ਬੰਗਾਲ-ਪੱਛਮੀ ਬੰਗਾਲ ਵਿਚ ਮਾਂ ਦੀ ਮੌਤ ਮਗਰੋਂ ਐਂਬੂਲੈਂਸ ਦਾ ਕਿਰਾਇਆ ਨਾ ਹੋਣ ‘ਤੇ ਮਜਬੂਰ ਪੁੱਤਰ ਆਪਣੇ ਮੋਢਿਆਂ ‘ਤੇ ਮਾਂ ਦੀ ਲਾਸ਼ ਨੂੰ ਚੁੱਕ ਕੇ ਸ਼ਮਸ਼ਾਨਘਾਟ ਪੁੱਜਾ। ਬੇਬਸ ਪੁੱਤਰ ਆਪਣੀ ਮਾਂ ਦੀ ਲਾਸ਼ ਨੂੰ ਕੱਪੜੇ ਵਿਚ ਬੰਨ੍ਹ ਕੇ ਮੋਢਿਆਂ ‘ਤੇ ਰੱਖ ਕੇ 50 ਕਿਲੋਮੀਟਰ ਦੂਰ ਸ਼ਮਸ਼ਾਨਘਾਟ ਲੈ ਗਿਆ। ਗਰੀਬ ਬਜ਼ੁਰਗ ਪਿਤਾ ਵੀ ਪੁੱਤਰ ਨਾਲ ਚਲਦਾ ਰਿਹਾ। ਘਟਨਾ ਜਲਪਾਈਗੁੜੀ ਜ਼ਿਲ੍ਹੇ ਦੇ ਕ੍ਰਾਨੀ ਇਲਾਕੇ ਦੀ ਹੈ। ਇਸ ਤਸਵੀਰ ਦੇ ਸਾਹਮਣੇ ਆਉਣ ਮਗਰੋਂ ਪ੍ਰਸ਼ਾਸਨਿਕ ਹਲਕਿਆਂ ਵਿਚ ਹਲ-ਚਲ ਪੈਦਾ ਹੋ ਗਈ ਹੈ।
ਇਹ ਲਾਸ਼ ਜਲਪਾਈਗੁੜੀ ਜ਼ਿਲ੍ਹੇ ਦੇ ਕ੍ਰਾਨੀ ਡਵੀਜ਼ਨ ਵਾਸੀ ਲਕਸ਼ਮੀ ਰਾਣੀ ਦੀ ਹੈ। ਉਨ੍ਹਾਂ ਨੂੰ ਬੁੱਧਵਾਰ ਨੂੰ ਜਲਪਾਈਗੁੜੀ ਸੁਪਰਸਪੈਸ਼ਲਿਸਟ ਹਸਪਤਾਲ ‘ਚ ਦਾਖ਼ਲ ਕਰਵਾਇਆ ਗਿਆ ਸੀ। ਵੀਰਵਾਰ ਸਵੇਰੇ ਉਨ੍ਹਾਂ ਦੀ ਮੌਤ ਹੋ ਗਈ। ਪਰਿਵਾਰਕ ਮੈਂਬਰਾਂ ਦਾ ਦਾਅਵਾ ਹੈ ਕਿ ਸਥਾਨਕ ਐਂਬੂਲੈਂਸ ਨੇ ਲਾਸ਼ ਲੈ ਕੇ ਜਾਣ ਲਈ 3 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਪਰ ਉਨ੍ਹਾਂ ਕੋਲ ਇੰਨੇ ਪੈਸੇ ਨਹੀਂ ਸਨ।
Comment here