ਅਪਰਾਧਖਬਰਾਂਚਲੰਤ ਮਾਮਲੇ

ਮੁਸਲਮ ਪ੍ਰੇਮੀ ਨੇ ਹਿੰਦੂ ਪ੍ਰੇਮਿਕਾ ਦਾ ਸਿਰ ਵੱਢ ਕੇ ਨਾਲੇ ’ਚ ਸੁੱਟਿਆ

ਢਾਕਾ-ਬੰਗਲਾਦੇਸ਼ ਵਿੱਚ ਇੱਕ ਹਿੰਦੂ ਲੜਕੀ ਨਾਲ ਬੇਰਹਿਮੀ ਦੀ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਬੰਗਲਾਦੇਸ਼ ’ਚ ਅਬੂ ਬਕਰ ਸਿੱਦੀਕੀ ਨਾਂ ਦੇ ਵਿਅਕਤੀ ਵੱਲੋਂ ਆਫਤਾਬ ਵਰਗੀ ਆਪਣੀ ਹਿੰਦੂ ਪ੍ਰੇਮੀ ਕਵਿਤਾ ਰਾਣੀ ਨੂੰ ਭਿਆਨਕ ਮੌਤ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅਬੂ ਬਕਰ ਨੇ ਪਹਿਲਾਂ ਕਵਿਤਾ ਦਾ ਸਿਰ ਕਲਮ ਕੀਤਾ ਅਤੇ ਫਿਰ ਲਾਸ਼ ਦੇ ਟੁਕੜੇ ਕਰ ਕੇ ਨਾਲੇ ਵਿੱਚ ਸੁੱਟ ਦਿੱਤਾ।
ਅਬੂ ਬਕਰ ਨੇ ਪਹਿਲਾਂ ਕਵਿਤਾ ਰਾਣੀ ਦਾ ਸਿਰ ਕਲਮ ਕੀਤਾ, ਫਿਰ ਉਸਦੇ ਹੱਥ ਵੱਢ ਦਿੱਤੇ ਅਤੇ ਪਲਾਸਟਿਕ ਦੇ ਪੋਲੀਥੀਨ ਵਿੱਚ ਲਪੇਟ ਕੇ ਨਾਲੇ ਵਿੱਚ ਸੁੱਟ ਦਿੱਤਾ। ਵਾਇਸ ਆਫ ਬੰਗਲਾਦੇਸ਼ ਹਿੰਦੂਸ ਨੇ ਇੱਕ ਟਵੀਟ ਵਿੱਚ ਕਿਹਾ ਕਿ 7 ਨਵੰਬਰ ਨੂੰ ਬੰਗਲਾਦੇਸ਼ ਦੇ ਖੁੱਲਨਾ ਜ਼ਿਲ੍ਹੇ ਦੇ ਸੋਨਾਡਾੰਗਾ ਵਿੱਚ ਕਵਿਤਾ ਰਾਣੀ ਦਾ ਉਸਦੇ ਵਿਆਹੁਤਾ ਪ੍ਰੇਮੀ ਅਬੂ ਬਕਰ ਨੇ ਸਿਰ ਕਲਮ ਕਰ ਦਿੱਤਾ ਸੀ। ਉਸ ਨੂੰ ਬਾਅਦ ਵਿਚ ਰੈਪਿਡ ਐਕਸ਼ਨ ਬਟਾਲੀਅਨ (ਆਰ.ਏ.ਬੀ.) ਨੇ ਗ੍ਰਿਫਤਾਰ ਕਰ ਲਿਆ ਸੀ। ਅਸਲ ’ਚ ਜਦੋਂ ਕਵਿਤਾ ਨੂੰ ਪਤਾ ਲੱਗਾ ਕਿ ਅਬੂ ਬਕਰ ਦਾ ਵਿਆਹ ਹੋ ਗਿਆ ਹੈ ਤਾਂ ਦੋਹਾਂ ’ਚ ਕਾਫੀ ਝਗੜਾ ਹੋਇਆ, ਜਿਸ ਤੋਂ ਬਾਅਦ ਅਬੂ ਨੇ ਉਸ ਦੀ ਹੱਤਿਆ ਕਰ ਦਿੱਤੀ।
ਇਸੇ ਤਰ੍ਹਾਂ ਦੀ ਇੱਕ ਘਟਨਾ ਨੇ ਹਾਲ ਹੀ ਵਿੱਚ ਦਿੱਲੀ ਵਿੱਚ ਹੈਰਾਨ ਕਰ ਦਿੱਤਾ ਜਦੋਂ ਆਫਤਾਬ ਅਮੀਨ ਪੂਨਾਵਾਲਾ (28) ਨੇ ਜਾਂਚਕਰਤਾਵਾਂ ਨੂੰ ਕਬੂਲ ਕੀਤਾ ਕਿ ਉਸਨੇ ਆਪਣੀ ਪਛਾਣ ਛੁਪਾਉਣ ਲਈ ਆਪਣੀ ਲਿਵ-ਇਨ ਪਾਰਟਨਰ ਸ਼ਰਧਾ ਵਾਕਰ ਦਾ ਚਿਹਰਾ ਸਾੜ ਦਿੱਤਾ ਸੀ। ਸੂਤਰਾਂ ਨੇ ਦੱਸਿਆ ਕਿ 18 ਮਈ ਨੂੰ ਉਸ ਦੀ ਹੱਤਿਆ ਕਰਨ ਤੋਂ ਬਾਅਦ ਆਫਤਾਬ ਨੇ 10 ਘੰਟਿਆਂ ’ਚ ਲਾਸ਼ ਦੇ 35 ਟੁਕੜੇ ਕਰ ਦਿੱਤੇ ਅਤੇ ਫਿਰ ਪੀੜਤਾ ਦਾ ਚਿਹਰਾ ਉਦੋਂ ਤੱਕ ਸਾੜ ਦਿੱਤਾ, ਜਦੋਂ ਤੱਕ ਉਸ ਦੀ ਪਛਾਣ ਨਹੀਂ ਹੋ ਸਕੀ।

Comment here