ਭਾਰਤੀ ਮੂਲ ਦੀ ਨਿੱਕੀ ਹੇਲੀ ਤੋਂ ਪੱਛੜ ਰਹੇ ਰਾਸ਼ਟਰਪਤੀ ਬਾਈਡੇਨ : ਸਰਵੇ

ਵਾਸ਼ਿੰਗਟਨ-ਅਮਰੀਕਾ ਵਿਚ ਰਾਸ਼ਟਰਪਤੀ ਚੋਣ ਦੰਗਲ ਦੀਆਂ ਤਿਆਰੀਆਂ ਜੋਰਾਂ ‘ਤੇ ਹੈ। ਹਾਰਵਰਡ ਕੈਪਸ-ਹੈਰਿਸ ਪੋਲ ਦੇ ਨਵੇਂ ਸਰਵੇਖਣ ਅਨੁਸਾਰ ਭਾਰਤੀ-ਅਮਰੀਕੀ ਅਤੇ ਸੰਯੁਕਤ ਰਾਸ਼ਟਰ ਦੀ ਸਾਬਕਾ ਰਾਜਦੂਤ ਨਿੱਕੀ ਹੇਲੀ 2024 ਦੀਆਂ ਚੋਣਾਂ ਦੀ ਦੌੜ ’ਚ ਰਾਸ਼ਟਰਪਤੀ ਜੋ ਬਾਈਡੇਨ ਤੋਂ ਅੱਗੇ ਹੈ। ਸਰਵੇਖਣ ’ਚ ਪਾਇਆ ਕਿ ਬਾਈਡੇਨ ਅਮਰੀਕੀ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰਾਂ ’ਚ ਡੋਨਾਲਡ ਟਰੰਪ, ਹੇਲੀ ਅਤੇ ਟਿਮ ਸਕਾਟ ਤੋਂ ਪਿੱਛੇ ਚੱਲ ਰਹੇ ਹਨ ਪਰ ਭਾਰਤੀ-ਅਮਰੀਕੀ ਉਦਯੋਗਪਤੀ ਵਿਵੇਕ ਰਾਮਾਸਵਾਮੀ ਅਤੇ ਫਲੋਰੀਡਾ ਦੇ ਗਵਰਨਰ ਰੌਨ ਡਿਸੈਂਟਿਸ ਤੋਂ ਅੱਗੇ ਹਨ। ਜਦੋਂ 2024 ’ਚ ਹੇਲੀ ਅਤੇ ਬਾਈਡੇਨ ਵਿਚਾਲੇ ਇਕ ਕਾਲਪਨਿਕ ਮੁਕਾਬਲੇ ਦੇ ਸਬੰਧ ’ਚ ਪੁੱਛਿਆ ਗਿਆ, ਤਾਂ 41 ਫੀਸਦੀ ਲੋਕਾਂ ਨੇ ਕਿਹਾ ਕਿ ਉਹ ਹੇਲੀ ਦੀ ਹਮਾਇਤ ਕਰਨਗੇ, ਜਦੋਂ ਕਿ 37 ਫੀਸਦੀ ਨੇ ਕਿਹਾ ਕਿ ਉਹ ਮੌਜੂਦਾ ਰਾਸ਼ਟਰਪਤੀ ਦੀ ਹਮਾਇਤ ਕਰਨਗੇ। ਇਸ 80 ਸਾਲਾ ਬਜ਼ੁਰਗ ਨੇ ਸਾਬਕਾ ਉਪ ਰਾਸ਼ਟਰਪਤੀ ਮਾਈਕ ਪੇਂਸ ਅਤੇ ਡਿਸੈਂਟਿਸ ਦੇ ਖਿਲਾਫ ਵੀ ਵਧੀਆ ਪ੍ਰਦਰਸ਼ਨ ਕੀਤਾ ਪਰ ਕਈ ਨਕਾਰਾਤਮਕ ਸਰਵੇਖਣ ਰਾਸ਼ਟਰਪਤੀ ਅਹੁਦੇ ਲਈ ਉਨ੍ਹਾਂ ਦੀ ਉਮਰ ਨੂੰ ਇਕ ਮੁੱਦਾ ਦੱਸਦੇ ਹਨ। ਬਾਈਡੇਨ ਨੇ ਦੌੜ ’ਚ ਹੋਰ ਭਾਰਤੀ-ਅਮਰੀਕੀ ਵਿਵੇਕ ਰਾਮਾਸਵਾਮੀ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ।