਾਰ ਘਿਰੀ ਸੀ। ਵਿਰੋਧੀ ਧਿਰ ਇਨ੍ਹਾਂ ਮਾਮਲਿਆਂ ਨੂੰ ਲੈ ਕੇ ਸਰਕਾਰ ’ਤੇ ਹਮਲਾਵਰ ਸੀ। ਇਨ੍ਹਾਂ ਮਾਮਲਿਆਂ ਦੇ ਨਿਪਟਾਰੇ ’ਚ ਕੁਝ ਦਿਨ ਭਾਵੇਂ ਹੀ ਲੱਗ ਗਏ ਹੋਣ ਪਰ ਜੋ ਹਾਲਾਤ ਲਖੀਮਪੁਰ ਖੀਰੀ ’ਚ ਸਨ, ਉਸ ਤਰ੍ਹਾਂ ਦੇ ਉਥੇ ਨਹੀਂ ਸਨ, ਇਸ ਲਈ ਸ਼ਾਇਦ ਲਖੀਮਪੁਰ ਹਿੰਸਾ ’ਤੇ ਯੋਗੀ ਸਰਕਾਰ ਦੇ ਕਦਮ ਦਾ ਅੰਦਾਜ਼ਾ ਵਿਰੋਧੀ ਧਿਰ ਨੂੰ ਵੀ ਨਹੀਂ ਸੀ।
ਬਿਆਨ ਤੋਂ ਨਾਰਾਜ਼ ਕਿਸਾਨ
ਅਜੇ ਮਿਸ਼ਰਾ ਟੇਨੀ ਨੇ ਕੁਝ ਦਿਨ ਪਹਿਲਾਂ ਕਿਸਾਨਾਂ ਨੂੰ ਲੈ ਕੇ ਧਮਕੀ ਭਰਿਆ ਵਿਵਾਦਿਤ ਬਿਆਨ ਦਿੱਤਾ ਸੀ। ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੇ ਵੀਡੀਓ ਵਿਚ ਮੰਤਰੀ ਅਜੇ ਮਿਸ਼ਰਾ ਕਹਿੰਦੇ ਹਨ ਕਿ ਜੋ ਕਿਸਾਨ ਪ੍ਰਦਰਸ਼ਨ ਕਰ ਰਹੇ ਹਨ, ਜੇਕਰ ਮੈਂ ਪਹੁੰਚ ਗਿਆ ਤਾਂ ਭੱਜਣ ਦਾ ਰਾਹ ਨਹੀਂ ਮਿਲੇਗਾ। ਲੋਕ ਜਾਣਦੇ ਹਨ ਕਿ ਮੈਂ ਵਿਧਾਇਕ, ਸੰਸਦ ਮੈਂਬਰ ਬਣਨ ਤੋਂ ਪਹਿਲਾਂ ਕੀ ਸੀ, ਜਿਸ ਚੁਣੌਤੀ ਨੂੰ ਸਵੀਕਾਰ ਕਰ ਲੈਂਦਾ ਹਾਂ, ਉਸ ਨੂੰ ਪੂਰਾ ਕਰ ਕੇ ਹੀ ਸਾਹ ਲੈਂਦਾ ਹਾਂ। ਸੁਧਰ ਜਾਓ, ਨਹੀਂ ਤਾਂ 2 ਮਿੰਟ ਦਾ ਸਮਾਂ ਲੱਗੇਗਾ, ਲਖੀਮਪੁਰ ਖੀਰੀ ਤੋਂ ਭੱਜਣ ਦਾ ਮੌਕਾ ਨਹੀਂ ਮਿਲੇਗਾ। ਅਜੇ ਮਿਸ਼ਰਾ ਦੇ ਇਸ ਬਿਆਨ ਤੋਂ ਬਾਅਦ ਹੀ ਕਿਸਾਨ ਨਾਰਾਜ਼ ਸਨ।
ਵੱਡੀਆਂ ਘਟਨਾਵਾਂ ਦੀ ਸਥਿਤੀ
ਉੱਤਰ ਪ੍ਰਦੇਸ਼ ਸਰਕਾਰ ਕਾਨਪੁਰ ਦੇ ਵਪਾਰੀ ਮਨੀਸ਼ ਗੁਪਤਾ ਕਤਲ ਮਾਮਲੇ ਦੀ ਜਾਂਚ ਸੀ. ਬੀ. ਆਈ. ਤੋਂ ਕਰਾਉਣ ਦੀ ਸਿਫਾਰਿਸ਼ ਕਰ ਚੁੱਕੀ ਹੈ ਪਰ ਸੀ. ਬੀ. ਆਈ. ਦੇ ਕੇਸ ਹੱਥ ’ਚ ਲੈਣ ਤੋਂ ਪਹਿਲਾਂ ਐੱਸ. ਆਈ. ਟੀ. ਤਫਤੀਸ਼ ਕਰਦੀ ਰਹੇਗੀ। ਇਸ ਮਾਮਲੇ ’ਚ ਯੂ. ਪੀ. ਪੁਲਸ ਦੀ ਖੂਬ ਬੇਇੱਜ਼ਤੀ ਹੋਈ ਸੀ। ਵਿਰੋਧੀ ਧਿਰ ਦੇ ਨੇਤਾ ਪੁਲਸ ਦੀ ਭੂਮਿਕਾ ’ਤੇ ਸਰਕਾਰ ਨੂੰ ਘੇਰ ਰਹੇ ਸਨ। ਪ੍ਰਯਾਗਰਾਜ ’ਚ ਮਹੰਤ ਨਰੇਂਦਰ ਗਿਰੀ ਦੀ ਖ਼ੁਦਕੁਸ਼ੀ ਦਾ ਮਾਮਲਾ ਹੁਣ ਸੀ. ਬੀ. ਆਈ. ਦੇ ਕੋਲ ਹੈ। ਮਹੰਤ ਨਰੇਂਦਰ ਗਿਰੀ ਮੌਤ ਕਾਂਡ ਦੀ ਜਾਂਚ ’ਚ ਲੱਗੀ ਸੀ. ਬੀ. ਆਈ. ਨੇ ਹੁਣ ਉਨ੍ਹਾਂ ਦੇ ਇਕ ਹੋਰ ਮੱਠ ਨਾਲ ਜੁੜੇ ਲੈਣ-ਦੇਣ ਦੇ ਮਾਮਲਿਆਂ ’ਤੇ ਨਜ਼ਰ ਟਿਕਾ ਦਿੱਤੀ ਹੈ।

Comment here