ਮਹਾਂਮਾਰੀ ਦੌਰਾਨ ਬੰਦ ਭਾਰਤ-ਨੇਪਾਲ ਬੱਸ ਸੇਵਾ ਮੁੜ ਸ਼ੁਰੂ

ਸਿਲੀਗੁੜੀ-ਲੰਘੇ ਦਿਨ ਕੋਵਿਡ-19 ਮਹਾਂਮਾਰੀ ਦੇ ਕਾਰਨ ਸਿਲੀਗੁੜੀ ਅਤੇ ਨੇਪਾਲ ਵਿਚ ਕਾਠਮੰਡੂ ਵਿਚਕਾਰ ਬੱਸ ਸੇਵਾ ਡੇਢ ਸਾਲ ਤੋਂ ਵੱਧ ਸਮੇਂ ਤੋਂ ਮੁਅੱਤਲ ਰਹਿਣ ਤੋਂ ਬਾਅਦ ਮੁੜ ਸ਼ੁਰੂ ਹੋ ਗਈ ਹੈ। ਸਿਲੀਗੁੜੀ ਜੰਕਸ਼ਨ ਬੱਸ ਟਰਮੀਨਸ ਤੋਂ ਕੁਝ ਯਾਤਰੀਆਂ ਨੂੰ ਲੈ ਕੇ 45 ਸੀਟਾਂ ਵਾਲੀ ਬੱਸ ਕਾਠਮੰਡੂ ਲਈ ਰਵਾਨਾ ਹੋਈ। ਸਿਲੀਗੁੜੀ ਬੱਸ ਮਾਲਕਾਂ ਅਤੇ ਬੁਕਿੰਗ ਏਜੰਟ ਐਸੋਸੀਏਸ਼ਨ ਦੇ ਅਨੁਸਾਰ, ਬੱਸ ਕਾਕਰਵਿਟਾ, ਲਾਲਗੜ੍ਹ, ਨੌਬੀਸ ਦੇ ਰਸਤੇ ਕਾਠਮੰਡੂ ਪਹੁੰਚੇਗੀ। ਟੂਰ ਆਪਰੇਟਰਾਂ ਨੇ ਆਸ ਪ੍ਰਗਟਾਈ ਕਿ ਬੱਸ ਸੇਵਾ ਮੁੜ ਸ਼ੁਰੂ ਹੋਣ ਨਾਲ ਖੇਤਰ ਵਿਚ ਸੈਰ ਸਪਾਟੇ ਨੂੰ ਹੁਲਾਰਾ ਮਿਲੇਗਾ।
ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਤੋਸ਼ ਸਾਹਾ ਨੇ ਕਿਹਾ ਕਿ ਬੱਸ ਵਿਚ ਸਫ਼ਰ ਕਰਨ ਵਾਲੇ ਯਾਤਰੀਆਂ ਨੂੰ ਸਾਰੇ ਕੋਵਿਡ-ਸੇਫਟੀ ਪ੍ਰੋਟੋਕੋਲ ਦੀ ਪਾਲਣਾ ਕਰਨ ਤੋਂ ਇਲਾਵਾ ਪੂਰੀ ਤਰ੍ਹਾਂ ਟੀਕਾਕਰਨ ਕਰਨਾ ਹੋਵੇਗਾ। ਬੱਸ ਮੰਗਲਵਾਰ, ਵੀਰਵਾਰ ਅਤੇ ਸ਼ਨੀਵਾਰ ਨੂੰ ਦੁਪਹਿਰ 3 ਵਜੇ ਸਿਲੀਗੁੜੀ ਤੋਂ ਕਾਠਮੰਡੂ ਲਈ ਰਵਾਨਾ ਹੋਵੇਗੀ। ਦੱਸਿਆ ਗਿਆ ਕਿ ਟਿਕਟ ਦੀ ਕੀਮਤ 1500 ਰੁਪਏ ਹੈ।