ਅਪਰਾਧਸਿਆਸਤਖਬਰਾਂ

ਮਹਿਲਾ ਪ੍ਰੋਫੈਸਰ ਨੇ ਪਾਕਿ ਹਾਈ ਕਮਿਸ਼ਨ ਦੇ ਇਤਰਾਜ਼ਯੋਗ ਸਵਾਲਾਂ ਦੀ ਕੀਤੀ ਸ਼ਿਕਾਇਤ

ਦਿੱਲੀ-ਅੰਮ੍ਰਿਤਸਰ ਦੀ ਰਹਿਣ ਵਾਲੀ ਪੰਜਾਬ ਯੂਨੀਵਰਸਿਟੀ ਦੇ ਇਕ ਮਹਿਲਾ ਪ੍ਰੋਫੈਸਰ ਨੇ ਦਿੱਲੀ ਸਥਿਤ ਪਾਕਿਸਤਾਨੀ ਹਾਈ ਕਮਿਸ਼ਨ ‘ਚ ਤਾਇਨਾਤ ਅਧਿਕਾਰੀ ‘ਤੇ ਇਤਰਾਜ਼ਯੋਗ ਸਵਾਲ ਕਰਨ ਦੇ ਦੋਸ਼ ਲਗਾਉਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭਾਰਤ ਦੇ ਵਿਦੇਸ਼ ਮੰਤਰਾਲੇ ਨੂੰ ਸ਼ਿਕਾਇਤ ਕੀਤੀ ਹੈ। ਪ੍ਰੋਫੈਸਰ ਨੇ ਦੱਸਿਆ ਕਿ ਉਸ ਨੇ ਐਬਟਾਬਾਦ ਸਥਿਤ ਇਕ ਯੂਨੀਵਰਸਿਟੀ ‘ਚ ਇਕ ਅੰਤਰਰਾਸ਼ਟਰੀ ਸੈਮੀਨਾਰ ‘ਚ ਲੈਕਚਰ ਦੇਣ ਲਈ ਜਾਣਾ ਸੀ। ਉਹ ਪਾਕਿਸਤਾਨ ਸਥਿਤ ਗੁਰੂ ਨਾਨਕ ਦੇਵ ਨਾਲ ਸਬੰਧਤ ਗੁਰਧਾਮਾਂ ਦੇ ਦਰਸ਼ਨ ਵੀ ਕਰਨਾ ਚਾਹੁੰਦੀ ਸੀ।
ਪਿਛਲੇ ਸਾਲ 15 ਮਾਰਚ ਨੂੰ ਉਸ ਨੇ ਆਨਲਾਈਨ ਅਰਜ਼ੀ ਰਾਹੀਂ 19 ਤੋਂ 25 ਮਾਰਚ ਤੱਕ ਵੀਜ਼ਾ ਮੰਗਿਆ ਸੀ। ਅਰਜ਼ੀ ‘ਚ, ਉਸਨੇ ਦੱਸਿਆ ਕਿ ਉਹ ਲਾਹੌਰ ਦੇ ਅਜਾਇਬ ਘਰ ਦਾ ਦੌਰਾ ਕਰਨਾ, ਉੱਥੇ ਫੋਟੋਗ੍ਰਾਫੀ ਕਰਨਾ ਅਤੇ ਉਸ ‘ਤੇ ਕੁਝ ਲਿਖਣਾ ਚਾਹੁੰਦੀ ਹੈ। ਜਦੋਂ ਉਹ ਵੀਜ਼ੇ ਲਈ ਪਾਕਿਸਤਾਨੀ ਹਾਈ ਕਮਿਸ਼ਨ ਗਈ ਤਾਂ ਇੱਥੇ ਅਧਿਕਾਰੀ ਨੇ ਅਸ਼ਲੀਲ ਗੱਲ ਕੀਤੀ ਅਤੇ ਕਈ ਇਤਰਾਜ਼ਯੋਗ ਸਵਾਲ ਪੁੱਛੇ ਗਏ। ਵੀਜ਼ਾ ਲਈ ਸਿਫਾਰਿਸ਼ ਲਈ ਕਿਹਾ ਗਿਆ। ਇਸ ‘ਤੇ ਪ੍ਰੋਫੈਸਰ ਨੇ ਕਿਹਾ ਕਿ ਉਸ ਨੂੰ ਸਿਫ਼ਾਰਿਸ਼ ਦੀ ਲੋੜ ਨਹੀਂ ਪਈ। ਉਸ ਕੋਲ ਸਾਰੇ ਦਸਤਾਵੇਜ਼ ਹਨ।
ਪ੍ਰੋਫ਼ੈਸਰ ਨੇ ਦੱਸਿਆ ਕਿ ਵੀਜ਼ਾ ਅਧਿਕਾਰੀ ਨੇ ਉਸ ਨੂੰ ਪੁੱਛਿਆ ਕਿ ਹੁਣ ਤੱਕ ਵਿਆਹ ਕਿਉਂ ਨਹੀਂ ਕੀਤਾ। ਉਹ ਬਿਨਾਂ ਵਿਆਹ ਦੇ ਕਿਵੇਂ ਰਹਿ ਸਕਦੀ ਹੈ। ਉਸ ਨੇ ਮਈ 2022 ‘ਚ ਇਸ ਦੀ ਸ਼ਿਕਾਇਤ ਪਾਕਿਸਤਾਨੀ ਹਾਈ ਕਮਿਸ਼ਨ ਤੋਂ ਉਥੇ ਪ੍ਰਧਾਨ ਮੰਤਰੀ ਤੇ ਪਾਕਿਸਤਾਨ ਦੇ ਵਿਦੇਸ਼ ਮੰਤਰਾਲੇ ਨੂੰ ਵੀ ਸ਼ਿਕਾਇਤ ਕੀਤੀ ਸੀ। ਪਰ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਇਸ ਤੋਂ ਬਾਅਦ ਉਸਨੇ ਅਕਤੂਬਰ 2022 ‘ਚ ਭਾਰਤ ਦੇ ਵਿਦੇਸ਼ ਮੰਤਰਾਲੇ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਹ ਸ਼ਿਕਾਇਤ ਭੇਜੀ। ਜਿੱਥੋਂ ਉਨ੍ਹਾਂ ਨੂੰ ਸ਼ਿਕਾਇਤ ਦਾ ਜਵਾਬ ਮਿਲਿਆ ਹੈ।
ਮਹਿਲਾ ਪ੍ਰੋਫੈਸਰ ਦੇ ਦੋਸ਼ਾਂ ‘ਤੇ ਵੀਰਵਾਰ ਨੂੰ ਪਾਕਿਸਤਾਨ ਦਾ ਜਵਾਬ ਆਇਆ ਹੈ। ਵਿਦੇਸ਼ ਮੰਤਰਾਲੇ ਦੀ ਬੁਲਾਰਾ ਮੁਮਤਾਜ਼ ਜ਼ਾਹਰਾ ਬਲੋਚ ਨੇ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਪਾਕਿਸਤਾਨੀ ਹਾਈ ਕਮਿਸ਼ਨ ‘ਚ ਆਉਣ ਵਾਲੇ ਲੋਕਾਂ ਨਾਲ ਦੁਰਵਿਵਹਾਰ ਬਿਲਕੁਲ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।

Comment here